Vakorinto Va Ku Sungula
4 Munhu a fanele a hi vona na hi li vatirhi va Kreste ni vavoneleli* va swihundla swa ku kwetsima swa Xikwembu.+ 2 Leswi laviwaka ka lava vonelelaka hileswaku va tshembeka. 3 Kutani a ni chavi ku yavanyisiwa hi n’wina kumbe ku yavanyisiwa atribunali. Phela hambi mina a ni tiyavanyisi. 4 Hikusa a ni titwi na ni ni nandzu wa nchumu. Kambe a ni lavi ku vula swaku ni wa ku lulama hi leswo; lweyi a ni yavanyisaka i Yehovha.*+ 5 Kutani mi nga yavanyisi+ nchumu na wu nge se fika nkama wa kona; nyimelani Hosi yi ta. Leswi nga fihliwa ka munyama, yi ta swi humesela ku vonakaleni naswona yi ta yendla swaku leswi vanhu va swi pimisaka ka timbilu ta vona swi tiviwa, se Xikwembu xi ta dzunisa mun’wani ni mun’wani hi ku ya hi leswi mu fanelaka.+
6 Kutani vamakwerhu, ni mi tsalelile ni vulavula hi ta mina na Apolosi+ swaku mi pfuneka, leswaku mi ta djondza ka hina nawu lowu nge: “Mi nga tluli leswi nga tsaliwa,” leswaku mi nga tibyeli,+ mi rhandza mun’we mi nyenya mun’wani. 7 Hikusa i mani lweyi a ku yendlaka u hambana ni van’wani? I ntxini lexi u nga na xona xa ku a wu yo nyikiwa ke?+ Se loko swi ku u yo nyikiwa leswi u nga na swona, hi mhaka muni u tibyela ingaku a wu yo nyikiwa?
8 Se mi ni hinkwaswu leswi mi swi lavaka? Se mi ganyile? Se mi sungulile ku fuma+ na hina hi nga li kona? A ni ta tsaka loko se a mi sungulile ku fuma, leswaku na hina hi ta fuma na n’wina.+ 9 Hikusa ni vona ingaku Xikwembu xi veke hina vapostolo hi va va wugamu hi fana ni vanhu lava yaka ku feni,+ hikusa hi fana ni vanhu lava hambaka teyatru ka xitadiyu na hi voniwa hi misava,+ hi tintsumi ni hi vanhu. 10 Hina hi swiphunta+ hi mhaka ya Kreste kambe n’wina mi tlharihile ka Kreste; hina a hi na ntamu,* n’wina mi ni matimba; n’wina ma dzunisiwa kambe hina ha danisiwa. 11 Ku ta fikela swoswi hi tshama ni ndlala+ ni torha,+ a hi na mpahla ya ku yenela,* ha biwa,*+ a hi na makaya, 12 ha tihlakata hi ku tirha hi mavoko ya hina.+ Loko hi rhuketeliwa ha katekisa;+ loko hi xanisiwa ha tiyisela hi nga heli mbilu;+ 13 loko hi lumbetiwa hi hlamula hi ku rhula;*+ hi fana ni chaka la misava, ndhawu ya ku chela chaka la swilo hinkwaswu ku ta fikela namuntlha.
14 A ni mi tsaleli timhaka leti swaku ni mi danisa, kambe leswi mi nga vana va mina lava ni va rhandzaka ni mi tsalela swaku ni mi djondzisa. 15 Hikusa hambi mo va ni 10.000 wa vadjondzisi ka Kreste, a mi na vapapayi va vanyingi hikusa ni ve papayi wa n’wina ka Kreste Yesu hi mhaka ya mahungu ya ku tsakisa.+ 16 Kutani na mi kombela, ni tekeleleni.+ 17 Hi swona leswi yendlaka swaku ni mi rhumela Timotiya hikusa i n’wana wa mina lweyi ni mu rhandzaka, lweyi a tshembekaka Hosini. A ta mi khumbukisa matirhelo ya mina* ka ntirho wa Kreste Yesu,+ hilani ni djondzisaka hi kona ka mabandla hinkwawu ni ka tindhawu hinkwatu.
18 Van’wani va n’wina va tibyela ingaku hiloko ni to kala ni nga ha ti koseno ka n’wina. 19 Kambe ni ta mi tela hi ku hantlisa loko Yehovha* a swi rhandza; a ni teli ku ta tiva leswi lava tibyelaka va vulaka swona, kambe ni tela ku ta tiva matimba lawa va nga na wona. 20 Hikusa Mfumu wa Xikwembu a hi mavulavulelo ya hina kambe i matimba ya Xikwembu. 21 Se mi langa yini? Ni fanele ni mi tela ni nhonga+ kumbe ni ta hi lirhandzu ni hi ku rhula?