Tihosi Ta Ku Sungula

9 Hi ku hantlisa nkama hosi Solomoni a nga heta ku yaka yindlo ya Yehovha, yindlo ya wuhosi+ ni hinkwaswu leswi a a lava ku swi yendla,+ 2 Yehovha a humelele ka hosi Solomoni ka wumbirhi, ku fana ni leswi a nga tshama a humelelisa xiswona ka yena na a li Gibiyoni.+ 3 Yehovha a ku: “Ni xi twile xikhongelo xa wena ni leswi u nga kombela swaku ni va ni timpsalu; ni yendle swaku yindlo leyi u nga yi yaka yi va ya ku kwetsima hi ku veka vito la mina ka yona hi nkama wa ku kala wu nga heli.+ Ni ta yi vonelela, ni tlhela ni yi hlayisa masiku hinkwawu.+ 4 Se loko wena wo ni yingisa hi mbilu ya wena hinkwayu+ u tlhela u yendla swa ku lulama+ ku fana ni papayi wa wena Davhida,+ u yendla hinkwaswu leswi ni nga ku byela swona,+ u tlhela u yingisa minawu ya mina ni swiboho swa mina swa ku yavanyisa,+ 5 ni ta tiyisa mfumu wa wena aIsrayele hi nkama wa ku kala wu nga heli, ni yendla leswi ni nga swi tshembisa papayi wa wena Davhida nkama ni nga ku: ‘Ka xitshamu xa wuhosi xa Israyele+ minkama hinkwayu ku ta va ni munhu lweyi a humaka ka ndjangu wa wena.’ 6 Kambe loko wena ni vana va wena mo ni tshika mi nga yingisi minawu ya mina ni leswi ni nga mi byela swona, mi gama mi ya tirhela swikwembu swin’wani, mi swi khizamela,+ 7 ni ta hlongola Vayisrayele ka tiko leli ni nga va nyika lona,+ ni yindlo leyi ni nga yi kwetsimisa hi mhaka ya vito la mina ni ta yi susa phambheni ka mina+ funtshi Vayisrayele va ta poyiliwa va tlhela va hlekiwa hi vanhu hinkwavu.+ 8 Yindlo leyi yi ta tshama na yi hohlokile.*+ Hinkwavu lava nga ta hundza hi kusuhi na yona va ta hlamala va tlhela va ba noti, va ku: ‘Hi mhaka muni Yehovha a yendle leswi ka tiko leli ni ka yindlo leyi?’+ 9 Se va ta ku: ‘Hi mhaka ya leswi va nga tshika Yehovha Xikwembu xa vona, lweyi a nga humesa vavhovho va vona ka tiko la Gibita va gama va sungula ku tirhela swikwembu swin’wani va tlhela va swi khizamela. Hi leswo swi nga yendla swaku Yehovha a va tisela khombo leli.’”+

10 A ku heleni ka 20 wa malembe lawa Solomoni a nga ma heta na a yaka tiyindlo leti ta timbirhi, ku nga yindlo ya Yehovha ni yindlo ya wuhosi,+ 11 Hirami+ hosi ya Tiru a nyike Solomoni timhandzi ta minsinya ya mikedari ni timhandzi ta minsinya ya yunipa ku patsa ni woru la linyingi+ leli Solomoni a a li lava. Solomoni a gama a nyika Hirami 20 wa madoropa ka tiko la Galileya. 12 Se Hirami a suka aTiru a ya vona madoropa lawa Solomoni a nga mu nyika wona kambe a ma mu tsakisanga. 13 A te: “Makwerhu, i madoropa ya ku tshamisa ku yini lawa u nga ni nyika wona?” Kutani ma gama ma chuliwa swaku i Tiko la Kabuli* ku ta fikela namuntlha. 14 Hi nkama wolowo, Hirami a rhumela 4.104 wa makilu ya woru*+ ka hosi.

15 Leswi hi leswi nga yendliwa hi vatirhi+ va Hosi Solomoni lava a nga va rhuma swaku va yaka yindlo ya Yehovha,+ yindlo ya wuhosi, Ganga,*+ muru wa Yerusalema, doropa la Azora,+ doropa la Mejido+ ni doropa la Jezeri.+ 16 (Faru hosi ya Gibita a tile a ta lwa ni doropa la Jezeri a gama a li teka, a li hisa hi ndzilu, a tlhela a dlaya Vakanana+ lava a va tshama ka doropa lolelo, a gama a li nyika n’wana wa yena wa ntombhi,+ nkama a nga chada na Solomoni.) 17 Solomoni a pfuxa doropa la Jezeri a tlhela a yaka ni doropa la Beti-Horoni+ wa le Hansi, 18 Doropa la Balati+ ni doropa la Tamara leli nga mananga axikarhi ka tiko, 19 ku patsa ni madoropa hinkwawu ya Solomoni lawa a ku vekiwa minchumu ka wona, madoropa lawa a ku vekiwa tinyolo,*+ madoropa ya lava a va fambisa makavhalu ni hinkwaswu leswi Solomoni a a lava ku swi yaka aYerusalema, aLebanoni ni ka tiko hinkwalu leli a a li fuma. 20 Se vanhu hinkwavu lava va nga sala ka Vaamori, Vaheti, Vaperezi, Vahivhi ni Vayebusi,+ lava a va nga li Vayisrayele,+ 21 vatukulu va vona lava nga sala ka tiko la Israyele, lava Vayisrayele va kalaka va nga va helisanga, Solomoni a va yendle swikarawa swa yena anze namuntlha.+ 22 Kambe Solomoni a nga va yendlanga swikarawa Vayisrayele,+ hikusa a va li masonchwa ya yena, vatirhi va yena, varhangeli lava a nga va veka, varhangeli va nyimpi, varhangeli va lava a va fambisa tinyolo ni lava a va fambisa makavhalu. 23 A ku ni 550 wa vaadiminixtradori lava a va vonelela ntirho wa Solomoni, ku nga varhangeli lava a va vonelela vanhu lava a va tirha.+

24 Kambe n’wana wa Faru wa ntombhi+ a suke ka Doropa la Davhida+ a ya ka yindlo leyi Solomoni a nga mu yakela yona; kutani Solomoni a gama a yaka Ganga.*+

25 Kanharhu hi lembe+ Solomoni a a yendla magandzelo ya ku hisiwa ni ya ku kombela ku rhula ka altari leyi a nga yi yakela Yehovha,+ a tlhela a hamba a ximusi xa magandzelo ka altari leyi a yi li phambheni ka tempele ya Yehovha, se a heta ku yaka tempele.+

26 Hosi Solomoni a tlhela a yendla maboti ya manyingi ka doropa la Eziyoni-Yeberi,+ leli nga kusuhi ni doropa la Elati akusuhi ni Lwandle la Ku Pshuka, ka tiko la Edomu.+ 27 Hirami a rhuma vatirhi va yena, ku nga vavanuna lava va swi tivaka kahle* ku fambisa maboti,+ va famba hi maboti ya manyingi, swaku va ya tirha ni vatirhi va Solomoni. 28 Va ye Ofiri+ va ya teka 14.364 wa makilu ya woru,* va ma yisa ka Hosi Solomoni.