Varoma
12 Na mi kombela vamakwerhu, hi timpsalu ta Xikwembu swaku mi nyikela muzimbha wa n’wina+ wu va gandzelo la ku hanya, la ku kwetsima+ li tlhela li yamukeleka ka Xikwembu. Hi ku yendla leswo mi ta va mi yendlela Xikwembu ntirho wa ku kwetsima hi mimpimiso ya n’wina hinkwayu.+ 2 Tshikani ku tekelela mahanyelo ya* misava leyi, tisoleni mi txintxa mapimiselo ya n’wina,+ leswaku mi ta tiyiseka+ swaku leswi Xikwembu xi lavaka swaku mi swi yendla i swinene, swa yamukeleka naswona swi hetisekile.
3 Hi mhaka ya timpsalu tatikulu leti Xikwembu xi nga ni komba tona, ni byela hinkwenu swaku mi nga tivoni na mi yampsa ku tlula van’wani.+ Kambe tivekeni hansi hi ku ya hi lipfumelo leli Xikwembu xi nga mi nyika lona.+ 4 Hikusa hambileswi hi nga ni swirho swa swinyingi ka muzimbha wun’we+ kambe swirho swoleswo hinkwaswu a swi yendli ntirho wa ku fana, 5 kutani hambileswi hi nga vanyingi, hi muzimbha wun’we ka Kreste, mun’wani ni mun’wani wa hina i xirho xa mun’wani.+ 6 Hinkwerhu hi ni tinyiko ta ku hambana hi ku ya hi timpsalu tatikulu leti hi nga kombiwa tona.+ Hi mhaka leyo, loko hi ni nyiko ya ku profeta, a hi profeteni hi ku ya hi lipfumelo leli hi nga nyikiwa lona; 7 lweyi a nga nyikiwa ku tirhela van’wani, a a va tirheli; lweyi a nga nyikiwa ku djondzisa, a a djondzisi;+ 8 lweyi a nga nyikiwa ku khongotela, a a khongoteli;+ lweyi a nyikaka, a a nyiki na a nga feleli;+ lweyi a rhangelaka, a a rhangeli hi ku hiseka;*+ lweyi a kombaka van’wani timpsalu, a a swi yendli hi mbilu ya ku tsaka.+
9 Lirhandzu la n’wina li nga tshuki li va la ku kanganyisa.+ Nyenyani swa ku biha,+ mi namarhela swaswinene. 10 Rhandzanani swinene ingaku mi vamakwavu, mi va vanghanu. Tinyimiseleni ku va va ku sungula ku hlonipha van’wani.+ 11 Hisekani,* mi nga lolowheni.+ Pfumelelani moya wa ku kwetsima+ wu mi yendla mi hiseka. Tirhelani Yehovha hi mbilu ya n’wina hinkwayu.+ 12 Tsakani hi mhaka ya ntshembo wa n’wina. Tiyiselani loko mi kumana ni swikarhatu.+ Mi nga tshikeni ku khongela.+ 13 Pambulelani vamakwerhu* leswi va swi pfumalaka.+ Lavetelani tindlela ta ku yamukela van’wani hi lirhandzu.*+ 14 Mi nga tshiki ku katekisa lava mi hluphaka;+ va katekiseni mi nga va rhuki.+ 15 Tsakani ni lava tsakaka; mi rila ni lava rilaka. 16 Leswi mi lavaka swaku vanhu va mi khomisa xiswona, na n’wina va khomiseni swoleswo. Mi nga titlakuseni kambe tivekeni hansi.+ Mi nga tivoni ingaku mi tlharihile ku tlula van’wani.+
17 Loko van’wani va mi yendlela swa ku biha+ mi nga va tlheliseleni hi swa ku biha. Yendlelani vanhu hinkwavu swaswinene. 18 Loko swi koteka, hanyani hi ku rhula ni vanhu hinkwavu.+ 19 Vamakwerhu va ku rhandzeka, mi nga tlheliseleni, kambe swi tshikeleni Xikwembu,+ hikusa ku tsaliwile: “‘Hi mina ni nga ta tlhelisela, ni ta va khatisa,’ ku vula Yehovha.”+ 20 Kambe “loko nala wa wena a twa ndlala mu phameli, loko a twa torha mu nyiki swa ku phuza; loko u yendla leswo u ta va na u hlengeleta makhala lama pfurhaka ka nhloko ya yena.”+ 21 U nga pfumeli ku hluliwa hi swilo swa ku biha kambe hlula swa ku biha hi swaswinene.+