Mahungu Ya Ku Tsakisa Ya Ku Tsaliwa Hi Yohani
17 Nkama Yesu a nga hlaya leswo, a txuvuke tilweni a ku: “Papayi, nkama se wu fikile. Dzunisa n’wana wa wena swaku na yena a ta ku dzunisa,+ 2 leswi u nga mu nyika matimba ya ku fuma vanhu hinkwavu,+ leswaku a ta va nyika wutomi la ku kala li nga heli+ lava u nga mu nyika vona.+ 3 Va ta kuma wutomi la ku kala li nga heli+ loko va tama va ku tiva,* wena Xikwembu xi li xin’we xa ntiyiso+ na Yesu Kreste+ lweyi u nga mu rhuma. 4 Ni ku dzunisile misaveni+ hi ku heta ntirho lowu u nga ni nyika wona swaku ni wu yendla.+ 5 Papayi, ni nyiki xitshamu lexi a ni li na xona tlhelweni ka wena na misava yi nge se va kona.+
6 “Ni li tivisile vito la wena ka vanhu lava u nga ni nyika vona lani misaveni.+ A va li va wena kambe u ni nyike vona naswona va li yingisile rito la wena. 7 Se va swi tiva swaku hinkwaswu leswi u nga ni nyika swona swi ta hi ka wena, 8 hikusa ni va byele leswi u nga ni byela swona+ naswona va swi yingisile va tlhela va kholwa swaku ni te hi ka wena+ ni swaku hi wena u nga ni rhuma.+ 9 Na va khongelela; kambe a ni khongeleli misava, ni khongelela lava u nga ni nyika vona hikusa i va wena; 10 naswona hinkwaswu leswi ni nga na swona i swa wena ni leswi u nga na swona i swa mina+ naswona va ni hloniphile.
11 “A na ha li misaveni kambe vona va le misaveni+ naswona ni ta koseno ka wena. Papayi Lweyi A Kwetsimaka, va vhikeli+ hi mhaka ya vito la wena leli u nga ni nyika lona, leswaku va twanana ku fana ni leswi mina na wena hi twananaka.+ 12 Nkama na na ha li na vona ni va vhikelile+ hi mhaka ya vito la wena leli u nga ni nyika lona, naswona a nga kona ni mun’we wa vona lweyi a nga lahleka;+ kambe ku yo lahleka ntsena lweyi a nga ta helisiwa*+ leswaku Matsalwa ma ta hetiseka.+ 13 Kambe swoswi ni ta koseno ka wena naswona leswi ni swi vula na na ha li lani misaveni leswaku va ta tsaka swinene ku fana na mina.+ 14 Ni va djondzise rito la wena, kambe misava yi va nyenyile hileswi va kalaka va nga fani ni vanhu va misava,+ ku fana na mina ni kalaka ni nga li wa misava.
15 “A ni kombeli swaku u va susa lani misaveni, kambe ni kombela swaku u va vhikela ka Davulosi.*+ 16 A hi va misava,+ ku fana na mina ni kalaka ni nga li wa misava.+ 17 Va kwetsimisi* hi ntiyiso;+ rito la wena i ntiyiso.+ 18 Leswi u nga ni rhuma misaveni, na mina ni va rhumile misaveni.+ 19 Na tikwetsimisa hi mhaka ya vona swaku na vona va ta kwetsimisiwa hi ntiyiso.
20 “A ni khongeleli vona ntsena, kambe ni khongelela ni hinkwavu lava pfumelaka ka mina hi marito ya vona, 21 swaku hinkwavu va twanana,+ ku fana ni leswi wena Papayi u twananaka na mina ni leswi mina ni twananaka na wena,+ swaku na vona va twanana na hina, leswaku misava yi ta kholwa swaku u ni rhumile. 22 Ni va nyike ku phatima loku wena u nga ni nyika swaku va twanana ku fana ni leswi mina na wena hi twananaka.+ 23 Na twanana na vona, na wena wa twanana na mina, leswaku va ta twanana hi ku helela, kuva misava yi ta swi tiva swaku u ni rhumile ni swaku u va rhandzile ku fana ni leswi u nga ni rhandzisa xiswona. 24 Papayi, ni lava swaku lava u nga ni nyika vona va va na mina lomu ni nga kona,+ leswaku va ta vona ku phatima loku u nga ni nyika kona, hikusa u ni rhandzile na misava yi nge se va kona.+ 25 Papayi wa ku lulama, misava a yi ku tivi+ kambe mina na ku tiva+ naswona lava se va swi tiva swaku hi wena u nga ni rhuma. 26 Ni va djondzisile vito la wena naswona ni ta tama ni va djondzisa+ swaku va rhandza van’wani ku fana ni leswi u nga ni rhandzisa swona, ni swaku mina na vona hi twanana.”+