Mintirho Ya Vapostolo
1 Ka Teyofilo! Ka buku la mina la ku sungula ni tsale minchumu hinkwayu leyi Yesu a nga sungula ku yi yendla ni ku yi djondzisa+ 2 anze siku leli a nga tlhatukisiwa hi lona+ nkama a nga gama ku nyikela minawu hi ku tirhisa moya wa ku kwetsima ka vapostolo lava a nga va langa.+ 3 Loko se a xanisekile, a game a humelela ka vona minkama ya yinyingi leswaku va ta swi tiva swaku impela wa hanya.+ Va mu vone 40 wa masiku naswona a a vulavula hi Mfumu wa Xikwembu.+ 4 Nkama a nga tlhangana na vona, a va byele a ku: “Mi nga suki Yerusalema,+ kambe tshamani kona mi nyimela leswi Papayi a nga swi tshembisa,+ leswi ni nga mi byela swona; 5 hikusa Yohani a tsakamise hi mati, kambe n’wina mi ta tsakamisiwa hi moya wa ku kwetsima+ ndzeni ka masikunyana.”
6 Nkama na va tlhanganile, va mu vutise va ku: “Hosi, u ta pfuxa mfumu aIsrayele swoswi?”+ 7 A va hlamula a ku: “A hi swa n’wina ku tiva minkama kumbe tinguva hikusa leswo swi le mavokweni ya Papayi.+ 8 Kambe mi ta yamukela matimba loko moya wa ku kwetsima wu fika henhla ka n’wina,+ funtshi mi ta va timboni ta mina+ aYerusalema+ ni le tikweni hinkwalu la Yudiya ni le Samariya+ anze amagamu ya misava.”+ 9 Nkama a nga hlaya timhaka leto, a tlhatukisiwa a ya henhla na va mu txuvukile, kutani a pfaliwa hi rhefu se va nga ha mu voni.+ 10 Na va ha txuvuke henhla nkama na a li ku tlhatukisiweni, ku humelele vavanuna vambirhi lava a va yambale mpahla ya ku basa+ va fika va nyima tlhelweni ka vona 11 va ku: “Vavanuna va Galileya, hi mhaka muni mi nyime lani mi txuvuka tilweni? Yesu lweyi a nga tlhatukisiwa a suka ka n’wina, a ta vuyisa leswi mi nga mu vona a fambisa xiswona tilweni.”
12 Kutani va suka ka ntshava leyi nga kusuhi ni Yerusalema,+ leyi vitaniwaka Ntshava ya Mawolivhera va tlhelela Yerusalema; mpfhuka wa kona a wu li wa kolomuyani ka kilometru lin’we.* 13 Nkama va nga fika, va ye ka yindlo ya le henhla, lomu a va tshama kona. A ku na Pedru, Yohani, Yakobe, Andre, Filipi, Tomasi, Bartolomewu, Matewu, Yakobe n’wana wa Alfewu, Simoni lweyi a a tiviwa hi ku hiseka na Yudasi n’wana wa Yakobe.+ 14 Hinkwavu lava a va phikelela xikhongelweni hi mbilu yin’we ku patsa ni vavasati van’wani+ na Mariya mamani wa Yesu ni vamakwavu va Yesu.+
15 Siku lin’wani na va tlhanganile, Pedru a sekeleke xikarhi ka vamakwavu (hinkwavu ka vona a va li 120) a ku: 16 “Vavanuna, vamakwerhu, a swi fanelile swaku tsalwa leli moya wa ku kwetsima wu nga li profeta hi ku tirhisa Davhida leli na li khuluma hi Yudasi,+ lweyi a nga rhangela ka lava nga khoma Yesu li hetiseka.+ 17 Hikusa a a li mun’we wa hina+ naswona a a langiwe swaku a yendla ntirho lowu na hina. 18 (Wanuna lweyi a xave nsimu hi male ya swa ku kala swi nga lulamanga,+ kutani a wa hi nhloko a pandzeka hi le xikarhi, marhumbu ya yena hinkwawu ma huma handle.+ 19 Mhaka leyi yi tiviwe hi vanhu hinkwavu lava a va tshama Yerusalema, va za va chula nsimu yoleyo vito la ku Hakeldama hi lirimi la vona, leswi vulaka “Nsimu ya Ngati.”) 20 Ka buku la Tipisalema ku tsaliwe leswi: ‘Munti wa yena a wu txintxe wu va rhumbi, ku nga ha tshami munhu ka wona,’+ naswona: ‘Ntirho wa yena wa ku rhangela a wu tekiwe hi mun’wani.’+ 21 Kutani ka vavanuna lava a va famba na hina hi nkama lowu Yesu a a yendla mintirho* ya yena xikarhi ka hina, 22 ku sukela ka nkama lowu a nga tsakamisiwa hi Yohani+ ku ya fika ka siku leli a nga tlhatukisiwa hi lona,+ ku laveka swaku mun’we ka vavanuna lava a va mboni na hina ka mhaka ya ku pfuxiwa ka Yesu.”+
23 Se ku langiwa vavanuna vambirhi: Matiyasi na Yosefa lweyi a vitaniwaka Barsaba, lin’wani a va ku i Yuxto. 24 Kutani va khongela va ku: “Yehovha,* wena lweyi u tivaka timbilu ta vanhu hinkwavu,+ hi kombi swaku u lange mani ka vavanuna lavambirhi, 25 leswaku a teka ntirho wa ku va mupostolo, lowu Yudasi a nga wu tshika a ya ka ku tiviwa hi yena.”+ 26 Se va hoxa swiribyani,*+ kutani swi komba Matiyasi; se a kontiwa* xikan’we ni 11 wa vapostolo.