Mahungu Ya Ku Tsakisa Ya Ku Tsaliwa Hi Yohani

3 A ku ni wanuna mun’wani lweyi a a li Mufarisi naswona a a li mun’we wa lava a va fuma Vayuda; vito la yena a ku li Nikodema.+ 2 Niwusiku+ a ye ka Yesu a fika a ku: “Rabi,*+ ha swi tiva swaku u ta hi ka Xikwembu hikusa a nga kona lweyi a nga yendlaka masingita lawa+ u ma yendlaka na a nga pfuniwi hi Xikwembu.”+ 3 Se Yesu a mu hlamula a ku: “Ni ku byela ntiyiso: A ku na munhu lweyi a nga ta vona Mfumu wa Xikwembu+ loko a nga tlhelanga a psaliwa* ka wumbirhi.”+ 4 Nikodema a ku: “Munhu a nga psalisiwa ku yini na se a gugile? Swi nga koteka swaku a tlhelela ka khwirhi la mamani wa yena leswaku a tlhela a psaliwa?” 5 Yesu a mu hlamula a ku: “Ni ku byela ntiyiso: Munhu a nge ngheni ka Mfumu wa Xikwembu na a nga psaliwanga hi mati+ ni hi moya wa ku kwetsima wa Xikwembu.+ 6 Munhu a psala munhu naswona moya wa ku kwetsima wu psala leswi lumbaka tilweni. 7 U nga hlamali loko ni ku byela ni ku: Mi fanele mi psaliwa ka wumbirhi. 8 Moya wu ba wu ya lomu wu lavaka ku ya kona, se u twa guwa la wona, kambe a wu swi tivi swaku wu ta hi kwini ni swaku wu ya kwini. Swi tshamise swoleswo ni ka lava psaliwaka hi moya wa ku kwetsima.”+

9 Nikodema a ku: “Swi nga yendlekisa ku yini swoleswo?” 10 Yesu a mu hlamula a ku: “U mudjondzisi aIsrayele kambe a wu swi tivi swilo leswi? 11 Na ku tiyisekisa swaku hi vulavula leswi hi swi tivaka naswona hi fakaza leswi hi nga swi vona, kambe a mi li yamukeli wufakazi leli hi li nyikelaka. 12 Leswi mi kalaka mi nga kholwi loko ni mi byela swilo swa lani misaveni, mi ta swi kholwisa ku yini swa le tilweni loko ni mi byela ke? 13 A ku na munhu lweyi a nga tshama a ya tilweni+ loko ku nga li lweyi a nga xika hi kona,+ ku nga N’wana wa munhu. 14 N’wana wa munhu a ta hayekiwa ka mhandzi+ ku fana ni leswi Moxe a nga yi hayekisa xiswona nyoka henhla ka mhandzi amananga,+ 15 swaku lweyi a pfumelaka ka yena a ta kuma wutomi la ku kala li nga heli.+

16 “Hikusa Xikwembu xi rhandze misava swinene xi za xi nyikela hi N’wana wa xona lweyi a nga psaliwa a li yexe,+ swaku lweyi a pfumelaka ka yena a nga helisiwi kambe a kuma wutomi la ku kala li nga heli.+ 17 Hikusa Xikwembu a xi rhumanga N’wana wa xona misaveni leswaku a ta yi yavanyisa, kambe leswaku a ta yi ponisa.+ 18 Lweyi a pfumelaka ka yena a nge yavanyisiwi.+ Kambe lweyi a kalaka a nga pfumeli se a yavanyisiwile, hikusa a nga pfumelanga ka vito la N’wana wa Xikwembu lweyi a nga psaliwa a li yexe.+ 19 Ku vonakala ku tile misaveni,+ kambe vanhu va rhandze munyama ku tlula ku rhandza ku vonakala hikusa va yendla swilo swa ku biha; hi leswo swi nga ta yendlaka va yavanyisiwa. 20 Hikusa lweyi a hanyaka hi swilo swa ku biha a nyenya ku vonakala naswona a nga ti lani ku vonaka, leswaku mintirho ya yena yi nga voniwi.* 21 Kambe lweyi a yendlaka swaswinene wa ta ku vonakaleni,+ leswaku swi ta voneka swaku mintirho ya yena yi fambisana ni ku rhandza ka Xikwembu.”

22 Se Yesu ni vadjondzisiwa va yena va gama va ya Yudiya, lomu a nga fika a tshamanyana na vona na a tsakamisa vanhu.+ 23 Na yena Yohani a a li ku tsakamiseni ka vanhu aEnoni, kusuhi ni Salime, hikusa a ku ni mati ya manyingi ka ndhawu yoleyo,+ naswona vanhu a va tshamela ku ya swaku va ya tsakamisiwa.+ 24 Hi nkama wolowo Yohani a a nge se petiwa djele.+

25 Vadjondzisiwa va Yohani va holove ni Muyuda mun’wani hi mhaka ya ku tibasisa. 26 Se va ya ka Yohani va fika va ku: “Rabi,* wanuna lweyi a wu li na yena awuxeni ka Yordani naswona u nga fakaza hi yena+ a le ku tsakamiseni ka vanhu naswona va ku tala va chololoka va ya ka yena.” 27 Yohani a va hlamula a ku: “Munhu a nga va ni xanchumu, ntsena loko a nyikiwe hi Xikwembu. 28 Mi ni twile nkama ni nga ku: ‘A hi mina Kreste,+ kambe Xikwembu xi ni rhumile swaku ni rhanga ni ta na a nge se fika.’+ 29 Lweyi a nga ni mutekiwa* i muteki.*+ Kambe loko munghanu wa muteki a nyima a mu yingisa, wa tsaka swinene nkama a twaka rito la mutekiwa. Kutani ni tsakile swinene. 30 Valandzeli va Kreste va fanele va ya va tala, kambe va mina va ta pumbeka.”

31 Lweyi a taka hi le matilweni+ a tlula vanhu hinkwavu kambe lweyi a nga psaliwa misaveni a vulavula swa kola misaveni hikusa a huma kola. Lweyi a taka hi le matilweni a le henhla ka vanhu hinkwavu.+ 32 A fakaza leswi a nga swi vona a tlhela a swi twa+ kambe wufakazi la yena a li yamukeliwi hi munhu.+ 33 Lweyi a nga yamukela wufakazi la yena a tiyisekisa swaku Xikwembu xi ni ntiyiso.+ 34 Lweyi a nga rhumiwa hi Xikwembu a vulavula marito ya xona,+ hikusa a xi pimi nkama xi nyikaka moya wa xona wa ku kwetsima. 35 Papayi wa mu rhandza N’wana+ naswona a mu nyike swilo hinkwaswu.+ 36 Lweyi a pfumelaka ka N’wana a ta kuma wutomi la ku kala li nga heli,+ kasi lweyi a kalaka a nga mu yingisi N’wana a nge li kumi,+ kambe a ta kwateliwa hi Xikwembu.+