Mahungu Ya Ku Tsakisa Ya Ku Tsaliwa Hi Luka

3 Hi lembe la wu 15 la ku fuma ka Tiberiyo Khezari, na Pontiyo Pilatu a li govhernadori wa Yudiya, na Heroda*+ a li govhernadori* wa dixtritu la Galileya, makwavu wa yena Filipi a a li govhernadori wa dixtritu la tiko la Ituriya na Trakonita naswona Lisaniya a a li govhernadori wa dixtritu la Abilene, 2 ka masiku ya muprista wamukulu Anasi na Kayafasi,+ Xikwembu xi vulavule na Yohani+ n’wana wa Zakariya amananga.+

3 Kutani Yohani a fambe ka tiko hinkwalu la le kusuhi ni Yordani, a chumayela vanhu swaku va tsakamisiwa kuva va kombisa leswaku va tisolile ka swidjoho swa vona,+ 4 hi ku landza leswi swi nga tsaliwa ka buku la muprofeta Esaya loko a ku: “Ku ni lweyi a huwelelaka amananga a ku: ‘Lunghiselelani ndlela ya Yehovha!* Khulani tindlela ta yena ti basa.+ 5 Minkova hinkwayu yi fanele yi seleteliwa, tintshava hinkwatu ni maganga a swi diliziwe; tindlela leti nga gombonyoka ti fanele ti wololoka, tindlela leti nga ni swigangani ni minkova ti lunghisiwa; 6 kutani vanhu hinkwavu va ta vona ndlela leyi Xikwembu xi ponisaka hi yona.’”+

7 Se a byela vanhu lava a va mu tela leswaku va ta tsakamisiwa a ku: “N’wina vana va tinyoka,* i mani lweyi a nga mi byela swaku mi nga swi kota ku baleka ku kwata ka siku la Xikwembu?+ 8 Yendlani mintirho leyi kombisaka swaku mi tisolile. Mi nga tshuki mi tibyela mi ku: ‘Papayi wa hina i Abrahamu.’ Hikusa na mi byela swaku Xikwembu xi nga mu yendlela vana Abrahamu hi maribye lawa. 9 Phela a bewula se li lunghekile swaku li tsema timintsu ta nsinya. Se nsinya wun’wani ni wun’wani lowu kalaka wu nga psali mihandzu yayinene wu ta tsemiwa wu hoxiwa ka ndzilu.”+

10 Kutani xitshungu xi mu vutisa xi ku: “Hi fanele hi yendla yini?” 11 A xi hlamula a ku: “Lweyi a nga ni mabanchi mambirhi a a nyiki lin’we lweyi a kalaka a nga na nchumu, ni lweyi a nga ni swakudla a a nyiki lweyi a kalaka a nga na swona.”+ 12 Ni vahakelisi va rhesa* va tile va ta tsakamisiwa+ va ku: “Mudjondzisi, hi fanele hi yendla yini?” 13 A va byela a ku: “Mi nga hakeliseni* vanhu swa ku tlula leswi mi nga rhumiwa swona.”+ 14 Masonchwa na wona ma mu vutisa ma ku: “Hi fanele hi yendla yini?” A ku: “Mi nga tekeni male ya munhu hi nkanu kumbe ku lumbeta van’wani,+ kambe tsakani hi muholo wa n’wina.”

15 Leswi vanhu a va nyimele Kreste, loko va vona Yohani a va tivutisa va ku: “Indjhe a hi yena Kreste lweyi?”+ 16 Se Yohani a va byela a ku: “Mina ni mi tsakamisa hi mati, kambe wa ta lweyi a ni tlulaka hi matimba naswona a swi ni faneli ku tlhantlha tingoti ta masandaliya ya yena.+ Yena a ta mi tsakamisa hi moya wa ku kwetsima ni hi ndzilu.+ 17 A khome foxolo leswaku a hambanisa trigu ka mabyanyi, a ta basisa kahle lomu trigu li huleliwaka kona, kutani a ta chela trigu ka ndhawu ya ku hlayisa ka yona swakudla, se a muhungu a ta wu hisa hi ndzilu wa ku kala wu nga timeki.”

18 A tlhele a va tiyisa hi tindlela ta ku tala ni ku tama a chumayela mahungu ya ku tsakisa. 19 Kambe leswi Heroda govhernadori wa dixtritu la Galileya a nga layiwa hi Yohani hi mhaka ya Herodiya nsati wa makwavu ni hi mhaka ya mintirho ya ku biha leyi a nga yi yendla, 20 a tlhele a yendla nchumu xin’wani xa ku biha: A pete Yohani djele.+

21 Se loko vanhu hinkwavu va tsakamisiwile, Yesu na yena a tsakamisiwa.+ Na a ha khongela, matilo ma pfuleka,+ 22 kutani moya wa ku kwetsima wu xika ku fana ni xituvani, wu xikela henhla ka yena; se ku twakala rito leli taka hi le tilweni li ku: “U N’wana wa mina lweyi ni mu rhandzaka; na ku tsakela.”+