Vaheberu

5 Hikusa muprista mun’wani ni mun’wani wamukulu lweyi a nga langiwa xikarhi ka vanhu, a langiwile swaku a va tirhela ka swilo leswi fambisanaka ni ku gandzela Xikwembu,+ leswaku a ta nyikela tinyiko ni magandzelo ya swidjoho.+ 2 Wa swi kota ku va twela wusiwana lava kalaka va nga na wutivi ni lava djohaka hikusa na yena a tsanile, 3 naswona hi mhaka ya leswo a fanele a tihumesela magandzelo hi mhaka ya swidjoho swa yena ku fana ni leswi a yendlisaka xiswona ka vanhu.+

4 Munhu a nge tiveki hi yexe swaku a va muprista wamukulu kambe i Xikwembu ntsena lexi nga mu langaka, ku fana ni leswi xi nga langa Aroni.+ 5 Hi ku fana, Kreste a nga tidzunisanga+ hi ku tiyendla muprista wamukulu kambe a dzunisiwe hi Lweyi a nga mu byela a ku: “U n’wana wa mina; namuntlha ni papayi wa wena.”+ 6 Kasi kun’wani a te: “U muprista hi nkama wa ku kala wu nga heli ku fana na Melkisedeki.”+

7 Nkama na a li lani misaveni, Kreste a kombelile a tlhela a khongela na a rila hintamu, a humesa ni mihloti+ ka Lweyi a a swi kota ku mu ponisa ku feni naswona a twiwile hi mhaka ya leswi a a chava Xikwembu. 8 Hambileswi a a li n’wana, a djondze ku yingisa hi mhaka ya ku xaniseka ka yena.+ 9 Kutani loko se a hetisekile,*+ a ve ni ntirho wa ku ponisa hinkwavu lava mu yingisaka hi masiku ni masiku,+ 10 hikusa Xikwembu xi mu langile swaku a va muprista wamukulu ku fana na Melkisedeki.+

11 Hi ni swa swinyingi swa ku swi vula hi yena kambe swa tika ku swi tlhamusela hikusa a mi swi twisisi hi ku vevuka. 12 Hikusa hambileswi swoswi a mi fanele mi va vadjondzisi, ma ha lava ku tlhela mi djondzisiwa swilo swa ku sungula+ leswi mi nga swi djondza ka rito la Xikwembu, mi lava leiti ku nga li swakudla swa ku tiya. 13 Mun’wani ni mun’wani lweyi a tamaka a tiwundla hi leiti a nga li tivi rito la ku lulama hikusa i xin’wanani.+ 14 Kambe swakudla swa ku tiya i swa vanhu va ku wupfa, lava djondzisaka matimba ya vona ya ku twisisa hi ku ma tirhisa swaku va hambanisa swa ku lulama ni swa ku biha.