Nhlawutelo ya Yohani
5 Se ni vona Lweyi a nga tshama ka xitshamu xa wuhosi+ na a khome buku* hi voko la xinene leli nga tsaliwa ndzeni ni handle, na li lemiwile hi 7 wa swa ku lema hi swona. 2 Kutani ni vona ntsumi ya matimba yi huwelela hi rito lalikulu yi ku: “I mani lweyi a faneliwaka hi ku kwamula leswi nga lema buku leli swaku a li pfula?” 3 Kambe a ku nga na munhu ni mun’we atilweni, amisaveni kumbe hansi ka misava lweyi a a kota ku pfula buku kumbe ku vona leswi nga ndzeni ka lona. 4 Se ni rila hi xiviti hikusa a ku nga na munhu ni mun’we lweyi a swi mu fanela ku pfula buku kumbe ku vona leswi nga ndzeni ka lona. 5 Kambe doda lin’we li ni byela li ku: “Tshika ku rila. Vona! Nghonyama ya lixaka la Yuda,+ limintsu+ la Davhida,+ yi hlulile+ lakakuva swa yi fanela ku pfula buku ni 7 wa swa ku lema hi swona.”
6 Kutani ni vona xinyempfani+ lexi a xi tikomba ingaku xi dlayiwile,+ na xi ni 7 wa timhondzo ni 7 wa matihlo lama nyimelaka 7 wa matimba ya Xikwembu+ lama nga rhumeliwa ka misava hinkwayu; xona a xi nyimile xikarhi ka xitshamu xa wuhosi, xikarhi ka 4 wa makerubu ni xikarhi ka madoda.+ 7 Kutani Xinyempfani xi famba, xi ya fika xi teka buku ka voko la xinene la Lweyi a nga tshama ka xitshamu xa wuhosi.+ 8 Nkama xi nga teka buku, a 4 wa makerubu ni 24 wa madoda+ va khizama phambheni ka Xinyempfani naswona hinkwavu a va ni haripa ni switijelani swa woru swa ku tala hi swinun’hwelisu.* (Swinun’hwelisu leswi swi nyimela swikhongelo swa vakwetsimi.)+ 9 Va yimbelela lisimu la nyuwani+ va ku: “Swa ku fanela ku teka buku u kwamula leswi nga li lema, hikusa u dlayiwile naswona hi ngati ya wena u xavele Xikwembu vanhu+ lava taka hi ka tinxaka hinkwatu, tirimi hinkwatu, vanhu hinkwavu ni ka matiko hinkwawu,+ 10 naswona u va yendle va va tihosi+ ni vaprista leswaku va tirhela Xikwembu+ xa hina naswona va ta fuma+ misava.”
11 Se ni txuvuka, kutani ni twa marito ya tintsumi ta tinyingi leti nga rhendzela xitshamu xa wuhosi ni makerubu ni madoda, a ti li tinyingi hintamu swinene lakakuva a ti nga konteki,*+ 12 ti huwelela ti ku: “Xinyempfani lexi a xi dlayiwile+ xi faneliwa hi ku kuma matimba, tshomba, wutlharhi, ntamu, ku hloniphiwa, ku tlakuka ni ku dzunisiwa.”+
13 Kutani ni twa hinkwaswu leswi nga yendliwa atilweni, amisaveni,+ ahansi ka misava, ni le ka lwandle ni minchumu hinkwayu leyi nga ka swona swi ku: “Ku dzunisiwa, ku hloniphiwa,+ ku tlakuka ni matimba a swi ve swa Lweyi a nga tshama ka xitshamu xa wuhosi+ ni le ka Xinyempfani+ hi masiku ni masiku.”+ 14 Kutani a 4 wa makerubu ma ku: “Amen!” Se madoda ma khizama ma gandzela Xikwembu.