Nhlawutelo ya Yohani
7 Se ni gama ni vona 4 wa tintsumi na ti nyimile ka 4 wa matlhelo ya misava, na ti khome swi tiya ka 4 wa mimoya ya misava, leswaku ku nga bi moya ni wun’we amisaveni, alwandle kumbe ka nsinya. 2 Kutani ni vona ntsumi yin’wani yi ta hi wuxeni, na yi ni marka* wa Xikwembu lexi hanyaka. Kutani yi huwelela yi byela a 4 wa tintsumi leti nga pfumeleliwa ku wonha misava ni lwandle, 3 yi ku: “Nyimani, hi rhanga hi ku markara+ swimombo swa vatirheli* va Xikwembu xa hina,+ se hi kona mi nga ta wonha misava, ni lwandle ni minsinya.”
4 Se ni twa numeru ya lava nga markariwa, a va li 144.000+ naswona a va ta hi ka tinxaka hinkwatu ta vana va Israyele:+
5 Ka lixaka la Yuda ku markariwe 12.000;
ka lixaka la Rubeni 12.000;
ka lixaka la Gadi 12.000;
6 ka lixaka la Aseri 12.000;
ka lixaka la Naftali 12.000;
ka lixaka la Manasi+ 12.000;
7 ka lixaka la Simiyoni 12.000;
ka lixaka la Levhi 12.000;
ka lixaka la Isakara 12.000;
8 ka lixaka la Zebuloni 12.000;
ka lixaka la Yosefa 12.000;
ka lixaka la Benjamini 12.000.
9 Loko swilo leswi se swi hundzile, ni vona xitshungu xaxikulu lexi a ku nga na munhu lweyi a kotaka ku xi konta, na xi ta hi ka matiko hinkwawu ni tinxaka hinkwatu ni vanhu hinkwavu ni tirimi hinkwatu,+ na xi nyime phambheni ka xitshamu xa wuhosi ni phambheni ka Xinyempfani, na xi yambale mpahla ya ku leha ya ku basa;+ naswona na xi khome tigadja ta minsinya ya mintxindzu.+ 10 Kutani xi tama xi huwelela hi rito la ku tlakuka xi ku: “Ku ponisiwa ka hina ku ta hi ka Xikwembu xa hina, lexi nga tshama ka xitshamu xa wuhosi+ ni hi ka Xinyempfani.”+
11 Tintsumi hinkwatu a ti nyimile matlhelweni ka xitshamu xa wuhosi ni madoda+ ni 4 wa makerubu, kutani ti khizama, tinghohe* ta tona ti khumba hansi phambheni ka xitshamu xa wuhosi ti gandzela Xikwembu, 12 ti ku: “Amen! Ku dzuneka, ku tlakuka, wutlharhi, ku khensa, ku hloniphiwa, matimba ni ntamu a swi ve swa Xikwembu xa hina hi masiku ni masiku.+ Amen.”
13 Se doda lin’wani li ni vutisa li ku: “I vamani vanhu lava nga yambala timpahla ta ku leha ta ku basa+ naswona va ta hi kwini?” 14 Kutani ni hlamula ni ku: “Hosi ya mina, hi wena u swi tivaka.” Se li ni byela li ku: “Vanhu lava va huma ka nhlomulu wawukulu+ naswona va hlampse timpahla ta vona ta ku leha va ti basisa hi ngati ya Xinyempfani.+ 15 Hi yona mhaka leyi va nga phambheni ka xitshamu xa wuhosi xa Xikwembu naswona wusiku ni nhlikanhi va xi yendlela ntirho wa ku kwetsima ka tempele ya xona naswona Lweyi a nga tshama ka xitshamu xa wuhosi+ a ta gwimba tende la yena ahenhla ka vona.+ 16 A va nge he twi ndlala kumbe torha, naswona dlambu a li nge he va hisi ku tlula mpimu,+ 17 hikusa Xinyempfani+ lexi nga xikarhi ka xitshamu xa wuhosi, xi ta va risa,+ xi va yisa ka swihlovo swa mati ya wutomi.+ Kutani Xikwembu xi ta sula mihloti ya vona hinkwayu.”+