Karta La Yakobe
3 Vamakwerhu, a swi bohi swaku va ku tala ka n’wina va va vadjondzisi, hikusa hina hi djondzisaka hi ta kuma wuyavanyisi la ku tika swinene.+ 2 Hikusa hinkwerhu ha phazama minkama ya yinyingi.+ Lweyi a kalaka a nga kwatisi van’wani hi leswi a swi vulaka, a hetisekile,* a kota ni ku lawula muzimbha wa yena hinkwawu. 3 Loko hi veka magoda* ka minomo ya makavhalu swaku ma ta hi yingisa, hi kota ku kongomisa ni muzimbha wa wona hinkwawu. 4 Txuvuka switimela swa mati: Hambileswi swi nga swikulu swinene naswona swi fambisiwaka hi moya wawukulu, kambe swi kongomisiwa hi nchumu xaxitsongo, kutani swi ya lomu lweyi a swi fambisaka a lavaka swaku swi ya kona.
5 Swa fana ni lirimi, i xirho xaxitsongo ka muzimbha, kambe la tibyela hintamu. Phela swi lava ndzilu wawutsongo swaku wu hisa khwati lalikulu swinene. 6 Lirimi li fana ni ndzilu.+ Ka muzimbha wa hina hinkwawu, lirimi hi lona li nga tala hi swilo hinkwaswu swa ku biha, li tlhela li chakisa muzimbha hinkwawu.+ Li nga tlhavika wutomi la munhu naswona ndzilu wa kona wu ta hi Gehena.* 7 Phela mixaka ya swiharhi hinkwaswu, swinyanyani, swiharhi leswi fambaka hi khwirhi ni swa le lwandle, swi nga djondzisiwa naswona vanhu va swi djondzisile. 8 Kambe a ku na munhu lweyi a nga kotaka ku fuma lirimi. A li lawuleki, la wonha naswona li tale hi vhenenu.+ 9 Hi ku tirhisa lirimi, hi dzunisa Papayi wa hina Yehovha,* hi tlhela hi rhuketela vanhu lava nga vumbiwa “hi xifaniso xa Xikwembu.”+ 10 Ha dzunisa hi tlhela hi rhuketela hi nomo wolowu wa wun’we.
Vamakwerhu, hi nga yendleni leswo.+ 11 Indjhe ka xihlovo xa xin’we ku nga huma mati yamanene* ni ya ku dzunga ke? 12 Vamakwerhu, indjhe nsinya wa nkuwa wu nga psala mihandzu ya mawolivhera, kumbe nsinya wa mawuvha wu psala makuwa ke?+ A swi nge koteki swaku ka mati ya ku dzunga ku huma mati yamanene.
13 Ku ni munhu wa ku tlhariha naswona a twisisaka xikarhi ka n’wina? Loko a li kona a a tikombisi hi mahanyelo yamanene a tlhela a yendla swilo hi ku rhula loku fambisanaka ni wutlharhi. 14 Kambe loko mi ni wukwele+ ni ku holovisana+ ka timbilu ta n’wina, mi nga tibumi+ mi hembela ntiyiso. 15 Lelo a hi wutlharhi leli taka hi le henhla matilweni, kambe i la misava,+ wutlharhi la wuharhi ni la wudimoni. 16 Hikusa lomu ku nga ni wukwele ni ku holovisana, ku ta tlhela ku va ni mpfilumpfilu ni swilo hinkwaswu swa ku biha.+
17 Kambe wutlharhi leli taka hi le henhla xa ku sungula li tengile,+ li ni ku rhula,+ la pimiselana,+ li tinyimisela ku yingisa, ku tala timpsalu ni mihandzu yayinene,*+ a li na xikheto+ naswona a li na wukanganyisi.+ 18 Vanhu lava hanyisanaka kahle ni van’wani,+ va yendla swaku ku va ni ku rhula,+ leswo swi yendla swaku va yendla mintirho yayinene.