Nhlawutelo ya Yohani
22 Kutani ntsumi yi ni komba nambu wa mati ya wutomi,+ wa ku tenga wu tlhela wu phatima,* na wu huma hi ka xitshamu xa wuhosi xa Xikwembu ni xa Xinyempfani+ 2 wu ya fika ni le xikarhi ka ndlela yayikulu ya doropa. Amatlhelweni ka nambu lowu a ku ni minsinya ya wutomi leyi a yi psala 12 wa mixaka ya mihandzu naswona a yi psala wheti ni wheti. Matluka ya minsinya leyi a ma hanyisa matiko.+
3 Doropa leli a li nge he tshuki li rhuketeliwa. Kambe xitshamu xa wuhosi xa Xikwembu ni xa Xinyempfani+ swi ta va ka doropa lolelo naswona vatirheli va xona va ta xi yendlela ntirho wa ku kwetsima; 4 va ta vona nghohe* ya xona+ naswona va ta tsaliwa vito la xona ka swimombo swa vona.+ 5 Naswona a ku nga ha ta va ni wusiku,+ a va nga ha ta lava ku voningeliwa hi livoni kumbe hi dlambu hikusa Yehovha* Xikwembu a ta va voningela,+ kutani va ta va tihosi hi masiku ni masiku.+
6 Se a ku ka mina: “Marito lawa ma tshembeka naswona i ya ntiyiso;+ Yehovha* Xikwembu lweyi a nga vulavula hi ku tirhisa vaprofeta va yena,+ a rhume ntsumi ya yena leswaku yi komba vatirheli va yena swilo leswi faneleke swi yendleka swoswinyana. 7 Kutani na ta hi ku hantlisa.+ Wa tsaka lweyi a yingisaka marito ya wuprofeta la buku leli.”+
8 Hi mina Yohani lweyi a nga twa swilo leswi a tlhela a swi vona. Nkama ni nga swi twa ni tlhela ni swi vona, ni khizame phambheni ka minenge ya ntsumi leyi nga ni komba swilo leswi leswaku ni yi gandzela. 9 Kambe yona yi ni byele leswi: “U yendla yini? U nga yendli leswo! Mina no va xikarawa ku fana na wena ni vamakwenu lava nga vaprofeta ni lava yingisaka marito ya buku leyi. Gandzela Xikwembu.”+
10 Yi tlhele yi ku: “U nga ma yendli ma va xihundla marito ya wuprofeta leli, hikusa nkama lowu nga vekiwa se wu le kusuhi. 11 Lweyi a yendlaka swa ku kala swi nga lulamanga, a a tami a swi yendla; lweyi a yendlaka swa chaka a a tami a swi yendla; kambe lweyi a yendlaka swa ku lulama a a tami a yendla swa ku lulama naswona lweyi a kwetsimaka a a tami a kwetsima.
12 “‘Vonani, phela na ta hi ku hantlisa, ni ta hakela mun’wani ni mun’wani hi ku ya hi mintirho ya yena.+ 13 Hi mina Alfa na Omega,*+ wa ku sungula ni wa wugamu, masungulo ni magamu. 14 Va tsaka lava hlampsaka mpahla ya vona,+ leswaku va ta kota ku dla mihandzu ya minsinya ya wutomi+ ni leswaku va ta kota ku nghena hi ka swipfalu swa doropa lolelo.+ 15 Hala handle ku ni timbyana,* lava yendlaka swa wuloyi, lava yendlaka wuntunga la swa masangu,* vadlayi, lava gandzelaka swikwembu swa mavunhwa, hinkwavu lava rhandzaka mavunhwa ni ku hemba.’+
16 “‘Hi mina Yesu ni nga rhuma ntsumi ya mina leswaku yi nyikela wumboni ka n’wina hi swilo leswi, leswaku ku pfuneka mabandla. Mina ni limintsu ni ntukulu wa Davhida+ naswona ni nyeleti ya nimixo leyi phatimaka.’”+
17 Kutani moya wa ku kwetsima ni mutekiwa+ va tama va ku: “Tani!” Ni lweyi a swi twaka a a vuli a ku: “Tani!” Lweyi a twaka torha a a ti;+ lweyi a swi lavaka a a phuzi mahala mati ya wutomi.+
18 “Ni byela hinkwavu lava twaka marito ya wuprofeta la buku leli ni ku: Loko munhu o tshuka a yengetela swin’wani ka swilo leswi,+ Xikwembu xi ta mu yengetela makhombo lama nga tsaliwa ka buku leli;+ 19 naswona loko munhu o tshuka a susa xanchumu ka marito ya buku la wuprofeta leli, Xikwembu a xi nga ta mu pfumelela ku dla minsinya ya wutomi+ kumbe ku nghena ka doropa la ku kwetsima,+ ku nga swilo leswi nga tsaliwa ka buku leli.
20 “Lweyi a nyikelaka wumboni la timhaka leti a li: ‘Na ta hi ku hantlisa.’”+
“Amen! Tani Hosi Yesu.”
21 Timpsalu tatikulu ta Hosi Yesu a ti ve ni vakwetsimi.