Tipisalema
Ka mayextru; hi mayimbelelelo ya lisimu leli nge: “Makhon’wa.”* Pisalema ya Davhida.
69 Ni ponisi, Xikwembu xa mina, hikusa mati ma lava ku ni dlaya.+
2 Ni mbombomele ka madaka ya ku yenta, lomu ku kalaka ku nga na ndhawu ya ku nyima ka yona.+
Ni le ka mati ya ku yenta,
Mati lama fambaka hi ku tsutsuma ma ni kokile.+
3 Ni karhalile hi mhaka ya ku huwelela;+
Nkolo wa mina wu womile.
Ni rindze Xikwembu, matihlo ya mina ma za ma karhala.+
Lava lavaka ku ni dlaya,
Valala va mina lava kanganyisaka i vanyingi.
Ni sindzisiwe ku humesa leswi ni kalaka ni nga swi yivanga.
5 Xikwembu xa mina, wa li tiva wuphunta la mina,
Ni xidjoho xa mina wa xi vona.
6 Lava ku tshembaka va nga danisiwi hi mhaka ya mina,
Wena Hosi Leyikulu, Yehovha murhangeli wa tintsumi.
Lava ku lavetelaka va nga danisiwi hi mhaka ya mina,
Wena Xikwembu xa Israyele.
8 Vamakwerhu va yendla ingi a va ni tivi,
Vana va mamani va ni kombe nhlana.+
10 Nkama ni nga tiveka hansi ni ku titsona swakudla,*
Va ni rhukile.
11 Nkama ni nga yambala mpahla ya masaka,
Va ni hlekile.
12 Lava tshamaka ka nyanghwa wa doropa va vulavula hi mina,
Ni swidakwa swi yimbelela hi mina.
13 Kambe ni navela swaku xikhongelo xa mina xi nga ta ka wena,
Hi nkama wa kona, wena Yehovha.+
Ni hlamule hi ku ni ponisa wena Xikwembu xa mina,
Hi mhaka ya lirhandzu la wena lalikulu.+
14 Ni ponise ka madaka;
U nga ni tshiki ni mbombomela.
Ni ponise ka lava ni nyenyaka
Ni le ka mati ya ku yenta.+
16 Ni hlamule Yehovha, hikusa lirhandzu la wena i linene.+
Ni pfune hikusa u ni ntwelawusiwana wawukulu,+
17 U nga ni tumbeteli nghohe ya wena mina mutirheli wa wena.+
Kahlula u ni hlamula hikusa ni le ka mahlomulu.+
18 Tshinela u ta ni ponisa;
Ni ponise hi mhaka ya valala va mina.
19 Wa ku tiva ku rhukiwa ka mina ni ku xixiwa ka mina.+
U vona valala va mina hinkwavu.
20 Xirhuku xi tshove mbilu ya mina naswona xilondza xa kona a xi daheki.*
A ni lava ku tiyisiwa, kambe a ni swi kumanga,+
A ni lava va ku ni tiyisa, kambe a ni kumanga munhu.+
21 Kambe va ni nyike vhenenu* swaku li va swakudla swa mina,+
Naswona nkama ni nga twa torha va ni nyike vhinagri.+
23 Matihlo ya vona a ma ve ni munyama leswaku va nga voni,
Yendla swaku minenge* ya vona yi tshamela ku rhurhumela.
24 Va chululele ku kwata ka wena,
Naswona a va fikeliwe hi ku kwata ka wena loku pfurhaka.+
26 Hikusa va hlongolisa lweyi u nga mu ba,
Naswona va tshamela ku vulavula hi ku hlupheka ka vanhu lava u nga va vavisa.
27 A va khatisiwe hintamu hi mhaka ya minandzu ya vona,
Naswona u nga va nyiki ku lulama ka wena.
29 Kambe na karhateka naswona ni twa ku vava.+
Ni vhikele, Xikwembu xa mina, hi matimba ya wena ya ku ponisa.
30 Ni ta dzunisa vito la Xikwembu hi tinsimu,
Funtshi ni ta xi dzunisa ni xi khensa.
31 Leswi swi ta mu tsakisa Yehovha ku tlula homu,
Ku tlula xihon’wani lexi nga ni timhondzo ni maxondzo.+
32 Lava ku rhula va ta swi vona se va tsaka.
Timbilu ta n’wina a ti hanye n’wina lava lavaka Xikwembu.
34 Tilo ni misava a swi mu dzunise,+
Malwandle ni hinkwaswu leswi hanyaka ka wona.