Vakorinto Va Wumbirhi
3 Swo lava hi tlhela hi mi byela swaku hi hina vamani ke? Ko laveka makarta lama mi byelaka swaku hi hina vamani ku fana ni vanhu van’wani ke? Kumbe hi n’wina mi faneleke mi hi nyika makarta ya kona? Ihim. 2 N’wina mi karta la hina+ leli nga tsaliwa ka timbilu ta hina, leli tiviwaka li tlhela li lerhiwa hi vanhu hinkwavu. 3 Hikusa swa voneka swaku n’wina mi karta la Kreste leli nga tsaliwa hi hina vatirheli va Xikwembu.+ A li tsaliwanga hi tinta kambe li tsaliwe hi moya wa ku kwetsima wa Xikwembu lexi hanyaka, naswona a li tsaliwanga ka maribye+ kambe li tsaliwe timbilwini.*+
4 Xikwembu xi yendle swaku hi va ni ku tshemba koloko hi ku tirhisa Kreste. 5 Kambe hina a hi faneleki ku yendla ntirho wa Xikwembu, kambe i Xikwembu lexi fanelekaka naswona hi xona lexi hi yendlaka hi faneleka ku yendla ntirho lowu.+ 6 Hi xona xi tlhelaka xi yendla swaku hi faneleka kahle ku va vatirhi ka ntwananu wa nyuwani,+ ku nga li vatirheli va nawu wa ku tsaliwa,+ kambe va moya wa ku kwetsima; hikusa nawu wa ku tsaliwa wu yisa ku feni,+ kambe moya wa ku kwetsima wa Xikwembu wu nyika wutomi.+
7 Se loko nawu lowu yisaka ku feni lowu nga tsaliwa ka maribye+ wu tile hi ku phatima kakukulu, vana va Israyele va za va tsandzeka ku txuvuka nghohe* ya Moxe hi mhaka ya ku phatima ka yona,+ hambileswi ku phatima ka kona a ku ta hela, 8 ntirho wa moya wa ku kwetsima wa Xikwembu+ a wu nga fanelanga wu phatima hintamu ku tlula ku phatima ka nawu wa ku tsaliwa ke?+ 9 Hikusa loko nawu lowu yisaka vanhu ku feni+ wu phatima,+ lowu yisaka vanhu ku lulameni wa wu tlula hi ku phatima!+ 10 Phela nawu lowu nga tshama wu va kona na wu phatima, swoswi a wa ha phatimi hikusa ndhawu ya wona yi tekiwile hi ku phatima kakukulu loku ku wu tlulaka.+ 11 Se loko swi ku Nawu lowu a wu ta helisiwa wu te na wu phatima,+ lowu nga ta tshama hi masiku wa wu tlula hi ku phatima.+
12 Leswi hi nga ni ntshembo wolowo,+ hi vulavula na hi tiye nhlana, 13 naswona a hi swi yendli leswi Moxe a nga swi yendla swa ku timbhonya nghohe hi nguvu,+ leswaku vana va Israyele va nga voni leswi a swi ta yendleka ka leswi a swi ta helisiwa. 14 Kambe tinhloko* ta vona a ti tiyelile.+ Hikusa ku ta fikela namuntlha, nguvu yoleyo a yi susiwi loko ku lerhiwa ntwananu wa khale,+ hikusa yi susiwa hi Kreste ntsena.+ 15 Phela ni namuntlha, loko ku lerhiwa matsalwa ya Moxe,+ ka ha ni nguvu leyi nga mbhonya timbilu ta vona.+ 16 Kambe loko munhu a tlhelela ka Yehovha,* nguvu ya susiwa.+ 17 Yehovha* i Moya*+ naswona lani moya wa ku kwetsima wa Yehovha* wu nga kona, ku chunseka ku kona.+ 18 Se hina hinkwerhu hi kalaka hi nga mbhonyiwanga tinghohe hi kombisa ku phatima ka Yehovha* ku fana ni swipelhu.* Ha txintxiwa leswaku hi fana ni Xikwembu leswaku hi kombisa hintamu ku phatima ka xona, hilaha Yehovha* Xikwembu* a yendlisaka xiswona.+