Mintirho Ya Vapostolo
13 A ku ni vaprofeta ni vadjondzisi ka bandla la le Antiyokiya,+ ku nga Barnaba, Samiyoni lweyi a vitaniwaka Nijere, Lukiyo wa le Kirena, Sawulo na Manahene lweyi a nga djondza xikan’we xikola na Hosi Heroda. 2 Na va ha tirhela Yehovha* va tlhela va titsona swakudla, moya wa ku kwetsima wu te: “Ni langeleni Barnaba na Sawulo+ swaku va ta yendla ntirho lowu ni nga va vitanela wona.”+ 3 Nkama va nga gama ku titsona swakudla ni ku khongela, va va tlhateke mavoko va gama va va tshika va famba.
4 Kutani vavanuna lava, hi ku rhumiwa hi moya wa ku kwetsima, va ya Selukiya; na va li kolanu, va khwele boti va ya Kipra. 5 Se nkama va nga fika aSalamina, va sungule ku djondzisa rito la Xikwembu ka masinagoga* ya Vayuda. A va na Yohani lweyi a a va pfuna.+
6 Loko se va tsemakanye xihlala* hinkwaxu va ya fika Pafu, va tlhangane ni Muyuda lweyi a vitaniwaka Bariyesu, lweyi a a li muloyi ni muprofeta wa mavunhwa. 7 Wanuna lweyi a a li na govhernadori Serjiyo Pawulo, wanuna wa ku tlhariha. Serjiyo Pawulo a vitane Barnaba na Sawulo hikusa a a lava ku twa rito la Xikwembu hi mbilu hinkwayu. 8 Kambe Elima lweyi wa muloyi (leyi i ndlela leyi vito la yena li nga hundzuluxeliwa hi yona) a sungula ku va kaneta swaku govhernadori a nga pfumeli ka Hosi. 9 Se Sawulo lweyi a vitaniwaka Pawulo a tala hi moya wa ku kwetsima, a gama a txuvuka Elima 10 a ku: “Wena munhu wa ku tala hi wukangayisi hinkwalu ni wubihi hinkwalu, wena n’wana wa Davulosi,+ wena nala wa hinkwaswu swa ku lulama, hi mhaka muni u nga tshiki ku wonha tindlela ta ku lulama ta Yehovha* ke? 11 Phela Yehovha* a ta ku khatisa, u ta fa matihlo naswona u ta heta nkamanyana na u nga voni.” Hi ku hantlisa matihlo ya yena ma weliwa hi hunguva yayikulu ni munyama, kutani a lavetela munhu wa ku mu khoma hi voko swaku a mu komba ndlela. 12 Se nkama govhernadori a nga vona leswi nga humelela, a ve mupfumeli hikusa leswi a nga swi djondza hi Yehovha* swi mu hlamalisile.
13 Kutani Pawulo ni vavanuna lava a a famba na vona va khwela boti va suka Pafu va ya Perji aPamfiliya. Kambe Yohani+ a hambana na vona a tlhelela Yerusalema.+ 14 Kutani va suka Perji va ya Antiyokiya aPisidiya. Va nghene ka sinagoga+ hi siku la Savata va fika va tshama. 15 Loko se ku lerhiwe Nawu+ ni mabuku ya Vaprofeta, varhangeli va sinagoga va khuluma na Pawulo na Barnaba va ku: “Vavanuna, vamakwerhu, loko mi ni rito la ku tiyisa vanhu, li vuleni.” 16 Se Pawulo a sekeleka, kutani nkama a nga va byela hi voko swaku va miyela, a te:
“Vavanuna, Vayisrayele na n’wina van’wani lava hloniphaka Xikwembu, yingisani. 17 Xikwembu xa Vayisrayele xi lange vavhovho va hina; nkama na va li ka tiko leli a li nga li la vona ku nga Gibita, xi va yendle tiko la matimba xi gama xi va humesa hi voko la xona la matimba.+ 18 Xi va lehisele mbilu amananga kolomuyani ka 40 wa malembe.+ 19 Loko se xi helise 7 wa matiko aKanana, xi nyike Vayisrayele tiko la vona.+ 20 Hinkwaswu leswo swi teke kolomuyani ka 450 wa malembe.
“Loko se ku hundze leswo, xi va nyike vayavanyisi anze ka nkama wa muprofeta Samuwele.+ 21 Kambe ku sukela nkameni wa muprofeta Samuwele anze ka nkama lowu va nga lava ku va ni hosi,+ Xikwembu xi va nyike Sawulo n’wana wa Kixi, lweyi a a li wa lixaka la Benjamini+ naswona a fume 40 wa malembe. 22 Loko se xi mu susile, xi veke Davhida swaku a va hosi ya vona,+ lweyi xi nga vula leswi hi yena: ‘Ni kume Davhida n’wana wa Yese,+ lweyi a tsakisaka mbilu ya mina.+ A ta yendla hinkwaswu leswi ni swi lavaka.’ 23 Hi ku ya hi leswi a xi swi tshembisile, Xikwembu xi tisele Israyele muponisi, ku nga Yesu lweyi a taka hi ka vana* va Davhida.+ 24 Na Yesu a nge se fika, Yohani a chumayele Vayisrayele hinkwavu, a va byela swaku va tsakamisiwa kuva va kombisa swaku va tisola.+ 25 Kambe nkama Yohani a a li kusuhi ni ku heta ntirho wa yena, a a tolovela ku vula a ku: ‘Mi pimisa swaku ni mani ke? Phela a ni yena. Kambe ndzhaku ka mina, wa ta lweyi swi kalaka swi nga ni faneli ku tlhantlha hambi tingoti ta masandaliya ya yena.’+
26 “Vavanuna, vamakwerhu, n’wina vatukulu va Abrahamu na n’wina van’wani lava va hloniphaka Xikwembu, mahungu lama vulavulaka hi ku ponisiwa ma rhumeliwe ka hina.+ 27 Hikusa lava tshamaka Yerusalema ni varhangeli va vona a va swi twisisanga swaku Yesu a a li Mesiya, kambe nkama va nga mu yavanyisa, va hetisise leswi nga vuliwa hi Vaprofeta,+ ku nga swilo leswi a swi lerhiwa hi rito la le henhla hi savata. 28 Hambileswi va kalaka va nga kumanga nchumu xa ku biha xa ku mu dlayela xona,+ va sindzise Pilatu swaku a dlayiwa.+ 29 Nkama va nga hetisisa swilo hinkwaswu leswi a ku tsaliwile swaku swi ta yendleka ka yena, va mu hawulile ka mhandzi* va ya mu lahla ka sirha.+ 30 Kambe Xikwembu xi mu pfuxile,+ 31 kutani a humelele masiku ya manyingi ka lava nga suka na yena Galileya va ya Yerusalema. Lava, hi vona swoswi va khulumaka hi ta yena ka vanhu.+
32 “Swoswi hi mi byela mahungu ya ku tsakisa hi xitshembiso lexi vavhovho va hina va nga tshembisiwa xona. 33 Xikwembu xi xi hetisisile ka hina vana va vona hi ku pfuxa Yesu;+ hi ku landza leswi swi nga tsaliwa ka Pisalema ya wumbirhi leyi nge: ‘U n’wana wa mina; namuntlha ni papayi wa wena.’+ 34 Naswona ka mhaka ya leswaku xi mu pfuxile ka lava va nga fa swaku a nga ha tlheli a va ni muzimbha wa munhu xi te: ‘Ni ta mi komba lirhandzu la ntiyiso leli ni nga tshembisa Davhida. Switshembiso leswi i ntiyiso.’*+ 35 Naswona ka Pisalema yin’wani ku tsaliwe leswi: ‘A wu nge tshiki muzimbha wa lweyi a tshembekaka ka wena swaku wu bola.’+ 36 Davhida a tirhele Xikwembu* ka nkama* wa yena, kutani a fa a lahliwa ni vavhovho va yena naswona muzimbha wa yena wu bolile.+ 37 Kambe lweyi Xikwembu xi nga mu pfuxa, muzimbha wa yena a wu bolanga.+
38 “Vamakwerhu, swi tiveni swaku swidjoho swa n’wina swi ta rivaleliwa ntsena hi mhaka ya yena naswona swoswi mi djondzisiwa mhaka leyi.+ 39 Nawu wa Moxe+ a wu nge mi yendli va ku lulama, kambe hi mhaka ya lifu la wanuna lweyi, hinkwavu lava kholwaka va ta vitaniwa va ku lulama hi Xikwembu.+ 40 Se tivoneleni swaku leswi vuliwaka ka mabuku ya Vaprofeta swi nga mi yendlekeli: 41 ‘N’wina va ku poyilelana, txuvukani ntirho lowu ni wu yendlaka ka masiku ya n’wina; ntirho wa kona a mi nge tshuki mi tshemba swaku ni wu yendlile hambiloko munhu o mi tlhamusela wona. Kambe mi ta hlamala mi helisiwa.’”+
42 Nkama Pawulo na Barnaba va nga huma, vanhu va va kombele swaku va va byela timhaka leti ni ka Savata leyi landzelaka. 43 Nkama ntlhanganu wa sinagoga wu nga hela, Vayuda ni vaprozelita* va ku tala lava a va gandzela Xikwembu va landzele Pawulo na Barnaba lava nga va byela swaku va tama va hanya hi ndlela leyi nga ta va yendla va rhandziwa hi Xikwembu.+
44 Hi Savata leyi nga landzela vanhu va ku tala va le doropeni va tlhanganile swaku va ta twa rito la Yehovha.* 45 Se nkama Vayuda va nga vona xitshungu, va tale hi wukwele, se va sungula ku kaneta leswi Pawulo a a swi hlaya.+ 46 Se Pawulo na Barnaba va va byela na va nga chavi nchumu va ku: “A swi boha swaku rito la Xikwembu li rhanga li byeliwa n’wina.+ Leswi mi li yalaka naswona mi vonaka swi nga mi faneli ku kuma wutomi la ku kala li nga heli, hi ya li byela vanhu vamatiko.+ 47 Hikusa Yehovha* a hi leletile a ku: ‘Ni mi langile swaku mi va ku vonakala ka matiko, kuva misava hinkwayu yi ta ponisiwa hi mhaka ya n’wina.’”+
48 Nkama vanhu vamatiko va nga twa leswo, va sungule ku tsaka ni ku dzunisa Yehovha* hi mhaka ya rito la yena, naswona hinkwavu lava nga kombisa swaku va lava ku kuma wutomi la ku kala li nga heli va ve vapfumeli. 49 Naswona rito la Yehovha* li ye li chumayeliwa ka tiko hinkwalu. 50 Kambe Vayuda va hlohlotela vavasati va wukhongeli lava nga ni switshamu swa le henhla ni vavanuna va lisima va doropa; se va xanisa+ Pawulo na Barnaba kutani va va txukumetela handle ka doropa. 51 Se Pawulo na Barnaba va phuhuna wuthulu ka minenge ya vona, ku komba swaku a va ha tingheni ta vona; se va ya Ikoniya.+ 52 Kambe vadjondzisiwa va tame va tsaka swinene+ ni ku tala hi moya wa ku kwetsima.