Vaefeza
6 Vana, yingisani vapsali va n’wina+ hi ku pfumelelana ni ku rhandza ka Xikwembu, hikusa leswi swi lulamile ka xona. 2 “Hlonipha papayi wa wena ni mamani wa wena.”+ Lowu i nawu wa ku sungula lowu nga ni xitshembiso lexi nge: 3 “Leswaku swi ta ku fambela kahle ni leswaku u ta hanya masiku ya manyingi lani misaveni.” 4 Na n’wina vapapayi, mi nga hlupheni vana va n’wina+ kambe va kuliseni hi ku va laya+ ni ku va djondzisa minawu ya Yehovha.*+
5 N’wina vatirhi,* yingisani vapatrao* va n’wina+ hi ku va hlonipha hi mbilu hinkwayu, ku fana ni leswi mi yendlisaka xiswona ka Kreste; 6 mi nga yendli leswo ntsena loko mi voniwa hi vanhu leswaku mi va tsakisa,+ kambe leswi mi tirhelaka Kreste, yendlani ku rhandza ka Xikwembu hi mbilu hinkwayu.+ 7 Tirhelani vapatrao va n’wina hi ku swi rhandza ku fana ni loko mi tirhela Yehovha,*+ ku nga li vanhu, 8 hikusa ma swi tiva swaku Yehovha*+ a ta hakela mun’wani ni mun’wani hi ku ya hi minchumu yayinene leyi a nga yi yendla, hambi a li mutirhi kumbe a nga li yena. 9 Na n’wina vapatrao, va khomeni hi ndlela leyi fanaka, mi nga va chaviseli hikusa ma swi tiva swaku n’wina na vona mi ni N’winyi mun’we lweyi a nga matilweni,+ lweyi a kalaka a nga na xikheto.
10 Xa wugamu, ni navela leswaku Hosi yi mi nyika ntamu+ hi ku tirhisa matimba ya yona yamakulu. 11 Yambalani mpahla hinkwayu ya nyimpi+ leyi taka hi ka Xikwembu leswaku mi ta kota ku nyima mi tiya, mi lwa ni mindzingo* ya Davulosi; 12 hikusa a hi lwi* ni vanhu kambe hi lwa+ ni mimfumu, ni varhangeli, ni tihosi ta misava leyi ya munyama, ku nga madimoni+ ya manyingi lama nga matilweni. 13 Kutani yambalani mpahla hinkwayu ya nyimpi leyi taka hi ka Xikwembu,+ leswaku mi ta kota ku tilwela hi siku la khombo ni leswaku loko se mi ta va mi yendle hinkwaswu leswi, mi kota ku nyima mi tiya.
14 Se nyimani mi tiyile na mi tibohe masenge hi bandhi la ntiyiso,+ mi yambala xivhikelo xa xifuva xa ku lulama,+ 15 naswona yambalani masandaliya swaku mi lunghekela ku chumayela mahungu ya ku tsakisa ya ku rhula.+ 16 Minkama hinkwayu, rhwalani xivhikelo xaxikulu xa lipfumelo,+ lexi mi nga ta kota ku timela hi xona mimpaxwa* hinkwayu leyi pfurhaka ya Davulosi.*+ 17 Naswona yambalani kapaseti la ku ponisa+ mi tlhela mi khoma xipada xa moya wa ku kwetsima, ku nga rito la Xikwembu.+ 18 Minkama hinkwayu khongelani+ hi ku fambisana ni moya wa ku kwetsima wa Xikwembu na mi tirhisa mixaka hinkwayu ya xikhongelo ni xikombelo.+ Naswona tshamani na mi pfule matihlo, mi tlhela mi kombela Xikwembu swaku xi tama xi pfuna vakwetsimi hinkwavu. 19 Ni khongeleleni na mina, leswaku Xikwembu xi ni nyika marito ya ku ma vula loko ni pfula nomo, kuva ni kota ku vulavula na ni nga chavi nchumu loko ni twalisa xihundla xa ku kwetsima xa mahungu ya ku tsakisa.+ 20 Xikwembu hi xona xi nga ni rhuma+ leswaku ni chumayela mahungu ya ku tsakisa. Hi leswo swi nga ni yendla ni petiwa djele. Se ni khongeleleni leswaku ni kota ku vulavula hi wona na ni nga chavi nchumu, hilaha ni faneleke ni swi yendlisa xiswona.
21 Kutani Tikiko,+ makwerhu lweyi a rhandzekaka ni mutirhi wa ku tshembeka Hosini, a ta mi byela mahungu ya mina hinkwawu ni leswaku ni ndjhani.+ 22 Hi swona leswi yendlaka swaku ni mu rhuma ka n’wina, leswaku mi ta tiva swaku hi pfukise ku yini ni leswaku a ta tiyisa timbilu ta n’wina.
23 Ni navela swaku vamakwerhu va nga va ni ku rhula ni lirhandzu leli fambisanaka ni lipfumelo ka Xikwembu Papayi wa hina, ni ka Hosi Yesu Kreste. 24 Timpsalu tatikulu a ti ve ni hinkwavu lava rhandzaka Hosi ya hina Yesu Kreste hi lirhandzu la ku kala li nga heli.