Tipisalema
Pisalema ya Davhida.
138 Ni ta ku dzunisa hi mbilu ya mina hinkwayu.+
Ni ta yimbelela ni ku dzunisa
Phambheni ka swikwembu swin’wani.
2 Ni ta khizama phambheni ka tempele ya wena ya ku kwetsima,+
Ni ta dzunisa vito la wena,+
Hi mhaka ya lirhandzu ni ku tshembeka ka wena.
Hikusa u yendle swaku marito ya wena ni vito la wena swi tlula swilo hinkwaswu.
3 U ni hlamulile hi siku leli ni nga ku vitana hi lona;+
U yendle swaku ni nga chavi ni tlhela ni va ni matimba.+
4 Tihosi hinkwatu ta misava ti ta ku dzunisa, wena Yehovha,+
Hikusa ti ta va na ti twe switshembiso swa wena.
5 Ti ta yimbelela hi tindlela ta wena Yehovha,
Hikusa ku phatima ka wena Yehovha i kukulu.+
6 Hambileswi Yehovha a nga tlakuka, wa mu vona lweyi a tivekaka hansi,+
Kambe a fambela kule ni lweyi a tibyelaka.+
7 Hambiloko ni famba xikarhi ka khombo, u ta ni ponisa.+
U tirhisa matimba ya wena swaku u lwa ni valala va mina lava nga ni kwatela;
Voko la wena la xinene li ta ni ponisa.
8 Yehovha a ta ni yendlela swilo hinkwaswu.