Yobo
42 Se Yobo a hlamula Yehovha a ku:
2 “Swoswi se na swi tiva swaku u kota ku yendla swilo hinkwaswu,
Naswona a wu tsandziwi hi nchumu.+
3 U te: ‘I mani lweyi, lweyi a solasolaka swiboho swa mina na a nga tivi nchumu?’+
Hikusa ni vulavula swilo swa ku kala ni nga swi twisisi
Swilo swa ku hlamalisa, leswi ni kalaka ni nga tivi nchumu hi swona.+
4 U te: ‘Ni kombela u ni yingisa loko ni vulavula.
Ni ta ku vutisa, wena u ni hlamula.’+
5 Ni twe mavalivali hi wena,
Kambe swoswi na ku vona hi matihlo ya mina.
7 Nkama Yehovha a nga gama ku byela Yobo marito lawa, Yehovha a byele Elifazi wa Mutemani a ku:
“Ni mi kwatelile wena ni vanghanu va wena vavambirhi,+ hikusa a mi vulavulanga ntiyiso hi mina,+ a mi fananga na Yobo mutirheli wa mina. 8 Swoswi tekani 7 wa tihomu ni 7 wa tinyempfu mi ya ka mutirheli wa mina Yobo, mi ya tiyendlela magandzelo ya ku hisiwa. Kutani yena a ta mi khongelela.+ Ni ta yamukela xikhongelo xa yena naswona a ni nge mi khatisi hi mhaka ya wuphunta la n’wina, hikusa a mi vulavulanga ntiyiso hi mina, kambe Yobo hi yena a nga vulavula ntiyiso.”
9 Se Elifazi wa Mutemani, Bilidadi wa Muxuwaya na Zofari wa Munamani va famba va ya yendla leswi Yehovha a nga va byela swona. Kutani Yehovha a yamukela xikhongelo xa Yobo.
10 Nkama Yobo a nga gama ku khongelela vanghanu va yena,+ Yehovha a helisa swikarhatu swa yena+ a tlhela a mu tlhelisela tshomba la yena. Yehovha a mu nyike leswi a a li na swona na se swi phindhiwe kambirhi.+ 11 Vamakwavu va yena hinkwavu va xinuna ni va xisati ni vanghanu va yena va khale+ va mu yendzela va ta dla swakudla na yena akaya ka yena. Va mu singatha va tlhela va mu tiyisa hi mhaka ya makhombo lawa Yehovha a nga pfumelela swaku ma mu humelela. Mun’wani ni mun’wani wa vona a mu nyika male ni aneli la woru.
12 Kutani Yehovha a katekisa Yobo ku tlula ku sunguleni,+ a za a va ni 14.000 wa tinyempfu, 6.000 wa makamela, 2.000* wa tihomu ni 1.000 wa timbongolo ta xisati.+ 13 A tlhela a va ni 7 wa vana va madjaha ni vana vanharhu va tintombhi.+ 14 N’wana wa yena wa ku sungula wa ntombhi a mu chule swaku i Yemima, wa wumbirhi a mu chule swaku i Keziya, wa wunharhu a mu chule swaku i Kereni-Apuki. 15 A ku nga na vavasati lava a va sasekile ku fana ni vana va Yobo va tintombhi ka tiko hinkwalu, papayi wa vona a va nyike tshomba ni vamakwavu va vona va xinuna.
16 Loko leswo hinkwaswu se swi yendlekile, Yobo a hanye 140 wa malembe, a vona vana va yena, vatukulu va yena, vana va vatukulu va yena, ni vatukulu va vatukulu va yena. 17 Yobo a gama a fa na a hanye malembe ya manyingi na a tikhorisile hi wutomi.