Swivuriso
1 Swivuriso swa Solomoni+ n’wana wa Davhida,+ hosi ya Israyele:+
2 Swivuriso swi pfuna munhu ku djondza wutlharhi+ ni ku laya;
Ni ku twisisa marito ya wutlharhi;
3 Swi pfuna munhu a pfumela ku layiwa+ loku nga ta mu nyika ku twisisa,
Ku tshembeka,+ ku yavanyisa ka kunene+ ni ku lulama;
4 Swi tlharihisa+ lweyi a kalaka a nga na xiperiyensa;*
Swi nyika djaha wutivi ni ku kota ku pimisa kahle.+
5 Munhu wa ku tlhariha a yingisa swa swinyingi leswi a byeliwaka swona a tlhela a swi yamukela;+
Munhu lweyi a twisisaka a kuma ku kongomisiwa hi ndlela ya wutlharhi+
6 Leswaku a twisisa xivuriso ni xifananiso,
7 Ku chava Yehovha i masungulo ya wutivi.+
I swiphunta ntsena leswi li tekelaka hansi wutlharhi ni ku layiwa.+
10 N’wananga, u nga pfumeli loko vadjohi va zama ku ku kanganyisa.+
11 Loko va ku: “A hi fambe.
A hi tumbele swaku hi ta dlaya.
Hi ta tumbela hi rindza vanhu lava kalaka va nga na nandzu, na ku nga na xivangelo.
12 Hi ta va minta na va ha hanya ku fana ni leswi yendliwaka hi Sirha,*
Hi ta va minta na va helelile, ku fana ni lava yehlaka ka khele.
13 A hi tekeni minchumu ya vona hinkwayu ya lisima;
Hi ta tata tiyindlo ta hina hi swilo leswi hi nga ta swi tekela van’wani.
14 U fanele u famba na hina,*
Kutani hinkwerhu hi ta yavelana minchumu ya ku ringana leyi hi nga ta yi yiva.”
15 N’wananga, u nga fambi na vona.
U nga fambi ka ndlela ya vona,+
16 Hikusa minenge ya vona yi tsutsumela ku yendla swa ku biha;
Va tsutsumela ku halata ngati.+
17 Vhela, a swi pfuni nchumu ku rhiya ntlhamu na xinyanyani xi ku vona.
18 Hi leswo swi yendlaka swaku vanhu lava va tumbela swaku va ta halata ngati;
Va tumbela swaku va ta dlaya vanhu van’wani.
19 Leti i tindlela ta lava kanganyisaka swaku va kuma swilo,
Naswona ti ta dlaya vinyi va tona.+
20 Wutlharhi la ntiyiso+ la huwelela axitaratwini.+
Li tama li huwelela hintamu ka ndhawu ya ku pfuleka axikarhi ka doropa.+
21 La huwelela lomu ku tlhanganaka switaratu leswi ku vangiwaka guwa ka swona.
Li vula leswi ka tinyanghwa ta doropa:+
22 “Kasi n’wina lava kalaka va nga na xiperiyensa, mi ta rhandza wuphunta la n’wina* anze siku muni ke?
Kasi n’wina lava poyilanaka, mi ta tsakisiwa hi ku poyila van’wani anze siku muni ke?
Kasi n’wina swiphunta mi ta nyenya wutivi anze siku muni ke?+
23 Yingisani loko ni mi laya.*+
24 Hikusa ni huwelelile kambe mi tame mi yala ku hlamula,
Ni tlakuse voko la mina kambe a nga kona lweyi a nga yingisa,+
25 Mi tshamela ku yala switsundzuxu swa mina hinkwaswu
A mi pfumeli loko ni mi laya,
26 Na mina ni ta mi hleka loko mi kumana ni khombo;
Ni ta mi poyila loko ku yendleka leswi mi swi chavaka,+
27 Loko leswi mi swi chavaka swi ta ku fana ni xidzedze,
Ni loko khombo la n’wina li fika ku fana ni moya wa matimba,
Loko mi kumana ni mahlomulu ni swikarhatu.
28 Hi nkama wolowo va ta tshamela ku ni vitana, kambe ni ta ku zwee ni nga va hlamuli;
Va ta ni lava hi mbilu hinkwayu, kambe a va nga ta ni kuma,+
29 Hikusa va nyenye wutivi,+
A va swi lavanga ku chava Yehovha.+
30 Va yale xitsundzuxu xa mina;
Loko ni va laya a va nga na mhaka na mina.
31 Kutani va ta tshovela* leswi va nga swi byala,+
Va ta xurha hi leswi va nga swi tshovela ka maplanu* ya vona.
32 Hikusa ku kala ku yingisa ka lava kalaka va nga na xiperiyensa ku ta va dlaya,
Ni ku va swiphunta swi nga lavi ku twa nchumu ku ta swi helisa.