Vakorinto Va Ku Sungula
5 Ku tivisiwe swaku ku ni lweyi a yendlaka wuntunga la swa masangu*+ xikarhi ka n’wina naswona wuntunga la kona hambi vamatiko a va li yendli, hikusa munhu wa kona a tshama ni nsati wa papayi wa yena.+ 2 Ma tikhuza hi leswo? A mi nga fanelanga mi rila+ leswaku munhu lweyi a nga yendla leswo a susiwa xikarhi ka n’wina?+ 3 Hambileswi ni kalaka ni nga na n’wina hi ku kongoma koseno, mbilu ya mina yi kona koseno naswona wanuna lweyi a nga yendla mhaka leyi se ni mu yavanyisile, ingi hiloko ni li na n’wina koseno. 4 Loko mi hlengeletana hi vito la Hosi ya hina Yesu, na mi tiva swaku mbilu ya mina yi na n’wina koseno ku patsa ni matimba ya Hosi ya hina Yesu, 5 mi fanele mi nyikela munhu yelweyo ka Sathana+ leswaku ntungu wolowo wa xidjoho wu helisiwa,* ni leswaku ku hlayisiwa mapimiselo ya bandla hi siku la Hosi.+
6 Ku tibyela ka n’wina a hi kunene. A mi swi tivi swaku fermentu* lalitsongo li kukumukisa mbila hinkwayu?+ 7 Susani fermentu la khale swaku mi ta va mbila ya nyuwani. Mhaka ya kona hileswaku a ma ha na fermentu, hikusa Kreste lweyi a nga xinyempfani xa hina xa Paxkwa+ a yendliwe gandzelo.+ 8 Kutani a hi yendleni fexta+ hi pawu la ku kala fermentu, la ku tshembeka ni la ntiyiso, hi nga tirhisi fermentu la khale kumbe fermentu leli nga ni xidjoho ni wubihi.
9 Ka karta* la mina ni mi tsalelile swaku mi tshika ku titlhanganisa* ni lava yendlaka wuntunga la swa masangu.* 10 A ni vuli swaku mi tihambanisa hi ku helela ni vanhu va misava leyi lava yendlaka wuntunga la swa masangu,*+ kumbe vanhu va makwanga* kumbe vayivi kumbe vagandzeli va swikwembu swa mavunhwa. Hikusa loko a ku li leswo, a mi ta boheka ku rhurha lani misaveni.+ 11 Kambe swoswi ni mi tsalela swaku mi tshika ku titlhanganisa*+ ni munhu lweyi a vitaniwaka makwerhu kuve a yendla wuntunga la swa masangu,* a ni makwanga,+ a gandzela swikwembu swa mavunhwa, wa rhuketela, i xidakwa+ kumbe i muyivi.+ Hambi ku dla mi nga dli na yena munhu yelweyo. 12 Hikusa hi mhaka muni ni fanele ni yavanyisa lava nga handle ka bandla? N’wina yavanyisani lava nga ndzeni, 13 hikusa Xikwembu xi ta yavanyisa lava nga handle.+ “Susani munhu wa ku biha xikarhi ka n’wina.”+