Malakiya

3 “Phela ni rhuma mutirheli wa mina a ta ni basisela* ndlela.+ Hosi ya ntiyiso leyi mi yi lavaka yi ta ta hi ku kahlula ka tempele ya yona;+ se lweyi a nga rhumiwa hi ku ya hi ntwananu; lweyi mi mu tsakelaka a ta ta. Phela a ta ta,” ku vula Yehovha murhangeli wa tintsumi.

2 “Kambe i mani lweyi a nga ta tiyisela hi siku la ku ta ka yena naswona i mani lweyi a nga ta swi kota ku nyima nkama a nga ta humelela ke? Hikusa a ta fana ni ndzilu wa lweyi a dereterisaka nsimbi a tlhela a fana ni sabão+ ya lava va hlampsaka 3 A ta tshama ku fana ni lweyi a dereterisaka prata+ ni lweyi a li basisaka naswona a ta basisa vana va Levhi; a ta va yendla va tenga ku fana ni woru ni prata, kutani va ta va vanhu lava yendlelaka Yehovha gandzelo hi ndlela yayinene. 4 Gandzelo la Yuda ni la Yerusalema li ta tsakisa Yehovha ku fana ni ka masiku ya khale hintamu ni ka malembe ya khale.+

5 “Ni ta ta ka n’wina ni ta mi yavanyisa, ni ta va fakazi leyi taka hi ku kahlula swaku yi ta lwa ni valoyi,+ lava va mbuyetaka, lava yendlaka switshembiso kambe va kalaka va nga swi hetisisi,+ lava kanganyisaka vatirhi,+ lava kanganyisaka vavasati lava nga feliwa hi vavanuna va tlhela va kanganyisa vana lava nga feliwa hi vapsali*+ ni lava va yalaka ku pfuna* vanhu va tiko lin’wani.+ Vanhu lava a va ni chavanga”, ku vula Yehovha murhangeli wa tintsumi.

6 “Hikusa hi mina Yehovha; a ni txintxi.*+ N’wina mi vana va Yakobe; a mi helisiwanga. 7 Ku sukela ka masiku ya vavhovho va n’wina a mi zanga mi yingisa minawu ya mina.+ Tlhelelani ka mina kutani ni ta tlhelela ka n’wina,”+ ku vula Yehovha murhangeli wa tintsumi.

Kambe mi li: “Hi ta tlhelelisa ku yini?”

8 “Indjhe munhu a nga kanganyisa Xikwembu? Kambe n’wina ma ni kanganyisa.”

Mi li: “Hi ku kanganyisise ku yini ke?”

“Ma ni kanganyisa ka swa wukhume* ni ka minyikelo. 9 Mi rhukiwile hikusa ma ni kanganyisa, phela tiko hinkwalu li yendla swoleswo. 10 Tisani hinkwaswu swa wukhume ka ndhawu leyi ku vekiwaka ka yona swakudla+ swaku ku ta va ni swakudla ka yindlo ya mina;+ ni kombela mi ni ringa ka mhaka leyi,” ku vula Yehovha murhangeli wa tintsumi, “swaku mi vona kumbe a ni nga ta mi pfulela tinyanghwa ta matilo+ ni mi chululela minkateko, anze ku nga ha pfumaleki nchumu.”+

11 “Ni ta yendla swaku swiharhi swaswitsongo swa ku fana ni mintete* swi nga ha dli ka masimu ya n’wina, a swi nga ha ta dla mihandzu leyi nga kona ka tiko la n’wina naswona minsinya ya mawuvha leyi nga ka masimu ya n’wina yi ta va ni mihandzu,”+ ku vula Yehovha murhangeli wa tintsumi.

12 “Matiko hinkwawu ma ta boheka ku hlaya swaku mi vanhu lava nga tsaka,+ hikusa mi ta va tiko la ku tsaka,” ku vula Yehovha murhangeli wa tintsumi.

13 “Mi vulavule swa ku biha hi mina,” ku vula Yehovha.

Se mi li: “Hi vulavulise ku yini swa ku biha hi wena ke?”+

14 “Mi li: ‘A swi sizi nchumu ku tirhela Xikwembu.+ Kasi swi size yini ku yingisa leswi Yehovha murhangeli wa tintsumi a nga hi rhuma swona ni ku mu komba swaku hi tisolile hi mhaka ya swidjoho swa hina ke? 15 Swoswi hi vone ingaku vanhu lava tikhuzaka va tsakile. Ni lava yendlaka swa ku biha swi va fambela kahle.+ Va ringa Xikwembu kambe a va khatisiwi.’”

16 Ka nkama wolowo, lava va chavaka Yehovha a va bulisana, mun’wani ni mun’wani a a bula ni munghanu wa yena, naswona Yehovha a tame a va yingisela kahle. Kutani ku tsaliwa buku phambheni ka Yehovha+ leli nga ni mavito ya lava a nga ta va khumbuka, lava va mu chavaka va tlhela va pimisa* hi vito la yena.+

17 “Va ta va va mina”+ ku vula Yehovha murhangeli wa tintsumi, “hi siku leli ni nga ta va yendla vanhu va mina va lisima.*+ Ni ta va komba timpsalu, ku fana ni papayi lweyi a nga ni timpsalu ka n’wana wa yena lweyi a mu yingisaka.+ 18 Se mi ta tlhela mi vona ku hambana ka munhu wa ku lulama ni munhu lweyi a yendlaka swa ku biha+ ni ka lweyi a tirhelaka Xikwembu ni lweyi a kalaka a nga xi tirheli.”