Tito

3 Tama u va tsundzuxa swaku va tiveka hansi ni ku yingisa mimfumu ni tihosi,+ va lunghekela ntirho wun’wani ni wun’wani wawunene, 2 va nga vulavuli ku biha hi van’wani, va nga rhandzi ku holova kambe va pimiselana,+ va hanya hi ku rhula ni vanhu hinkwavu.+ 3 Hikusa na hina hi tshame hi va swiphunta, hi nga yingisi, hi huma ndleleni, hi va swikarawa swa ku navela ka ku hambanahambana ni mintsaku; a hi yendla swilo swa ku biha ni ku va ni mona, hi nyenyentsa hi tlhela hi nyenyana.

4 Kambe nkama lowu timpsalu ta Muponisi wa hina, ku nga Xikwembu,+ ni leswi xi va rhandzisaka swona vanhu swi nga kombisiwa, 5 xi hi ponisile hi ku hi hlampsa hi mati lama nyikaka wutomi+ xi tlhela xi hi yendla va nyuwani hi ku tirhisa moya wa ku kwetsima+ (a hi mhaka ya mintirho ya ku lulama leyi hi nga yi yendla+ kambe hi mhaka ya timpsalu ta xona).+ 6 Xi hi chululele moya lowu wa ku kwetsima na xi nga feleli hi ku tirhisa Yesu Kreste Muponisi wa hina,+ 7 leswaku loko se hi vuliwe va ku lulama hi mhaka ya timpsalu ta xona tatikulu,+ hi ta dla tshomba+ la wutomi la ku kala li nga heli leli hi nga li nyimela.+

8 Timhaka leti ta tshembeka naswona ni lava swaku u tama u vulavula hi tona, leswaku lava pfumelaka ka Xikwembu va tshamela ku pimisa hi mintirho yayinene. Timhaka leti i tinene naswona ta va pfuna vanhu.

9 Kambe u nga tshuki u tipeta ka ku kanetana hi swa wuphunta, ni ku lavetela swa matimu ya swib’ongo, kumbe ku holovisana hi Nawu hikusa a hi swa nchumu naswona a swi pfuni nchumu.+ 10 Loko ku ni munhu lweyi a djondzisaka swa mavunhwa,+ mu tsundzuxi. Kambe loko a nga ku yingisi hambiloko se u mu tsundzuxile kambirhi,+ huma ka yena,+ 11 hikusa wa swi tiva swaku munhu wa ku fana ni lweyo a hume ndleleni, wa djoha naswona swidjoho swa yena swi mu yavanyisile.

12 Nkama ni nga ta rhuma Artema kumbe Tikiko+ a ta ka wena, zama ku hantla u ta ka mina aNikopoli, hikusa ni lava ku ya tshama kona wuxika hinkwalu. 13 Zama ku pfuna Zena mutivi wa Nawu na Apolosi leswaku va nga pfumali nchumu ka liyendzo la vona.+ 14 Kambe vanhu va ka hina na vona a va djondze ku yendla mintirho yayinene leswaku va ta kota ku pfunisa loko swi tshuka swi laveka hi xihantla,+ leswaku va nga tsandzeki ku psala mihandzu.+

15 Hinkwavu lava ni nga na vona va ku rungula. Ni runguleli Vakreste van’wani lava hi rhandzaka.

Timpsalu tatikulu ta Xikwembu a ti ve na n’wina hinkwenu.