Tipisalema
Ka mayextru. Pisalema ya Davhida mutirheli wa Yehovha.
36 Mbilu ya munhu wa ku biha yi kongomisiwa hi swa ku biha;
A nga xi chavi Xikwembu.+
2 A tivona na a li wa lisima,
A za a nga xi voni ni xidjoho xa yena a tlhela a nga xi nyenyi.+
3 Marito ya yena ma tlhava naswona a ma na ntiyiso;
A nga na wutlharhi la ku yendla swaswinene.
4 A yendla maplanu* ya ku biha hambiloko a yetlelile.
A bedjele ku famba ka ndlela ya ku biha;
A nga fambeli kule ni swa ku biha.
5 Yehovha, lirhandzu la wena li fika ni le tilweni,+
Ku tshembeka ka wena ku fika ni le ka marhefu.
6 Ku lulama ka wena ku fana ni tintshava tatikulu;*+
Wuyavanyisi la wena li fana ni mati ya manyingi ya ku yenta.+
U hlayisa vanhu ni swiharhi, wena Yehovha.+
7 Lirhandzu la wena i la lisima hintamu, Xikwembu xa mina!+
Vanhu va tumbela ka ndzhuti wa timpapa ta wena.+
8 Va nwa va kolwa ka swa swinyingi leswi nga ka yindlo ya wena,+
U va nwisa leswi nga ka nambu wa wena wa minchumu yayinene.+
10 U nga tshiki ku rhandza lava ku tivaka,+
Lava nga ni timbilu tatinene va kombi ku lulama ka wena.+
11 U nga tshiki nenge wa vanhu va ku tibyela wu ni kandzihela,
Kumbe voko la lava ku biha li ni hlongola.
12 Vonani lomu va nga wela kona lava yendlaka swa ku biha;
Va biwe va wa naswona a va ha swi koti ku pfuka.+