Varoma

14 Mu yamukeleni munhu lweyi a nga ni lipfumelo la ku kala li nga tiyanga,+ kambe mi nga mu yavanyisi munhu lweyi a nga ni mavonelo ya ku hambana ni ya n’wina. 2 Munhu a nga va ni lipfumelo leli mu pfumelelaka ku dla xin’wani ni xin’wani, kambe lweyi lipfumelo la yena li kalaka li nga tiyanga a dla matsavu ntsena. 3 Lweyi a dlaka swakudla hinkwaswu a nga mu yeyisi lweyi a kalaka a nga dli swakudla hinkwaswu, ni lweyi a kalaka a nga dli a nga mu yavanyisi munhu lweyi a dlaka swakudla hinkwaswu,+ hikusa Xikwembu xi mu yamukelile. 4 Wo va mani wena swaku u yavanyisa mutirhi wa munhu mun’wani?+ Phela n’winyi wa yena hi yena a vulaka swaku a lulamile kumbe a hoxile.*+ Loko Yehovha a mu pfuna, swi ta mu fambela kahle.

5 Van’wani va pimisa swaku ku ni siku la lisima ku tlula masiku laman’wani;+ kasi van’wani va pimisa swaku masiku hinkwawu ma fana.+ Mun’wani ni mun’wani a a tiyiseki hi leswi a swi tshembaka. 6 Lweyi a langaka siku swaku li va la lisima a swi yendlela ku hlonipha Yehovha. Naswona lweyi a dlaka, a dlela ku dzunisa Yehovha hikusa wa xi khensa Xikwembu+ hi mhaka ya swakudla swoleswo. Ni lweyi a kalaka a nga dli a swi yendlela ku dzunisa Yehovha, kutani a khensa Xikwembu.+ 7 A nga kona xikarhi ka hina lweyi a tihanyelaka+ naswona a nga kona lweyi a tifelaka. 8 Hikusa loko hi hanya hi hanyela Yehovha+ ni loko hi fa, hi fela Yehovha. Se loko hi hanya kumbe loko hi fa, hi va Yehovha.+ 9 Hi mhaka leyo, Kreste a file a tlhela a hanya swaku a ta va Hosi ya lava nga fa ni lava hanyaka.+

10 Kambe hi mhaka muni u yavanyisa makwenu?+ Kumbe hi mhaka muni u mu yeyisa makwenu? Phela hinkwerhu hi ta nyima phambheni ka xitshamu xa Xikwembu xa ku yavanyisa.+ 11 Hikusa ku tsaliwile: “Yehovha a li: ‘Leswi ni hanyaka,+ vanhu hinkwavu va ta ni khizamela naswona hinkwavu va ta ni dzunisa va tlhela va vula swaku ni Xikwembu.’”+ 12 Kutani mun’wani ni mun’wani wa hina a ta tihlamulela ka Xikwembu.+

13 Se a hi tshikeni ku yavanyisa van’wani.+ Kambe tivoneleni swaku mi nga yendli nchumu lexi nga ta holisa* lipfumelo la makwenu kumbe lexi nga ta mu wisa.+ 14 Na kholwa hi ku helela ka Hosi Yesu swaku a ku na nchumu lexi hi xi dlaka xi kalaka xi nga basanga.+ Kambe loko munhu a pimisa swaku nchumu a xi basanga, swi bihile ka yena ku xi dla. 15 Hikusa loko makwenu a kwatisiwa hi mhaka ya leswi u swi dlaka, a wa ha hanyi hi lirhandzu.+ Phela Kreste a mu felile ni munhu yelweyo, se u nga dlayi lipfumelo la yena hi mhaka ya swakudla leswi u swi dlaka.+ 16 Kutani mi nga pfumeli swaku va vulavula ku biha hi minchumu yayinene leyi mi yi yendlaka. 17 Munhu a nge ngheni ka Mfumu wa Xikwembu hi mhaka ya leswi a swi dlaka kumbe leswi a swi nwaka,+ kambe xa lisima a fanele a va wa ku lulama, wa ku rhula ni ku tsaka hi mhaka ya ku pfuniwa hi moya wa ku kwetsima. 18 Loko munhu a tirhela Kreste hi ndlela leyi, wa yamukeleka ka Xikwembu ni ka vanhu.

19 Hi mhaka leyo, a hi yendleni hinkwaswu leswi hi nga swi kotaka swaku hi va ni ku rhula+ ni van’wani ni ku tlhela hi tiyisana.+ 20 Tshikani ku hahlula ntirho wa Xikwembu hi mhaka ya swakudla.+ I ntiyiso swaku minchumu hinkwayu yi basile kambe a hi swinene loko munhu a dla minchumu leyi nga ta holisa lipfumelo la van’wani.*+ 21 Swa yampsa u nga dli nyama kumbe ku phuza vhinyu kumbe ku yendla nchumu lexi nga ta holisa lipfumelo la makwenu.+ 22 Leswi u kholwaka ka swona i mhaka ya wena ni Xikwembu. Wa tsaka munhu lweyi a kalaka a nga titwi nandzu hi ku yendla minchumu leyi a yi vonaka swaku i yinene. 23 Kambe loko a kanakana hi leswi a swi dlaka a ni nandzu* loko a dla, hikusa leswi a swi yendlaka a nga swi yendli hi lipfumelo. Phela xin’wani ni xin’wani lexi yendliwaka na xi nga sekeliwi ka lipfumelo i xidjoho.