Varoma

2 Hi mhaka leyo, a wu nge swi koti ku tinyimelela wena munhu+ loko u yavanyisa; hikusa loko u yavanyisa mun’wani hi swilo leswi u swi yendlaka wa tiyavanyisa na wena.+ 2 Ha swi tiva swaku Xikwembu xi yavanyisa hi ntiyiso naswona xi lwisana ni lava yendlaka swilo swa ku fana ni leswo.

3 Kambe wena munhu, u pimisa swaku loko u thethisa lava yendlaka swilo swa ku fana ni leswo, leswi na wena u swi yendlaka, u ta pona ku thethisiwa hi Xikwembu ke? 4 Kumbe a wu na mhaka ni timpsalu ta xona tatikulu+ ni ku tiyisela ka xona+ ni ku lehisa mbilu ka xona ke?+ A wu swi tivi swaku Xikwembu xi ni timpsalu naswona xi lava ku ku pfuna leswaku u tisola?+ 5 Kambe loko u tiwomisa nhloko u tlhela u yala ku tisola, u titisela ku kwata ka Xikwembu loku xi nga ta ku kombisa hi siku leli xi nga ta yavanyisa vanhu hi ku lulama.+ 6 Kutani xi ta tlhelisela mun’wani ni mun’wani hi ku ya hi mintirho ya yena:+ 7 Lava tiyiselaka ku yendla swaswinene na va lava ku dzuneka, ni ku hlonipheka ni muzimbha wa ku kala wu nga boli,*+ Xikwembu xi ta va nyika wutomi la ku kala li nga heli. 8 Kambe lava rhandzaka ku holova ni lava kalaka va nga yingisi ntiyiso, va ta kwateliwa hi Xikwembu va tlhela va khatisiwa.+ 9 Vanhu hinkwavu lava yendlaka swa ku biha va ta weliwa hi nhlomulu, ku sungula hi Muyuda ku ya fika ka Mugriki. 10 Kambe hinkwavu lava yendlaka swaswinene va ta va ni ku dzuneka, ni ku hlonipheka ni ku rhula, ku sungula hi Muyuda+ ku ya fika ka Mugriki.+ 11 Hikusa Xikwembu a xi na xikheto.+

12 Hinkwavu lava nga djoha na va nga wu tivi nawu va ta helisiwa hambileswi a va nga wu tivi nawu;+ kambe hinkwavu lava nga djoha na va wu tiva nawu va ta yavanyisiwa hi nawu wolowo.+ 13 Hikusa lava twaka Nawu a hi vona lava nga lulama ka Xikwembu kambe lava yendlaka leswi vuliwaka hi Nawu hi vona lava vuliwaka swaku va lulamile.+ 14 Hikusa loko vamatiko lava kalaka va nga na nawu,+ hi ntumbuluku* va yendla leswi vuliwaka hi nawu, vanhu lava, hambileswi va kalaka va nga na nawu, va kombisa swaku va ni nawu ndzeni ka vona; 15 va kombisa swaku leswi vuliwaka hi nawu swi tsaliwile ka timbilu ta vona. Kasi lipfalu la vona i fakazi ya vona naswona mimpimiso ya vona ya va sola kumbe ku va nyimelela. 16 Swi ta yendlisa swoleswo hi siku leli Xikwembu xi nga ta tirhisa Kreste Yesu swaku xi yavanyisa swihundla swa vanhu,+ ku fana ni leswi mahungu ya ku tsakisa lawa ni ma djondzisaka ma vulisaka swona.

17 Mi tivula Vayuda+ naswona mi tshemba Nawu ni ku tikhuza hi ku va vanghanu va Xikwembu. 18 Ma ku tiva ku rhandza ka xona naswona mi tlhela mi yamukela swilo swaswinene hikusa mi djondzisiwa hi Nawu.+ 19 Mi tshemba swaku mi nga swi kota ku kongomisa lava nga fa matihlo ni ku va ku vonakala ka lava nga munyameni. 20 Mi pimisa swaku mi nga lulamisa swiphunta ni ku djondzisa vatsongwani hikusa ma twisisa mi tlhela mi tiva ntiyiso lowu mi nga wu kuma ka Nawu. 21 Se ina ka, wena u djondzisaka van’wani, hi mhaka muni u nga tidjondzisi ke?+ Wena u chumayelaka u ku: “U nga tshuki u yiva,”+ wa yiva ke? 22 Wena u nge: “U nga tshuki u mbuyeta,”+ wa mbuyeta ke? Wena u nyenyaka swikwembu swa mavunhwa, wa yiva ka titempele ke? 23 Wena u tikhuzaka hi ku va ni Nawu, a wu xi danisi Xikwembu hi ku tlula Nawu ke? 24 Hikusa “vito la Xikwembu la soliwa xikarhi ka matiko hi mhaka ya n’wina,” hilani swi nga tsalisiwa swona.+

25 Ku vula ntiyiso, ku tsema nsuvu*+ swi pfuna ntsena loko u hanya hi Nawu;+ kambe loko u tlula Nawu, ku tsema nsuvu ka wena ku fana ni loko u nga tsemanga nsuvu. 26 Se loko munhu wa ku kala a nga tsemanga nsuvu+ a yendla swa ku lulama hi ku ya hi Nawu, a ta vuliwa swaku a tseme nsuvu hambileswi a kalaka a nga tsemanga, a hi swona ke?+ 27 Naswona leswi munhu wa ku kala a nga tsemanga nsuvu a yendlaka leswi Nawu wu vulaka swona, a ta ku yavanyisa wena lweyi u tlulaka Nawu, hambileswi u nga ni minawu ya ku tsaliwa u tlhela u tsema nsuvu. 28 Ku va Muyuda wa ntiyiso a swi tikombi hi le handle+ naswona ku tsema nsuvu a hi nchumu lowu yendliwaka handle ka muzimbha ntsena.+ 29 Kambe Muyuda wa ntiyiso hi leswi munhu a nga swona hi le ndzeni,+ naswona i Muyuda hi le mbilwini,*+ ku nga li hi ku landza Nawu lowu nga tsaliwa.+ Munhu yelweyo a dzunisiwa hi Xikwembu ku nga li hi vanhu.+