Karta Leli Tsaleliwaka Vakolosa
4 Na n’wina vinyi va vatirhi, tirhisanani kahle ni vatirhi va n’wina hi ndlela ya ku lulama, na mi swi tiva swaku na n’wina mi ni N’winyi atilweni.+
2 Mi nga tshiki ku khongela,+ mi nga khohlwi ku khongela, yendlani leswo na mi khensa.+ 3 Hi nkama lowu fanaka, hi khongeleleni na hina+ swaku Xikwembu xi ta hi pfulela nyanghwa wa leswaku hi chumayela rito, ni ku vula xihundla xa ku kwetsima hi Kreste, lexi ni nga djele hi mhaka ya xona,+ 4 leswaku ni ta kota ku xi tlhamusela kahle hilani ni faneleke ni yendla hi kona.
5 Tamani mi hanya hi wutlharhi loko mi tirhisana ni vanhu lava kalaka va nga lumbi bandla, mi wu tirhisa kahle nkama wa n’wina.*+ 6 Marito ya n’wina ma fanele ma nandziha nkama hinkwawu, ma cheliwa munyu+ leswaku mi ta tiva ndlela leyi mi faneleke mi hlamula mun’wani ni mun’wani hi yona.+
7 Tikiko,+ makwerhu wa ku rhandzeka, mutirheli wa ku tshembeka ni lweyi hi tirhaka xikan’we Hosini, a ta mi byela timhaka hinkwatu hi mina. 8 Ni mu rhuma ka n’wina kuva mi ta swi tiva swaku hi ndjhani ni leswaku a ta mi tiyisa. 9 A ta ta na Onezimu+ makwerhu wa ku tshembeka ni wa ku rhandzeka, lweyi a taka hi koseno ka n’wina; va ta mi byela hinkwaswu leswi yendlekaka halenu.
10 Wa mi rungula Arixtaku+ lweyi hi nga xikan’we djele, na Marka+ xaka la Barnaba (Marka lweyi, hi lweyi hi nga mi byela swaku mi mu yamukela+ loko a ta mi pfuxela), 11 na Yesu lweyi a vitaniwaka Yuxto, lweyi a nga mun’wani wa lava nga tsema nsuvu.* Lava hi vona ntsena ni tirhaka na vona ka swa Mfumu wa Xikwembu naswona va ni tiyisile hintamu. 12 Epafrasi+ mutirheli wa Kreste Yesu lweyi a a li na n’wina koseno wa mi rungula. Nkama hinkwawu wa mi khongelela hi mbilu hinkwayu, leswaku mi ta va vanhu va ku wupfa, mi tshemba swilo hinkwaswu leswi fambisanaka ni ku rhandza ka Xikwembu. 13 Na mi tiyisekisa swaku a tirha hi matimba hi mhaka ya n’wina ni hi mhaka ya lava nga Lawudikiya ni le Hiyerapolisi.
14 Luka,+ dotori lweyi a rhandziwaka wa mi rungula, na Demasi+ wa mi rungula. 15 Ni runguleleni vamakwerhu lava nga Lawudikiya na makwerhu wa xisati Nimfa ni bandla leli tlhanganaka kaya ka yena.+ 16 Loko mi gamile ku lerha karta* leli, gamani mi li rhumela ka bandla la Valawudikiya leswaku va ta li lerha;+ na n’wina lerhani leli ni nga li rhumela Lawudikiya. 17 Naswona byelani Arkipu+ mi ku: “Tama u tirha hi matimba swaku u hetisisa ntirho lowu u nga nyikiwa hi Hosi.”
18 Lawa i marungula ya mina Pawulo, lawa ni nga ma tsala hi voko la mina.+ Mi nga khohlwi swaku ni le djele.+ Timpsalu tatikulu ta Xikwembu a ti ve na n’wina.