Varoma

7 Vamakwerhu, a mi swi tivi swaku munhu a mandiwa hi Nawu ntsena loko a ha hanya? (Hikusa ni vulavula ni lava tivaka nawu) 2 Hi xikombiso, wansati lweyi a nga chadiwa a bohiwile ka nuna wa yena hi nawu loko nuna wa yena a ha hanya, kambe loko nuna wa yena a fa, a chunsiwile ka nawu wa nuna wa yena.+ 3 Kambe loko o tshuka a chadiwa hi wanuna mun’wani kuve nuna wa yena wa ha hanya, o mbuyeta.+ Kambe loko nuna wa yena a fa, a chunsiwile ka nawu wa nuna wa yena. A nga mbuyeti loko a chadiwa hi wanuna mun’wani.+

4 Hi ku fana, na n’wina vamakwerhu, muzimbha wa Kreste wu mi chunsile ka Nawu wa Moxe leswaku mi ta va+ va lweyi a nga pfuxiwa ka lava nga fa+ swaku hi ta tirhela Xikwembu.+ 5 Hikusa nkama na ha ha hanya hi ku landza xidjoho, Nawu wu hi yendle hi twisisa swaku ku navela ka hina* ka nyama a ku yendla muzimbha* wa hina wu djoha naswona xidjoho lexi a xi hi yendla hi fa.+ 6 Kambe swoswi hi chunsiwile ka Nawu+ hikusa a wa ha hi mandi. Se hi fanele hi va swikarawa swa Xikwembu hikusa hi kongomisiwa hi moya wa ku kwetsima+ wa xona ku nga li hi Nawu.+

7 Se hi ta ku yini? A Nawu i xidjoho ke? Ihim! A ni ta va ni nga swi tivanga swaku xidjoho i yini loko a ni nga pfuniwanga hi Nawu.+ Hi xikombiso, a ni nga ta swi tiva swaku ku navela swa van’wani i xidjoho loko Nawu a wu nga vulanga wu ku: “U nga tshuki u navela swa van’wani.”+ 8 Kambe hi mhaka ya nawu, xidjoho xi ni pfuxele mixaka hinkwayu ya ku navela, hikusa nkama lowu nawu a wu nga li kona, xidjoho a xi nga na matimba.+ 9 Phela a nkama lowu a ni nga landzi nawu a ni hanya. Kambe a nkama ku nga fika nawu, xidjoho xi tlhele xi sungula ku hanya kambe mina ni fa.+ 10 Naswona nawu lowu a wu fanele wu ni yisa ka wutomi,+ wu ni yise ku feni. 11 Kutani xidjoho xi tirhise nawu swaku xi ni kanganyisa xi tlhela xi ni dlaya. 12 Se Nawu hi woxe wa kwetsima, leswi wu swi vulaka swi lulamile naswona i swinene.+

13 Swi lava ku vula swaku swilo swaswinene swi ni tisele lifu? Ihim! I xidjoho xi ni yendlaka ni fa. Nawu i wunene kambe wu kombekise swaku i xidjoho lexi ni vangelaka lifu.+ Nawu wu swi kombekisile swaku xidjoho xi bihe ngopfu.+ 14 Ha swi tiva swaku Nawu wu ta hi ka Xikwembu kambe mina ni munhu wa nyama lweyi a nga xavisiwa ka xidjoho.+ 15 Hikusa a ni swi twisisi leswi ni swi yendlaka. Leswi ni swi lavaka, a ni swi yendli kambe ni yendla leswi ni swi nyenyaka. 16 Kambe loko ni yendla leswi ni kalaka ni nga swi lavi, ni kombisa swaku na pfumela swaku Nawu i wunene. 17 Kambe a ka ha li mina ni swi yendlaka, swi yendliwa hi xidjoho lexi nga ka mina.+ 18 Na swi tiva swaku ka muzimbha* wa mina lowu nga ni xidjoho a ku na nchumu xaxinene. Hambi ni navela ku yendla swaswinene, a ni swi koti ku swi yendla.+ 19 Hikusa swaswinene leswi ni lavaka ku swi yendla a ni swi yendli kambe swa ku biha leswi ni kalaka ni nga swi lavi, hi swona ni swi yendlaka. 20 Se loko ni yendla swilo leswi ni kalaka ni nga swi lavi, a swa ha yendliwi hi mina kambe swi yendliwa hi xidjoho lexi nga ka mina.

21 Kutani ku ni nawu lowu ka mina: Loko ni lava ku yendla swaswinene, swa ku biha swi kona ka mina.+ 22 Phela na wu rhandza nawu wa Xikwembu ka mbilu ya mina,+ 23 kambe ni tsumbule swaku muzimbha* wa mina wu ni nawu wun’wani lowu lwaka ni nawu wa mimpimiso ya mina,+ lowu ni yendlaka xikarawa xa nawu wa xidjoho+ lowu nga ka muzimbha* wa mina. 24 Mina n’wambuyangwana! I mani lweyi a nga ta ni ponisa ka muzimbha lowu ni yisaka ku feni? 25 Ni khensa Xikwembu lexi nga ta tirhisa Hosi ya hina Yesu Kreste swaku xi ni ponisa! Kutani ka mimpimiso ya mina, ni xikarawa xa nawu wa Xikwembu, kambe ka nyama ya mina ni xikarawa xa nawu wa xidjoho.+