Vaefeza
5 Leswi mi nga vana lava rhandzekaka, tekelelani Xikwembu,+ 2 mi tama mi rhandzana,+ ku fana ni leswi Kreste na yena a nga hi* rhandza+ a tlhela a nyikela wutomi la yena hi mhaka ya hina,* leswaku a va gandzelo la ku nun’hwela ka Xikwembu.+
3 Wuntunga la swa masangu* ni chaka hinkwalu kumbe makwanga* swi nga tshuki swi vuliwa xikarhi ka n’wina,+ hikusa minchumu leyi a yi va faneli vanhu va ku kwetsima;+ 4 hambi mahanyelo ya tingana kumbe ku vulavula swa ku kala swi nga na nhloko+ kumbe mapiyada* ya nsila, hikusa swilo leswi a swi faneleki, kambe ntsena leswi khensaka Xikwembu.+ 5 Hikusa ma swi tiva naswona ma pfumela swaku a ku na munhu ni mun’we lweyi a nga ta va ni tshomba ka Mfumu wa Kreste ni wa Xikwembu+ loko a yendla wuntunga la swa masangu,*+ minchumu ya ku nyenyentsa ni ku va ni makwanga,*+ ku nga ku gandzela swikwembu.
6 Mi nga pfumeleleni munhu a mi kanganyisa hi marito ya ku kala ma nga pfuni nchumu, hikusa hi mhaka ya swilo leswi, ku kwata ka Xikwembu ku ta wela lava kalaka va nga yingisi. 7 Se mi nga tolovelani ni vanhu va ku tshamisa xileswo, 8 hikusa khale a mi li ka munyama kambe swoswi se mi le ku vonakaleni+ ka Hosi.+ Hanyani ku fana ni vana va ku vonakala, 9 hikusa ku vonakala ku psala mihandzu hinkwayu ya wunene, ku lulama ni ntiyiso.+ 10 Minkama hinkwayu kambisisani* mi vona leswi tsakisaka+ Hosi, 11 naswona tshikani ku yendla mintirho ya ku kala yi nga pfuni nchumu ya ku fambisana ni munyama.+ Kambe yi paluxeni yi tiviwa. 12 Hikusa minchumu leyi va yi yendlaka xihundleni, ya danisa hambi hi ku yi vula. 13 Kutani hinkwaswu leswi paluxiwaka* swi kombisiwa hi ku vonakala, hikusa xin’wani ni xin’wani lexi kombisiwaka i ku vonakala. 14 Hi leswo swi nga yendla ku vuliwa leswi: “Pfuka, wena u nga yetlela, pfuka ka lava nga fa,+ kutani Kreste a ta ku voningela.”+
15 Kutani tshamani na mi pfule matihlo leswaku mi nga fambi ku fana ni vanhu va ku kala va nga tlharihanga, kambe mi famba ku fana ni vanhu va ku tlhariha, 16 mi wu tirhisa kahle nkama* wa n’wina+ hikusa masiku lawa hi hanyaka ka wona ma bihile. 17 Kutani tshikani ku fana ni vanhu va ku kala va nga tlharihanga, kambe twisisani leswi Yehovha* a swi lavaka.+ 18 Naswona mi nga phuzeni vhinyu mi za mi dakwa,+ hikusa li yendlisana swilo swa ku biha,* kambe tamani mi tala hi moya wa ku kwetsima. 19 Tiyisanani hi tipisalema,* hi marito ya ku dzunisa Xikwembu ni hi tinsimu ta ku dzunisa,+ mi yimbelela+ ni ku dzunisa Yehovha* ka timbilu ta n’wina.+ 20 Ka swilo hinkwaswu, khensani+ Xikwembu minkama hinkwayu lexi nga Papayi wa hina, hi vito la Hosi ya hina Yesu Kreste.+
21 Leswi mi mu hloniphaka hintamu Kreste, tivekeni hansi ka van’wani.+ 22 Vavasati a va tiveki hansi ka vanuna va vona+ ku fana ni leswi va swi yendlaka ka Hosi, 23 hikusa wanuna i nhloko ya nsati wa yena+ ku fana ni leswi Kreste a nga nhloko ya bandla+ a tlhela a va muponisi wa muzimbha* lowu. 24 Phela leswi bandla li tivekaka hansi ka Kreste, na vona vavasati va fanele va tiveka hansi ka vanuna va vona ka minchumu hinkwayu. 25 Vavanuna, tamani mi rhandza vasati va n’wina,+ ku fana ni leswi Kreste na yena a nga rhandza bandla lakakuva a li fela,+ 26 leswaku a li kwetsimisa, a li basisa hi ku li hlampsa hi mati na a tirhisa rito,+ 27 leswaku li ta saseka ka matihlo ya yena, li nga vi na xivati,* li nga khwanyali, kumbe li va ni nchumu xa ku fana ni leswo,+ kambe li kwetsima naswona li nga vi ni nchumu xa ku va li soliwa hi xona.+
28 Na vona vavanuna va fanele va rhandza vasati va vona ku fana ni muzimbha wa vona. Wanuna lweyi a rhandzaka nsati wa yena wa tirhandza, 29 hikusa a nga kona munhu lweyi a nga tshama a nyenya muzimbha* wa yena, kambe wa wu wundla a tlhela a wu hlayisa, ku fana ni leswi Kreste a yendlisaka xiswona ka bandla, 30 hikusa hi swirho swa muzimbha wa yena.+ 31 “Hi mhaka leyo, wanuna a ta siya papayi wa yena ni mamani wa yena kutani a namarhela* nsati wa yena, se havambirhi va ta va nyama yin’we.”+ 32 Xihundla lexi xa ku kwetsima+ i xikulu. Swoswi ni vulavula hi Kreste ni hi bandla.+ 33 Kutani mun’wani ni mun’wani wa n’wina a fanele a rhandza nsati wa yena+ ku fana ni leswi a tirhandzisaka xiswona; na yena wansati a fanele a mu hlonipha hintamu swinene nuna wa yena.+