Mahungu Ya Ku Tsakisa Ya Ku Tsaliwa Hi Yohani

5 Se ku game ku va ni fexta+ la Vayuda, kutani Yesu a ya Yerusalema. 2 A ku ni ndhawu ya ku hlambela aYerusalema ka Nyanghwa wa Tinyempfu,+ leyi hi Xiheberu yi vitaniwaka Betexda, leyi a yi rhendzeliwe hi 5 wa mapilari. 3 Ka ndhawu yoleyo a ku tshama vanhu va ku vabya, va ku fa matihlo, swilima ni va trombozi. 4* —— 5 Se a ku ni wanuna mun’we lweyi a a ni 38 wa malembe na a vabya. 6 Nkama Yesu a nga vona wanuna lweyi na a yetlelile naswona a vona swaku se a a ni malembe ya manyingi na a vabya, a ku: “Wa swi lava ku hanyisiwa?”+ 7 Lweyi wa ku vabya a hlamula a ku: “Hosi, a ku na munhu lweyi a ni pfunaka ku nghena matini loko ma dungiwa; hikusa loko ni ku ni ya kona, mun’wani o ni rhangela a nghena.” 8 Yesu a ku: “Pfuka u teka sangu* la wena u tifambela.”+ 9 Kutani wanuna yelweyo a hanyisiwa hi nkama wolowo, se a teka sangu* la yena a tifambela.

Siku la kona a ku li Savata. 10 Se Vayuda va byela wanuna lweyo va ku: “Swa tsimbisiwa ku rhwala sangu hi Savata.”+ 11 Kambe a va hlamula a ku: “Lweyi a nga ni hanyisa a te: ‘Teka sangu la wena u tifambela.’” 12 Va mu vutisa va ku: “I mani munhu wa kona lweyi a nga ku byela a ku: ‘Li teki u tifambela’?” 13 Kambe wanuna yelweyo a a nga swi tivi swaku i mani a nga mu hanyisa, hikusa Yesu a a sukile xikarhi ka xitshungu.

14 Kutani Yesu a gama a ya mu kuma tempeleni, se a ku: “Vona, u hanyisiwile. U nga ha tlheli u djoha swaku u nga humeleliwi hi swa ku biha ngopfu.” 15 Kutani wanuna yelweyo a famba a ya byela Vayuda swaku a hanyisiwe hi Yesu. 16 Se Vayuda va sungula ku karhata Yesu hikusa a a yendla swilo leswi hi Savata. 17 Kambe a va hlamula a ku: “Papayi wa mina wa ha tirha anze swoswi, se na mina ni tama ni tirha.”+ 18 Vayuda a va lava ku tidlayela yena hikusa a a tlula nawu wa Savata a tlhela a hlaya swaku Xikwembu i Papayi wa yena,+ a tiringanisa ni Xikwembu.+

19 Kutani Yesu a va hlamula a ku: “Ni mi byela ntiyiso: N’wana a nge yendli nchumu hi ku tisungulela handle ka loko a vona Papayi wa yena a xi yendla.+ Hikusa swilo hinkwaswu leswi Papayi a swi yendlaka, na yena N’wana wa swi yendla. 20 Papayi wa mu rhandza N’wana+ naswona a mu komba minchumu hinkwayu leyi a yi yendlaka, naswona a ta mu komba mintirho yayikulu ku tlula leyi, mi za mi hlamala.+ 21 Ku fana ni leswi Papayi a pfuxaka vafi,+ na yena N’wana a pfuxa lava a lavaka ku va pfuxa.+ 22 Hikusa Papayi a nga yavanyisi munhu, kambe a nyike N’wana matimba ya ku yendla leswo+ 23 leswaku hinkwavu va ta mu hlonipha ku fana ni leswi va mu hloniphisaka xiswona Papayi. Lweyi a kalaka a nga mu hloniphi N’wana a nge mu hloniphi ni Papayi lweyi a nga mu rhuma.+ 24 Ni mi byela ntiyiso: Lweyi a ni yingisaka a tlhela a kholwa ka Lweyi a nga ni rhuma, a ta kuma wutomi la ku kala li nga heli+ naswona a nga ta yavanyisiwa kambe a ta pona lifu a kuma wutomi.+

25 “Ni mi byela ntiyiso: Nkama wa ta naswona se wu fikile, lowu vafi va nga ta twa rito la N’wana wa Xikwembu, kutani lava nga mu yingisa va ta kuma wutomi. 26 Leswi Papayi a nga ni matimba ya ku nyika wutomi,+ a nyike ni N’wana matimba ya ku nyika wutomi.+ 27 Naswona a mu nyike matimba ya ku yavanyisa+ hikusa i N’wana wa munhu.+ 28 Mi nga hlamalisiweni hi leswi, hikusa nkama wa ta lowu hinkwavu lava nga ka masirha* va nga ta twa rito la yena+ 29 se va huma; lava nga yendla swaswinene va ta kuma wutomi, kambe lava a va yendla swa ku biha va ta pfukela ku yavanyisiwa.+ 30 A ni nge yendli nchumu ni xin’we hi ku tisungulela. Ni yavanyisa hi ndlela leyi ni nga rhumiwa hi yona naswona ni yavanyisa hi ndlela yayinene,+ hikusa a ni yendli ku rhandza ka mina, kambe ni yendla ku rhandza ka lweyi a nga ni rhuma.+

31 “Loko ni tifakazela, vanhu a va nge kholwi ka leswi ni swi vulaka.+ 32 Ku ni lweyi a ni fakazelaka naswona na swi tiva swaku leswi a swi hlayaka hi mina i ntiyiso.+ 33 Mi rhumele vanhu ka Yohani naswona leswi a nga mi byela swona hi mina i ntiyiso.+ 34 Kambe mina a ni lavi ku fakazeliwa hi munhu; ni vula swilo leswi swaku mi ta ponisiwa. 35 Yohani a a fana ni motso* lowu pfurhaka wu tlhela wu voninga naswona a mi tsakile swa nkamanyana hi mhaka ya ku vonakala ka yena.+ 36 Yohani a byele vanhu swaku ni ta hi ka Papayi. Kambe mina ni ni wufakazi la lisima leli kombisaka swaku ni rhumiwe hi Papayi. Hi yona mhaka leyi ni yendlaka mintirho leyi Papayi a nga ni rhuma yona.+ 37 Naswona Papayi a vule swaku hi yena lweyi a nga ni rhuma.+ A mi se tshama mi twa rito la yena ni siku ni lin’we, hambi ku vona nghohe* ya yena;+ 38 naswona a mi li yamukelanga rito la yena, hikusa a mi kholwanga ka lweyi a nga mu rhuma.

39 “Mi kambisisa Matsalwa+ hikusa mi pimisa swaku ka wona mi ta kuma wutomi la ku kala li nga heli; kuve hi wona* ma vulavulaka hi mina.+ 40 Kambe a mi swi lavi ku ta ka mina+ swaku mi ta kuma wutomi. 41 A ni swi lavi ku dzunisiwa hi vanhu, 42 kambe n’wina a mi tshamisanga xileswo. Ni swi tiva kahle swaku a mi xi rhandzi Xikwembu. 43 Ni te hi vito la Papayi, kambe a mi ni yamukelanga. Kuve loko a ku yo ta munhu mun’wani hi vito la yena n’winyi, a mi ta mu yamukela. 44 A mi nge pfumeli ka mina hikusa mi rhandza ku dzunisana; a mi ku lavi ku dzuneka loku taka hi ka Xikwembu lexi nga xin’we xa ntiyiso.+ 45 Mi nga pimisi swaku ni ta mi mangalela ka Papayi; kambe Moxe+ lweyi mi mu tshembaka hi yena lweyi a mi nyikaka nandzu. 46 Vhela loko a mi pfumela ka Moxe, na mina a mi ta ni pfumela, hikusa a tsale hi ta mina.+ 47 Kambe loko mi nga swi kholwi leswi a nga swi tsala, mi ta swi kholwisa ku yini leswi ni swi vulaka?”