Timotiya Wa Ku Sungula

4 Kambe moya wa ku kwetsima wa Xikwembu wu vula swaku ka nkama lowu taka, ku ta va ni vanhu van’wani lava nga ta kala va nga ha na lipfumelo, va yingisa marito ya mavunhwa lama tikombaka ingaku ma ta hi ka Xikwembu+ va tlhela va yingisela tidjondzo ta madimoni, 2 naswona va ta yingisela mavunhwa+ ya vakanganyisi, lava nga tlanyala lipfalu ingaku li yo hisiwa hi nsimbi ya ku hisa. 3 Va tsimbisa vanhu ku chada+ naswona va byela vanhu swaku va tshika ku dla swakudla+ leswi Xikwembu xi nga swi yendla+ leswaku lava nga ni lipfumelo+ ni lava wu tivaka kahle ntiyiso, va ta swi dla kutani va khensa Xikwembu. 4 Hikusa swilo hinkwaswu leswi nga tumbuluxiwa hi Xikwembu i swinene,+ naswona a ku na nchumu lexi faneleke xi tshikiwa+ loko xi yamukeliwile hi swikhongelo swa ku khensa, 5 hikusa xi kwetsimisiwa hi rito la Xikwembu ni xikhongelo.

6 Loko u kawuka vamakwerhu hi timhaka leti, u ta va mutirheli wamunene wa Kreste Yesu, lweyi a nga wundliwa hi marito ya lipfumelo ni djondzo yayinene leyi u khomelelaka ka yona hi ku tshembeka.+ 7 Kambe u nga yingiseli switoriya*+ leswi kontareliwaka hi vavasati va ku guga. Kambe tidjondzisi* leswaku u kota ku hanya hi ku tinyiketela ka Xikwembu. 8 Hikusa ku trenarisa muzimbha swa pfunanyana kambe ku tinyiketela ka Xikwembu swi pfuna ka hinkwaswu, hikusa swi hi tshembisa minkateko swoswi ni ka nkama lowu taka.+ 9 Mhaka leyi ya tshembeka naswona yi fanele yi yamukeliwa hi mandla mambirhi. 10 Hi yona mhaka leyi hi tirhaka hi matimba naswona hi tikarhataka,+ hikusa hi tshemba Xikwembu lexi hanyaka, lexi nga Muponisi+ wa vanhu hinkwavu,+ ngopfungopfu wa lava tshembekaka.

11 Tama u va nyika minawu leyi u tlhela u va djondzisa. 12 U nga tshiki munhu a ku delela hileswi u nga jovhem. Kambe u fanele u va xikombiso xaxinene ka lava tshembekaka, hi ku vulavula, hi ku tikhoma, hi lirhandzu, hi lipfumelo ni hi mahanyelo ya wena. 13 Tama u tinyiketela loko u lerhela vanhu,+ loko u khongotela ni loko u djondzisa anze ni fika. 14 U nga tlangi hi nyiko leyi u nga nyikiwa yona hi ku tirhisa wuprofeta nkama ntlawa wa madoda wu nga ku tlhateka mavoko.+ 15 Pimisa kahle hi swilo leswi; u tinyiketela ka swona, leswaku vanhu va ta swi vona swaku u ya u va Mukreste wa ku wupfa. 16 Tikarhateli ku va xikombiso xaxinene ni ku va mudjondzisi wamunene.+ Tama u yendla swilo leswi, hikusa loko u yendla leswo u ta pona u tlhela u ponisa ni lava ku yingisaka.+