Tipisalema
Ka mayextru; hi mayimbelelelo ya lisimu leli nge: “Tuva La Ku Miyela Leli Nga Kule Swinene.” Mikitami* ya Davhida. Nkama lowu a nga khomiwa hi Vafilista aGati.+
56 Ni kombe timpsalu, Xikwembu xa mina, hikusa vanhu va ni hlasela.
Siku hinkwalu va tshamela ku ni lwisa ni ku ni karhata.
2 Valala va mina va tshamela ku ni hlasela siku hinkwalu;
Vanhu va vanyingi va lwa na mina na va tibyela.
3 Loko ni chava,+ ni tshemba wena.+
4 Ni tshemba Xikwembu, lexi ni dzunisaka rito la xona
Ni tshemba Xikwembu; a ni chavi nchumu.
Se munhu a nga ni yendla yini?+
5 Siku hinkwalu va ni vangela mahlomulu;
Va tshamela ku lava tindlela ta ku ni vavisa.+
6 Va ni tumbelela swaku va ni hlasela;
Va tshama na va langute leswi ni swi yendlaka,+
Swaku va ta kuma ndlela ya ku ni dlaya.+
7 Va kombi nhlana hi mhaka ya wubihi la vona.
Wisa matiko hi ku kwata ka wena, Xikwembu xa mina.+
8 U tiva ku pepetseka ka mina.+
Chela mihloti ya mina ka bolhela* la wena.+
Indjhe mahlomulu ya mina a ma tsaliwanga ka buku ya wena?+
9 Valala va mina va ta baleka siku leli ni nga ta kombela ku pfuniwa hi wena.+
Leswi ni tiyisekaka hi swona hi leswi: Xikwembu xi na mina.+
10 Ni tshemba Xikwembu, lexi ni dzunisaka rito la xona,
Ni tshemba Yehovha, lweyi ni dzunisaka rito la yena.
11 Ni tshemba Xikwembu; a ni chavi nchumu.+
Se munhu a nga ni yendla yini?+