Tikronika Ta Wumbirhi

18 Yehoxafati a a ganyile hintamu a tlhela a hloniphiwa,+ kambe a hambe wuxaka na Akabu hi ku va maseve wa yena.+ 2 Loko ku hundze malembenyana, a ye ka Akabu aSamariya+ funtshi Akabu a yendle magandzelo hi tinyempfu ni tihomu ta tinyingi a yendlela yena ni vanhu va yena. A gama a mu xenga swaku va ya lwa ni doropa la Ramoti-Jiliyadi.+ 3 Se Akabu hosi ya Israyele a vutisa Yehoxafati hosi ya Yuda a ku: “U ta famba na mina hi ya lwa ni doropa la Ramoti-Jiliyadi?” A mu hlamula a ku: “Mina na wena hi van’we, vanhu va mina i vanhu va wena, ni ta famba na wena anyimpini.”

4 Kambe Yehoxafati a byela hosi ya Israyele a ku: “Ni kombela u rhanga hi ku vutisa Yehovha mhaka leyi.”+ 5 Se hosi ya Israyele yi hlengeleta vaprofeta, a ku li 400 wa vavanuna, yi gama yi va vutisa yi ku: “Ni famba ni ya lwa ni doropa la Ramoti-Jiliyadi kumbe ni nga fambi?” Vona va ku: “Famba wena hosi, Xikwembu xa ntiyiso xi ta ku pfuna swaku u hlula.”

6 Yehoxafati a vutisa a ku: “A ku na muprofeta wa Yehovha lani?+ A hi mu vutiseni na yena.”+ 7 Se hosi ya Israyele yi byela Yehoxafati yi ku: “Ku ni mun’we+ lweyi a nga hi vutiselaka ka Yehovha; kambe na mu nyenya hikusa loko a profeta a nga ni byeli swaswinene, a ni byela swa ku biha minkama hinkwayu.+ Vito la yena i Mikaya n’wana wa Imilayi.” Kambe Yehoxafati a ku: “Wena hosi u nga tshuki u hlaya swa ku fana ni leswo.”

8 Hosi yi vitana mun’we ka madoda ya yona yi ku: “Hantlisa u ya vitana Mikaya n’wana wa Imilayi.”+ 9 Hosi ya Israyele na Yehoxafati hosi ya Yuda a va tshame ka switshamu swa vona swa wuhosi, na va yambale mpahla ya vona ya wuhosi, na va li ka ndhawu leyi ku phepheriwaka ka yona akusuhi ni nyanghwa wa Samariya naswona vaprofeta hinkwavu a va li ku profeteni phambheni ka vona. 10 Se Zedekiya n’wana wa Kenana a yendla timhondzo ta nsimbi, a ku: “Yehovha a li: ‘U ta tlhava Vasiriya hi timhondzo leti anze u va heta.’” 11 Vaprofeta lavan’wani hinkwavu va hlaya swa ku fana ni swoleswo, va ku: “Famba u ya lwa ni doropa la Ramoti-Jiliyadi, u ta li hlula;+ Yehovha a ta li nyikela ka wena hosi.”

12 Kutani lweyi a nga rhumiwa swaku a ya vitana Mikaya, a fika a mu byela a ku: “Vaprofeta hinkwavu va profete swaswinene ka hosi. Na wena ni kombela u yendla leswi fanaka,+ u profeta swaswinene.”+ 13 Kambe Mikaya a ku: “Na funga hi vito la Yehovha Xikwembu lexi hanyaka, swaku leswi Xikwembu xa mina xi nga ta ni byela swona, hi swona leswi ni nga ta swi hlaya.”+ 14 Se a fika ka hosi, yi gama yi mu vutisa yi ku: “Mikaya, hi famba hi ya lwa ni doropa la Ramoti-Jiliyadi, kumbe hi nga yi?” Mikaya a yi hlamula a ku: “Famba, u ta hlula; Xikwembu xi ta va nyikela ka mavoko ya wena hosi.” 15 Se hosi yi mu vutisa yi ku: “Ni fanele ni ku fungisa kangaki swaku u ta ni byela ntiyiso hi vito la Yehovha?” 16 A yi hlamula a ku: “Ni vona Vayisrayele hinkwavu na va hangalakelile ka tintshava ku fana ni tinyempfu ta ku kala ti nga na mulusi.+ Yehovha a te: ‘Lava a va na murhangeli. A va tlhelele makaya ka vona hi ku rhula.’”

17 Se hosi ya Israyele yi byela Yehoxafati yi ku: “A ni hlayanga ni ku: ‘A nga ta profeta swilo swaswinene hi mina, a ta profeta swilo swa ku biha ntsena’?”+

18 Mikaya a tlhela a ku: “Yingisa leswi Yehovha a swi hlayaka: Ni vone Yehovha na a tshame ka xitshamu xa yena xa wuhosi+ funtshi tintsumi hinkwatu+ a ti nyime ka tlhelo la yena la xinene ni la ximatsi.+ 19 Yehovha a vutisa a ku: ‘I mani lweyi a nga ta xenga Akabu hosi ya Israyele swaku a ta dlayiwa aRamoti-Jiliyadi?’ Ntsumi yin’we yi hlaya leswi, ntsumi yin’wani yi hlaya leswiya. 20 Ku gama ku fika ntsumi+ yin’wani yi nyima phambheni ka Yehovha yi ku: ‘Mina ni ta ya ni ya mu xenga.’ Yehovha a yi vutisa a ku: ‘U ta mu xengisa ku yini?’ 21 Yi mu hlamula yi ku: ‘Ni ta yendla swaku vaprofeta va yena hinkwavu va vulavula mavunhwa.’ Se yena a ku: ‘Impela u ta mu xenga funtshi leswi u nga swi hlaya swi ta tirha. Famba u ya yendla swoleswo.’ 22 Yehovha a tirhise ntsumi swaku yi yendla vaprofeta va wena va ku byela mavunhwa,+ kambe Yehovha a hlaye swaku u ta humeleliwa hi khombo.”

23 Zedekiya+ n’wana wa Kenana a tshinela ka Mikaya+ a fika a mu ba hi mpama+ a ku: “Moya wa ku kwetsima wa Yehovha wu hundzise ku yini ka mina wu ta vulavula na wena?”+ 24 Mikaya a ku: “U ta swi tiva swaku wu ku hundzise ku yini siku leli u nga ta ya nghena ka Ndhawu Ya Ku Kwetsima Hintamu u ya tumbela.” 25 Se hosi ya Israyele yi ku: “Tekani Mikaya mi famba na yena ka Amoni murhangeli wa doropa ni ka Yowaxi n’wana wa hosi. 26 Mi va byela mi ku: ‘Hosi yi li: “Pfalelani wanuna lweyi adjele,+ mi mu nyika pawu lalitsongo ni mati yamatsongo, anze ni vuya hi ku rhula.”’” 27 Kambe Mikaya a ku: “Loko wo vuya hi ku rhula, Yehovha a ta va a nga vulavulanga na mina.”+ A tlhela a ku: “Hinkwenu ma swi twa.”

28 Se hosi ya Israyele na Yehoxafati hosi ya Yuda va ya Ramoti-Jiliyadi.+ 29 Hosi ya Israyele yi byela Yehoxafati yi ku: “Ni ta yendla swaku va nga ni tivi funtshi ni ta ya nyimpini, kambe wena yambala mpahla ya wena ya wuhosi.” Se hosi ya Israyele yi yendla swaku va nga yi tivi, va gama va famba nyimpini. 30 Kambe hosi ya Siriya a yi byele varhangeli va tinyolo* ta yona yi ku: “Mi nga lwi ni munhu mun’wani hambi a li wamutsongo kumbe a li wamukulu kambe lwanani ni hosi ya Israyele ntsena.” 31 Hi ku hantlisa nkama varhangeli va tinyolo va nga vona Yehoxafati, va tibyela va ku: “Leyi hi yona hosi ya Israyele.” Se va mu landza va ya lwa na yena; Yehoxafati a gama a huwelela a kombela ku pfuniwa,+ se Yehovha a mu pfuna, a yendla swaku va nga ha lwi na yena. 32 Nkama varhangeli va tinyolo va nga vona swaku a ku nga li yona hosi ya Israyele, va vhela va mu tshika.

33 Kambe wanuna mun’wani a txopa mpaxwa* hi ligubu la yena, wu fika wu tlhava hosi ya Israyele lani muzimbha wa yena a wu nga mbhonyiwanga hi mpahla ya yena ya nyimpi ya ku yendliwa hi swinsimbani. Se hosi yi byela lweyi a a fambisa nyolo ya yona yi ku: “Djikisa nyolo u ni humesa nyimpini, hikusa ni vavisiwe hintamu.”+ 34 Hi siku lolelo hinkwalu nyimpi yi tama yi lwiwa, hosi ya Israyele va yi khigetelisa ka nyolo na yi txuvukane ni Vasiriya anze nimadlambu; hosi yi gama yi fa nkama dlambu li nga pela.+