Tipisalema

119 Va tsaka lava tshamaka na va tshembekile,

Lava hanyaka* hi nawu wa Yehovha.+

 2 Va tsaka lava yingisaka switsundzuxu swa yena+

Lava va mu lavetelaka hi mbilu hinkwayu.+

 3 A va yendli swa ku biha;

Va famba ka tindlela ta yena.+

 4 Wena u vule swaku minawu ya wena

Yi fanele yi landzeleliwa hi mbilu hinkwayu.+

 5 Loko a no kota ku tshama na ni tshembekile+

Swaku ni ta yingisa minawu ya wena!

 6 Kutani a ni nga ta dana+

Loko ni pimisa* hi minawu ya wena.

 7 Ni ta ku dzunisa hi mbilu yayinene

Loko ni djondza hi swiboho swa wena swa ku lulama.

11 Ni hlayisa rito la wena ka mbilu ya mina+

Leswaku ni nga ku djoheli.+

12 A wu dzunisiwe wena Yehovha;

Ni djondzisi minawu ya wena.

13 Ni byele van’wani

Swiboho hinkwaswu leswi u nga swi yendla.

14 Switsundzuxu swa wena swa ni tsakisa+

Ku tlula minchumu hinkwayu ya lisima.+

15 Ni ta pimisa* hi minawu ya wena+

Funtshi ni ta veka matihlo ya mina ka tindlela ta wena.+

17 Ni kombe timpsalu mina mutirheli wa wena

Swaku ni ta hanya ni tlhela ni yingisa rito la wena.+

18 Pfula matihlo ya mina swaku ni ta swi vona kahle

Swilo swa ku hlamalisa leswi nga ka nawu wa wena.

20 Ni tshamela ku navela

Ku tiva swiboho swa wena swa ku yavanyisa.

21 U laya lava tibyelaka,

Lava nga rhukiwa, lava hambukaka ka minawu ya wena.+

22 Yendla leswaku va tshika ku ni delela ni ku ni vonela hansi,

Hikusa ni yingisa switsundzuxu swa wena.

23 Hambiloko tihosi ti tshama hansi ti vulavula ku biha hi mina,

Mina mutirheli wa wena ni pimisa* hi minawu ya wena.

24 Ni rhandza switsundzuxu swa wena;+

I vatsundzuxi va mina.+

26 Ni ku byele tindlela ta mina naswona u ni hlamulile;

Ni djondzisi minawu ya wena.+

27 Ni pfuni ni twisisa minawu ya wena,

Swaku ni ta pimisa* hi mintirho ya wena ya ku hlamalisa.+

29 Yi veke kule na mina ndlela ya ku kanganyisa,+

U ni komba timpsalu hi ku ni djondzisa nawu wa wena.

32 Ni ta lavetela minawu ya wena hi mbilu hinkwayu

Hikusa u yi yendlele ndhawu ka mbilu ya mina.*

33 Ni djondzisi minawu ya wena Yehovha,+

Ni ta yi yingisa hi mbilu hinkwayu anze magamu.+

34 Ni nyike ku twisisa,

Leswaku ni ta hlayisa nawu wa wena

Ni wu yingisa hi mbilu ya mina hinkwayu.

35 Ni fambisi ka ndlela ya minawu ya wena,+

Hikusa ya ni tsakisa.

36 Yendla leswaku mbilu ya mina yi yingisa switsundzuxu swa wena,

Ku nga li ku navela ku ganya.+

37 Yendla leswaku matihlo ya mina ma nga txuvuki minchumu ya ku kala yi nga pfuni nchumu;+

Ni hlayisi ni hanya ka ndlela ya wena.

38 Yendla leswi u nga ni tshembisa swona mina mutirheli wa wena,

Leswaku u ta chaviwa.*

39 Susa tingana leti ti ni chavisaka,

Hikusa swiboho swa wena swa ku yavanyisa i swinene.+

41 Ni kombe swaku wa ni rhandza, wena Yehovha,+

Ni ponisi hi ku landza leswi u nga swi tshembisa;+

42 Se ni ta hlamula lweyi a ni poyilelaka,

Hikusa ni tshemba rito la wena.

43 U nga li susi rito la ntiyiso ka nomo wa mina,

Hikusa ni tshembe* ku yavanyisa ka wena.

44 Ni ta yingisa nawu wa wena nkama hinkwawu,

Hi masiku ni masiku.+

45 Naswona ni ta famba ka ndhawu ya ku hlayiseka,*+

Hikusa ni lavetela minawu ya wena.

46 Ni ta vulavula hi switsundzuxu swa wena phambheni ka tihosi,

Funtshi a ni nge daniseki.+

47 Na yi tsakela minawu ya wena

Ina, na yi rhandza.+

48 Ni ta yi tlakusela mavoko minawu ya wena leyi ni yi rhandzaka,+

Funtshi ni ta pimisa* hi minawu ya wena.+

49 Khumbuka rito leli u nga ni byela* lona mina mutirheli wa wena,

Leli u nga ni nyika ntshembo hi lona.*

50 Leli li ni tiyisaka loko ni li ka mahlomulu,+

Hikusa rito la wena li ni hlayisa ni hanya.

51 Lava va tibyelaka va ni hleka,

Kambe a ni hambuki ka nawu wa wena.+

52 Yehovha Xikwembu xanga, ni khumbuka swiboho swa wena swa ku yavanyisa swa khale swinene,+

Naswona swa ni tiyisa.+

53 Ni kwate swa wugamu hi mhaka ya lava va ku biha,

Lava tshikaka nawu wa wena.+

54 Minawu ya wena i tinsimu ka mina

Hinkwaku lomu ni tshamaka kona.*

55 Yehovha, ni khumbuka vito la wena niwusiku,+

Leswaku ni ta yingisa nawu wa wena.

56 Ni tshamela ku yendla swoleswo

Hikusa ni yingise minawu ya wena.

57 Hinkwaswu leswi ni nga na swona swi ta hi ka Yehovha;+

Ni tshembise ku yingisa marito ya wena.+

58 Na ku kombela hi mbilu ya mina hinkwayu;+

Ni kombe timpsalu+ hi ku landza leswi u nga swi tshembisa.*

59 Ni kambisise tindlela ta mina,

Leswaku ni ta tlhelela ka wena ni yingisa switsundzuxu swa wena.+

60 Ni hantlisile, a ni hlwelanga

Ku yingisa minawu ya wena.+

61 Magoda ya lava ku biha ma ni rhendzelile,

Kambe a ni wu khohlwi nawu wa wena.+

62 Ni pfuka niwusiku ni ku khensa+

Hi mhaka ya swiboho* swa wena swa ku lulama.

63 Ni munghanu wa vanhu hinkwavu lava va ku chavaka

Ni wa lava va yingisaka minawu ya wena.+

64 Lirhandzu la wena li tate misava, Yehovha;+

Ni djondzisi minawu ya wena.

65 U ni yendlele swaswinene mina mutirheli wa wena,

Hi ku landza leswi u nga swi tshembisa, Yehovha Xikwembu xanga.

66 Ni nyike ku twisisa ni wutivi,+

Hikusa ni tshemba minawu ya wena.

67 Na ni nga se xaniseka a ni huma ndleleni,*

Kambe swoswi ni yendla leswi u swi vulaka.+

69 Lava tibyelaka va ni phatsekela hi mavunhwa,

Kambe ni yingisa minawu ya wena hi mbilu ya mina hinkwayu.

70 Timbilu ta vona ti tlanyalile,+

Kambe mina ni rhandza nawu wa wena.+

71 I swinene leswi ni nga xaniseka,+

Leswaku ni ta djondza minawu ya wena.

72 Nawu lowu u nga wu veka i wunene ka mina,+

Ku tlula swikhemu swa swinyingi hintamu swa woru ni prata.+

Ni nyike ku twisisa,

Leswaku ni djondza minawu ya wena.+

74 Lava va ku chavaka va tsaka loko va ni vona,

Hikusa ni tshemba rito la wena.+

75 Yehovha Xikwembu xanga, na swi tiva swaku swiboho swa wena, swi lulamile+

Ni leswaku u ni layile hi mhaka ya ku tshembeka ka wena.+

76 Ni kombela ku tiyisiwa hi lirhandzu la wena,+

Hi ku ya hi leswi u nga ni tshembisa swona mina mutirheli wa wena.

77 Ni kombe timpsalu leswaku ni nga helisiwi,+

Hikusa na wu rhandza nawu wa wena.+

78 Lava tibyelaka a va danisiwe,

Hikusa va ni djohela na ni nga va yendlelanga nchumu.

79 Lava ku chavaka a va tlhelele ka mina,

Lava tivaka switsundzuxu swa wena.

80 Ni pfuni swaku ni yingisa minawu ya wena hi mbilu hinkwayu,+

Leswaku ni nga daniseki.+

81 Ni navela ku ponisiwa hi wena,+

Hikusa ni tshemba rito la wena.

82 Matihlo ya mina ma navela ku vona switshembiso swa wena,+

Loko ni ku: “Kasi u ta ni tiyisa siku muni ke?”+

83 Hikusa ni fana ni bolhela la mati* leli nga womisiwa hi ximusi,

Kambe a ni yi khohlwi minawu ya wena.+

85 Lava va tibyelaka va ni txelele swikhele,

Lava delelaka nawu wa wena.

87 A ku sale kutsongo swaku va ni helisa,

Kambe a ni zanga ni yi tshika minawu ya wena.

88 Ni hlayisi ni hanya hi mhaka ya lirhandzu la wena,

Leswaku ni ta yingisa switsundzuxu swa wena.

89 Rito la wena li ta tshama na li li kona tilweni,

Yehovha Xikwembu xa mina.+

91 Swa* ha li kona ninamuntlha hi mhaka ya minawu ya wena,

Hikusa hinkwaswu i vatirheli va wena.

92 Loko a ni nga wu rhandzi nawu wa wena,

A ni ta va na ni file ka swikarhatu swa mina.+

93 A ni nge tshuki ni yi khohlwile minawu ya wena,

Hikusa hi yona yi nga yendla swaku u ni tshika ni hanya.+

94 Ni wa wena; ni ponisi,+

Hikusa ni lavetela minawu ya wena.+

95 Lava ku biha va lava ku ni helisa,

Kambe ni swi yingisa kahle switsundzuxu swa wena.

96 Ni vone swaku minchumu hinkwayu leyi nga hetiseka* yi ni swipimelo,

Kambe minawu ya wena a yi na swipimelo.*

98 Nawu wa wena wa ni tlharihisa ku tlula valala va mina,+

Hikusa ni tshama na ni li na wona.

99 Ni twisisa ku tlula vadjondzisi va mina hinkwavu,+

Hikusa ni pimisa* hi switsundzuxu swa wena.

100 Ni twisisa ku tlula vakulu va vanhu,

Hikusa ni yingisa minawu ya wena.

101 A ni pfumeli ku famba ka ndlela ya ku biha,+

Leswaku ni ta yingisa rito la wena.

102 A ni yi tshiki minawu ya wena,

Hikusa u ni djondzisile.

103 Ma nandzika ndjhani marito ya wena,

Ma tsokombela ku tlula ni wulombe!+

105 Rito la wena i livoni ka nenge wa mina,

Ni ku vonakala ka ndlela ya mina.+

106 Ni fungile funtshi ni ta swi yendla,

Leswaku ni yingisa swiboho swa wena swa ku yavanyisa swa ku lulama.

108 Yehovha Xikwembu xa mina, ni kombela u yamukela magandzelo ya mina ya ku ku dzunisa,+

U ni djondzisa minawu ya wena.+

109 Ni tshama na ni li nghozini,

Kambe a ni zanga ni wu khohlwa nawu wa wena.+

110 Lava ku biha va ni rhiyile,

Kambe a ni zanga ni hambuka ka minawu ya wena.+

111 Switsundzuxu swa wena swi ta va tshomba la mina hi masiku ni masiku,

Hikusa swi tsakisa mbilu ya mina.+

112 Ni yendle xiboho xa ku yingisa minawu ya wena

Hi masiku ni masiku, anze ni fa.

113 Na va nyenya vanhu va timbilu timbirhi,+

Kambe ni rhandza nawu wa wena.+

114 U xivhikelo xa mina ni lomu ni tumbelaka kona,+

Hikusa ni tshemba rito la wena.+

115 Fambelani kule na mina n’wina vanhu va ku biha,+

Leswaku ni ta yingisa minawu ya Xikwembu xa mina.

116 Ni seketeli hi ku landza leswi u nga swi tshembisa,*+

Leswaku ni ta tama ni hanya;

U nga ni tshiki ni daniseka.+

117 Ni seketeli swaku ni ta ponisiwa;+

Se ni ta tshama na ni pimisa hi minawu ya wena.+

118 Wena u fambela kule ni hinkwavu lava hambukaka ka minawu ya wena,+

Hikusa i vahembi ni vakanganyisi.

120 Na ku chava lakakuva ni muzimbha wa mina wa rhurhumela;

Ni chava ku yavanyisa ka wena.

122 Ni tshembisi mina mutirheli wa wena leswaku u ta ni pfuna;

Lava tibyelaka va nga ni xanisi.

123 Matihlo ya mina ma karhalile hi ku rindzela ku ponisiwa hi wena+

Ni xitshembiso xa wena xa ku lulama.+

124 Ni kombe mina mutirheli wa wena swaku wa ni rhandza,+

Ni djondzisi minawu ya wena.+

125 Ni mutirheli wa wena; ni nyike ku twisisa,+

Leswaku ni ta tiva switsundzuxu swa wena.

126 Se i nkama swaku wena Yehovha u yendla xanchumu,+

Hikusa va tlule nawu wa wena.

127 Hi leswo swi yendlaka ni yi rhandza minawu ya wena

Ku tlula woru, hambi woru la lisima hintamu.+

128 Hi mhaka leyo, minawu hinkwayu leyi taka hi ka wena yi lulamile ka mina;+

Na yi nyenya ndlela ya mavunhwa.+

130 Loko marito ya wena ma tlhamuseliwa ma tisa ku vonakala,+

Ma yendla swaku ni lweyi a kalaka a nga na xiperiyensa a twisisa.+

131 Ni pfula nomo wa mina hi ku helela ni tlhela ni hefemulela henhla,

Hikusa ni navela minawu ya wena.+

132 Tani u ta ni komba timpsalu,+

Hi ku ya hi xiboho xa wena ka lava rhandzaka vito la wena.+

133 Kongomisa minenge ya mina hi rito la wena;

Ni nga fumiwi hi swa ku biha.+

134 Ni ponisi ka lava ni xanisaka,

Ni ta yingisa minawu ya wena.

135 Ni kombe timpsalu mina mutirheli wa wena,+

Ni djondzisi minawu ya wena.

136 Matihlo ya mina ma xiririka mihloti

Hi mhaka ya leswi vanhu va kalaka va nga yingisi nawu wa wena.+

137 U lulamile Yehovha,+

Ni ku yavanyisa ka wena ku lulamile.+

138 Switsundzuxu swa wena swi lulamile

Funtshi swi tshembeka hintamu.

139 Ku hiseka ka mina ka ni dla,+

Hikusa valala va mina va khohlwe marito ya wena.

140 Rito la wena li tengile hintamu,+

Naswona mina mutirheli wa wena na li rhandza.+

141 A ni wa nchumu naswona ni voneliwa hansi;+

Kambe a ni zanga ni yi khohlwa minawu ya wena.

142 Ku lulama ka wena a ku heli,+

Ni nawu wa wena i ntiyiso.+

143 Hambi no kumana ni mahlomulu ni mindzingo,

A ni nge tshiki ku rhandza minawu ya wena.

147 Ni be mpundzu hintamu leswaku ni kombela ku pfuniwa.+

Hikusa ni tshemba marito ya wena.

148 Ni pfuke xikarhi ka wusiku,

Leswaku ni ta pimisa* hi rito la wena.+

150 Lava va nga ni mahanyelo ya tingana va ni tshinelelile;

Kambe va fambela kule hintamu ni minawu ya wena.

151 U kusuhi wena Yehovha,+

Funtshi minawu ya wena hinkwayu i ntiyiso.+

152 Ni djondze switsundzuxu swa wena khale swinene,

Leswi u nga yendla leswaku swi va kona hi masiku ni masiku.+

153 Vona mahlomulu ya mina, u ni ponisa,+

Hikusa a ni wu khohlwanga nawu wa wena.

154 Ni lweli* u ni ponisa;+

Ni hlayisi ni hanya hi ku landza leswi u nga swi tshembisa.*

155 Lava va ku biha a va nge ponisiwi,

Hikusa a va yi lavetelanga minawu ya wena.+

157 Lava ni xanisaka ni valala va mina i vanyingi;+

Kambe a ni zanga ni swi tshika switsundzuxu swa wena.

158 Ni txuvuka vakanganyisi na ni nyenyentsekile,

Hikusa a va li yingisi rito la wena.+

160 Rito la wena hinkwalu i ntiyiso,+

Swiboho swa wena swa ku yavanyisa hinkwaswu swi ta va kona hi masiku ni masiku.

161 Lava va fumaka va ni xanisa+ na ni nga va wonhelanga nchumu,

Kambe mbilu ya mina yi hlonipha marito ya wena.+

162 Rito la wena la ni tsakisa+

Ku fana ni munhu lweyi a nga kuma tshomba la linyingi.

163 Ni nyenya mavunhwa, ni ma nyenya ndjhani!+

Ni rhandza nawu wa wena.+

164 Ni ku dzunisa ka 7 hi siku

Hi mhaka ya swiboho swa wena swaswinene.

165 Lava va rhandzaka nawu wa wena va ni ku rhula kakukulu;+

A xi kona lexi nga va yendlaka va wa.

166 Ni nyimele ku ponisiwa hi wena Yehovha,

Funtshi ni yingisa minawu ya wena.

167 Ni yingisa switsundzuxu swa wena,

Naswona ni swi rhandza hintamu.+

168 Ni yingisa minawu ya wena ni switsundzuxu swa wena,

Hikusa hinkwaswu leswi ni swi yendlaka wa swi tiva.+

171 Nomo wa mina a wu tale hi marito ya ku dzunisa,+

Hikusa u ni djondzisa minawu ya wena.

172 Lirimi la mina a li yimbelele hi marito ya wena,+

Hikusa minawu ya wena hinkwayu yi lulamile.

173 Voko la wena a li tshame na li lunghekile swaku li ni pfuna,+

Hikusa ni tinyimisele ku yingisa minawu ya wena.+

174 Ni navela ku ponisiwa hi wena Yehovha,

Funtshi na wu rhandza nawu wa wena.+

175 Ni pfumeleli ni hanya swaku ni ta ku dzunisa;+

Ndlela leyi u nga ta yavanyisa hi yona a yi ni pfune.

176 Ni hambukile ku fana ni nyempfu leyi nga lahleka.+ Ni lavetele mina mutirheli wa wena,

Hikusa a ni yi khohlwanga minawu ya wena.+