Timotiya Wa Wumbirhi

4 Phambheni ka Xikwembu ni ka Kreste Yesu, lweyi a nga ta yavanyisa+ lava hanyaka ni lava nga fa+ hi nkama a nga ta kombisiwa,+ yena ni Mfumu wa yena,+ na ku rhuma ni ku: 2 Chumayela rito;+ u swi yendla hi xihantla, loko swi famba kahle ni loko swi karhata; u laya,+ u kawuka swinene, u khongotela hi ku lehisa mbilu ni ku djondzisa kahle.+ 3 Hikusa ku ta fika nkama lowu va nga ta kala va nga yamukeli djondzo leyi pfunaka,+ kambe va ta tihlengeletela vadjondzisi leswaku va va nyangalata* tindleve swaku va tsakisa ku navela ka vona.+ 4 Va ta tshika ku yingisela ntiyiso va yingisela mavunhwa. 5 Kambe wena, yi tirhisi kahle mimpimiso ya wena ka swilo hinkwaswu, tiyisela nhlomulu,+ tama u chumayela mahungu ya ku tsakisa, wu yendli kahle ntirho wa Xikwembu.+

6 Hikusa se na chululiwa ku fana ni gandzelo la vhinyu+ naswona nkama wa leswaku ni chunsiwa+ wu le kusuhi. 7 Ni lwe nyimpi yayinene,+ ni tsutsume ka mpalisanu ni za ni ya heta,+ ni hlayise lipfumelo. 8 Ku sukela swoswi ku ya phambheni, ni vekeliwe harhi* ya ku lulama,+ leyi Hosi, ku nga muyavanyisi wa ku lulama,+ a nga ta ni nyika yona yi va hakelo hi siku la kona,+ kambe a nga ta nyika mina ntsena, a ta nyika ni hinkwavu lava nga nyimela nkama lowu a nga ta humelela hi wona.

9 Hantlisa u ta ka mina. 10 Hikusa Demasi+ a ni balekile a ya Tesalonika hileswi a nga rhandza swa misava leyi. Kasi Krexkene a ye Galatiya, Tito a ya Dalmatiya. 11 Ni yo sala na Luka ntsena. Tani na Marka hikusa a ta ni pfuna swinene ka ntirho lowu ni wu yendlelaka Xikwembu. 12 Kambe ni rhume Tikiko+ aEfeza. 13 Loko u ta, tani ni djesi leli ni nga li siya na Karpu aTrowasi ni mabuku,* ngopfungopfu lawa ya xikhumba.

14 Alexandri lweyi a tirhaka hi kobre a ni yendlele swilo swa ku tala swa ku biha. Yehovha* a ta mu khatisa hi ku ya hi mintirho ya yena.+ 15 Na wena tivoneli ka yena, hikusa a swi kanete hintamu leswi hi nga swi vula.

16 Nkama ni nga tinyimelela ka ku sungula, a nga kona lweyi a nga nyima na mina kambe hinkwavu va ni siye noxe. Ni navela swaku Xikwembu xi nga va nyiki nandzu hi mhaka ya leswo. 17 Kambe Hosi yi nyime kusuhi na mina yi ni nyika matimba leswaku ni chumayela mahungu ya ku tsakisa hi ku helela leswaku matiko hinkwawu ma ta ma twa;+ naswona ni ponisiwile ka nomo wa nghonyama.+ 18 Hosi yi ta ni ponisa ka mintirho ya ku biha naswona yi ta ni hlayisa leswaku ni kuma Mfumu wa yona wa le tilweni.+ Ku dzuneka a ku ve ka yona hi masiku ni masiku. Amen.

19 Ni runguleli Prisila na Akila+ ni ndjangu wa Oneziforo.+

20 Eraxto+ a sale Korinto kambe Trofimu+ ni mu siye na a vabya aMileto. 21 Hantlisa u fika wuxika na li nge se sungula.

Wa ku rungula Yubulu na Pude na Lino na Klaudiya ni vamakwerhu hinkwavu.

22 Ni khongelela leswaku Hosi yi katekisa mbilu leyi mi nga na yona. Timpsalu ta yona tatikulu a ti ve na n’wina.