Tipisalema
97 Yehovha i Hosi!+
Misava a yi tsake.+
Swihlala* swa swinyingi a swi tsake.+
2 A rhendzeliwe hi marhefu ni munyama wawukulu;+
Xitshamu xa yena xa wuhosi xi seketeliwe ka ku lulama ni wululami.+
4 Ku hatima ka yena ku voningela tiko;
Misava ya ku vona yi gama yi rhurhumela.+
5 Tintshava ta deretera ku fana ni mafurha* phambheni ka Yehovha,+
Phambheni ka Hosi ya misava hinkwayu.
6 Matilo ma twalisa ku lulama ka yena,
Naswona vanhu hinkwavu va vona ku phatima ka yena.+
7 Hinkwavu lava gandzelaka xifaniso xa ku vatliwa a va danisiwe,+
Lava tibumaka hi swikwembu swa vona swa ku kala swi nga pfuni nchumu.+
N’wina swikwembu hinkwaswu, khizamani ka yena.*+
8 Doropa la Siyoni la swi twa, li tsaka;+
Madoropa* ya Yuda ma tsakile
Hi mhaka ya ku yavanyisa ka wena, Yehovha Xikwembu xa mina.+
9 Hikusa wena Yehovha hi wena Lweyi A Nga Tlakuka amisaveni hinkwayu;
U tlakukile swinene ka swikwembu leswin’wani hinkwaswu.+
10 N’wina lava rhandzaka Yehovha, nyenyani swa ku biha.+
11 Ku vonakala ku voningele lava va ku lulama+
Naswona va tsaka lava nga ni timbilu tatinene.
12 Tsakani ka Yehovha n’wina lava va ku lulama,
Khensani vito* la yena la ku kwetsima.