Tipisalema
Pisalema ya Davhida. Maxkili.*
32 Wa tsaka lweyi a nga rivaleliwa xihoxo xa yena, lweyi xidjoho xa yena xi nga mbhonyiwa.*+
3 Loko ni miyela marhambu ya mina a ma hela ntamu, hi mhaka ya ku konya ka mina siku hinkwalu.+
4 Hikusa voko la wena a li ni peza wusiku ni nhlikanhi.+
Ntamu wa mina wu hele ku fana ni mati lama hisiwaka hi dlambu la malanga. (Sela)
Ni te: “Ni ta byela Yehovha swidjoho swa mina.”+
Naswona wena u ni rivalele swona.+ (Sela)
Kutani ni mati ya ndhambi a ma nge mu kumi.
U ta yendla swaku ku biwa minkulungwani hikusa u ni ponisile.+ (Sela)
8 Wena u te: “Ni ta yendla swaku u va ni ku twisisa ni ku ku djondzisa ndlela leyi u faneleke u famba hi yona.+
Ni ta ku tsundzuxa naswona matihlo ya mina ma ta va ma ku txuvukile.+
9 U nga fani ni kavhalu kumbe mbongolo leswi kalaka swi nga twisisi,+
Leswi faneleke swi kongomisiwa hi nsimbi* kumbe goda
Leswaku swi ta tshinela ka wena.”
10 Lweyi wa ku biha a ni switlhavi swa swinyingi;
Kambe lweyi a tshembaka Yehovha, Yena wa mu vhikela hikusa Wa mu rhandza.+
11 N’wina lava ku lulama tsakani mi tsaka swinene hi mhaka ya leswi Yehovha a nga swi yendla;
Banani minkulungwani n’wina lava nga ni timbilu tatinene.