Samuwele Wa Ku Sungula

24 Hi ku hantlisa nkama Sawulo a nga vuya hi ku hlongoliseni ka Vafilista, va mu byela va ku: “Davhida a le mananga ya Eni-Jedi.”+

2 Se Sawulo a langa 3.000 wa masonchwa ka tiko hinkwalu la Israyele, va famba va ya lavetela Davhida ni vanhu va yena ka maribye lawa ku tshamaka timbuti ta le tintshaveni. 3 Sawulo a fika ka xib’ala xa tinyempfu lexi nga yakiwa hi maribye lexi a xi li kusuhi ni ndlela; atlhelweni ka ndlela yoleyo a ku ni mhakwa;* a fika a nghena a tirhuma* kasi Davhida ni vanhu va yena a va tshame andzeni ka mhakwa wolowo.+ 4 Kutani vanhu lava a va na Davhida va mu byela va ku: “Namuntlha Yehovha a li: ‘Ni nyikela nala wa wena ka mavoko ya wena,+ mu yendli xin’wani ni xin’wani lexi u xi lavaka.’” Se Davhida a suka a ngungumela a fika a tsema xitarapu ka mpahla* ya Sawulo. 5 Kambe Davhida a sungula ku biwa hi lipfalu+ hi mhaka ya leswi a nga tsema xitarapu ka mpahla ya Sawulo. 6 Kutani a byela lava a a li na vona a ku: “Yehovha a nge pfumeli swaku ni yendla swa ku biha ka hosi ya mina, leyi yena Yehovha a nga yi langa; se a ni nge mu vavisi hikusa a langiwe hi Yehovha.”+ 7 Davhida a miyeta vanhu lava a a li na vona hi leswi a nga va byela swona naswona a nga va pfumelelanga swaku va dlaya Sawulo. Se Sawulo a huma ka mhakwa a famba.

8 Davhida a huma ka mhakwa a yangula Sawulo a ku: “Hosi ya mina!”+ Kutani Sawulo a txuvuka ndzhaku, Davhida a gama a khizama, a txuvuka hansi. 9 Se a byela Sawulo a ku: “Hi mhaka muni u yingisa leswi vanhu va swi hlayaka, loko va ku: ‘Mina ni lava ku ku vavisa’?+ 10 Namuntlha u swi vonile swaku Yehovha a ku nyikele ka mavoko ya mina nkama na u li ka mhakwa. Kambe loko mun’wani a ni byele swaku ni ku dlaya,+ ni ku twele wusiwana ni ku: ‘A ni nge dlayi hosi ya mina, hikusa yi langiwe hi Yehovha.’+ 11 Kambe swoswi wena hosi* ya mina, wa swi vona swaku ni khome xitarapu xa mpahla ya wena kambe nkama ni nga xi tsema a ni ku dlayanga. Swoswi wa swi vona u tlhela u swi twisisa swaku a ni lavi ku ku vavisa; a ni ku djikelanga naswona a ni ku wonhelanga nchumu,+ kambe wena wa ni lavetela swaku u ta ni dlaya.+ 12 Yehovha a a yavanyisi xikarhi ka mina na wena+ naswona Yehovha a a ku khatisi hi leswi u ni yendlelaka swona,+ kambe mina a ni nga ta lwa na wena.+ 13 Hi ku ya hi leswi swi toloveleka ku hlayiwa ku sukela ka khale: ‘Ka vanhu va ku yendla swa ku biha ku ta huma swa ku biha,’ kambe mina a ni nga ta lwa na wena. 14 Wena hosi ya Israyele u hlongolisa mina? Kasi mina no va yini ke? Phela mina ni fana ni mbyana ya ku fa naswona ni fana ni ndhata!+ 15 Yehovha a a yavanyisi. Phela a ta yavanyisa xikarhi ka mina na wena; a ta yi vona a tlhela a yi kambisisa mhaka ya mina;+ a ta ni yavanyisa a tlhela a ni ponisa ka wena.”

16 Nkama Davhida a nga heta ku vulavula, Sawulo a ku: “Hi wena n’wana wa mina Davhida?”+ Se Sawulo a sungula ku rila hintamu, 17 a gama a byela Davhida a ku: “Wena u lulamile ku ni tlula, hikusa u ni yendlele swaswinene kambe mina ni ku hakele hi swa ku biha.+ 18 Namuntlha u ni yendlele minchumu yayinene hi ku kala u nga ni dlayi nkama Yehovha a nga ni nyikela ka mavoko ya wena.+ 19 I mani lweyi a nga kumaka nala wa yena a gama a mu tshika a famba na a nga mu yendlanga nchumu? Yehovha a ta ku hakela hi minchumu yayinene+ hi mhaka ya leswi u nga ni yendlela swona namuntlha. 20 Swoswi na swi tiva swaku u ta va hosi,+ ni swaku mfumu wa Israyele wu ta tiya ka mavoko ya wena. 21 Swoswi funga hi vito la Yehovha+ swaku a wu nge va helisi vatukulu va mina ni leswaku a wu nge li helisi vito la mina ka ndjangu wa papayi.”+ 22 Kutani Davhida a funga, Sawulo a gama a muka.+ Kambe Davhida ni vanhu va yena va tlhela va ya ka ndhawu leyi swi karhataka ku fika ka yona.+