Zakariya

7 Hi lembe la wu 4 la ku fuma ka Hosi Dariyosi, Yehovha a vulavule na mina Zakariya+ hi siku la wu 4 ka wheti ya wu 9, ku nga wheti ya Kislevhi.* 2 Vanhu va le Betele va rhume Xarezeri na Regemi-Meleki ni vanhu va yena swaku va ya kombela Yehovha swaku a va rivalela, 3 va byele vaprista lava nga ka tempele ya Yehovha murhangeli wa tintsumi ni vaprofeta va ku: “Hi fanele hi rila hi wheti ya wu 5+ hi titsona swakudla ku fana ni leswi hi nga swi yendla malembe ya manyingi?”

4 Yehovha murhangeli wa tintsumi a tlhele a vulavula na mina a ku: 5 “Byela vanhu hinkwavu va tiko ni vaprista u ku: ‘A nkama a mi titsona swakudla mi tlhela mi rila hi wheti ya wu 5 ni hi wheti ya wu 7+ ku ringana 70 wa malembe,+ indjhe mpelampela a mi swi yendlela mina leswo? 6 Loko mi dla mi tlhela mi nwa, indjhe a mi nga swi yendleli ku titsakisa ke? 7 A mi nga fanelanga mi yingisa marito lawa Yehovha a nga ma vula hi ku tirhisa vaprofeta va khale,+ nkama lowu a ku tshama vanhu aYerusalema ni ka madoropa ya le kusuhi naswona a ku ni ku rhula ni nkama lowu a ku tshama vanhu aNegebi ni le Xefela?’”

8 Yehovha a tlhela a vulavula na mina a ku: 9 “Yehovha murhangeli wa tintsumi a li: ‘Yavanyisani hi ndlela yayinene,+ rhandzananani+ mi kombana timpsalu. 10 Mi nga tshuki mi kanganyisa wa ku feliwa hi nuna kumbe n’wana lweyi a kalaka a nga na vapsali,*+ hambi ku li munhu wa ku ta hi ka tiko lin’wani+ kumbe xisiwana;+ naswona mi nga tshuki mi hambelana maplanu* ya swilo swa ku biha ka timbilu ta n’wina.’+ 11 Kambe a va tshamela ku yala ku ni yingisa,+ va ni komba nhlana,+ va tipfala tindleve swaku va nga ni twi.+ 12 Va tiyelise timbilu ta vona ku fana ni ribye,*+ va yala ku yingisa nawu ni marito lawa Yehovha murhangeli wa tintsumi a nga ma rhumela hi ku tirhisa moya wa yena wa ku kwetsima ni hi ku tirhisa vaprofeta va khale.+ Kutani Yehovha murhangeli wa tintsumi a kwata swinene.”+

13 “‘Leswi va kalaka va nga ni yingisanga nkama ni* nga va vitana,+ na mina a ni nga ta yingisa loko va ni vitana,’+ ku vula Yehovha murhangeli wa tintsumi. 14 ‘Kutani ni va hangalasile hi xidzedze ni va yisa ka matiko hinkwawu lawa a va nga ma tivi,+ tiko la vona li sala na li hohlokile,* ku nga ha na munhu lweyi a tsemakanyaka kumbe ku tlhelela ka lona;+ hikusa va yendle tiko leli la ku saseka li va nchumu xa ku chavisa.’”