Tipisalema
Ka mayextru wa Gititi.* Pisalema ya Davhida.
8 Yehovha Hosi ya hina, vito la wena i likulu hintamu amisaveni hinkwayu;
Ku phatima ka wena ku tlula ni matilo!+
2 U tiyise matimba ya wena hi minomo ya vana ni swibebetani,+
Hi mhaka ya valala va wena,
Leswaku u miyeta nala ni lweyi a hakelisaka.
3 Loko ni vona matilo ya wena, mintirho ya tintiho ta wena,
N’weti ni tinyeleti leswi u nga swi yendla,+
4 O va yini munhu swaku u pimisa hi yena,
Ni n’wana wa munhu swaku u mu hlayisa?+
6 U mu nyike matimba ya ku fuma leswi nga yendliwa hi mavoko ya wena;+
U veke swilo hinkwaswu hansi ka minenge ya yena:
7 Tinyempfu hinkwatu, timbuti ni tihomu,
Ni swiharhi swa khwati,+
8 Swinyanyani ni tihlampfi ta lwandle,
Ni hinkwaswu leswi hanyaka lwandle.
9 Yehovha Hosi ya hina, vito la wena i likulu hintamu amisaveni hinkwayu!