Samuwele Wa Wumbirhi
21 Nkama na ku fuma Davhida ku ve ni ndlala+ leyi nga heta malembe manharhu ya ku landzelelana. Se Davhida a vutisa Yehovha, a gama Yehovha a mu hlamula a ku: “Ku ni nandzu wa ngati ka Sawulo ni ka ndjangu wa yena, hikusa a dlaye Vagibiyoni.”+ 2 Kutani hosi yi vitana Vagibiyoni+ yi vulavula na vona. (Vagibiyoni a va nga li Vayisrayele kambe a va li Vaamori+ lava kalaka va nga dlayiwanga hi Vayisrayele, hikusa Vayisrayele a va fungile swaku a va nga ta va dlaya;+ kambe Sawulo a a lava ku va dlaya hi mhaka ya leswi a a rhandza vanhu va Israyele ni va Yuda.) 3 Davhida a vutisa Vagibiyoni a ku: “Mi lava ni mi yendlela yini? Ni nga mi hakela hi yini swaku mi katekisa vanhu* va Yehovha?” 4 Vagibiyoni va mu hlamula va ku: “A hi lavi woru kumbe prata+ hi mhaka ya swilo leswi Sawulo ni ndjangu wa yena va nga hi yendla swona, naswona a hi na mfanelo ya ku dlaya munhu aIsrayele.” Se Davhida a ku: “Hinkwaswu leswi mi nga ta swi hlaya ni ta mi yendlela swona.” 5 Kutani va byela hosi va ku: “Munhu lweyi a nga zama ku hi helisa a tlhela a hamba planu* la ku hi dlaya leswaku ku nga sali ni wa mun’we ka hina ka tiko hinkwalu la Israyele,+ 6 hi nyikeni 7 wa vana va yena. Hi ta hayeka mintsumbu ya vona+ phambheni ka Yehovha aJibiya+ ka doropa la Sawulo, lweyi a nga langiwa hi Yehovha.”+ Hosi yi va hlamula yi ku: “Ni ta mi nyika vona.”
7 Kambe hosi yi mu twela wusiwana Mefiboxeti+ n’wana wa Yonatani, n’wana wa Sawulo, hi mhaka ya leswi yona na Yonatani+ va nga tshembisana swona phambheni ka Yehovha. 8 Se hosi yi teka Armoni na Mefiboxeti, ku nga vana vambirhi lava Rizipa+ n’wana wa Aya a nga va psalela Sawulo. Yi tlhele yi teka 5 wa vana va madjaha lava Mikala*+ n’wana wa Sawulo a nga va psalela Adriyeli+ n’wana wa Barzilayi wa le Mehola.* 9 Yi gama yi va nyikela ka Vagibiyoni, kutani vona va hayeka mintsumbu ya vona ka ntshava phambheni ka Yehovha.+ Vana lava 7 va dlayiwe xikan’we; va dlayiwe ka nkama lowu a ku sungula ku tshoveliwa, ku nga nkama wa ku sungula ku tshoveliwa maxalani.* 10 Se Rizipa+ n’wana wa Aya wa ntombhi a teka mpahla leyi yambaliwaka hi lava nga feliwa a yi yandlala henhla ka ribye a gama a vonelela mintsumbu liyani ya 7, ku sukela ka nkama lowu ku nga sungula ku tshoveliwa anze mpfula yi nela mintsumbu yoleyo; ninhlikanhi a a nga swi tshiki swinyanyani swaku swi nyima henhla ka yona naswona niwusiku a a nga swi tshiki swiharhi swa khwati swi tshinela ka yona.
11 Davhida a byeliwa leswi nga yendliwa hi Rizipa n’wana wa Aya lweyi a a li nsati wamutsongo* wa Sawulo. 12 Se Davhida a famba a ya teka marhambu ya Sawulo ni ya Yonatani n’wana wa Sawulo ka varhangeli va doropa la Yabexi-Jiliyadi.+ Varhangeli lava, va ma yive ka ndhawu ya ku pfuleka leyi vanhu va tolovelaka ku tshama ka yona leyi nga ka doropa la Beti-Xani, lani Vafilista a va va hayeke kona siku leli va nga dlaya Sawulo aJilbowa.+ 13 A vuye ni marhambu ya Sawulo ni marhambu ya Yonatani n’wana wa Sawulo; va tlhele va hlengeleta ni marhambu ya vavanuna lava nga dlayiwa.+ 14 Kutani va lahla marhambu ya Sawulo ni ya Yonatani n’wana wa Sawulo aZela+ ka tiko la Benjamini, ka sirha la Kixi+ papayi wa Sawulo. A nkama va nga gama ku yendla hinkwaswu leswi hosi yi nga va byela swona, Xikwembu xi yingise swikombelo swa vona leswi va nga swi yendlela tiko.+
15 Se ku tlhela ku sungula nyimpi ya Vafilista ni Vayisrayele.+ Davhida ni vatirhi va yena va famba va ya lwa ni Vafilista, kambe Davhida a gama a karhala. 16 Ixibibenobi ntukulu wa Varefayimi,+ lweyi tlharhi la yena la kobre a li peza kolomuyani ka makilu* manharhu ni hafu,+ a a lava ku dlaya Davhida naswona a a ni xipada xa nyuwani. 17 Hi ku hantlisa, Abixayi+ n’wana wa Zeruya a pfuna Davhida+ hi ku tlhava Mufilista a mu dlaya. Kutani masonchwa ya Davhida ma mu byela ma ku: “U nga ha fambi na hina nyimpini,+ hikusa u nga tshuka u fa, hi gama hi sala na hi nga ha na livoni aIsrayele!”*+
18 Hi ku famba ka nkama, ku tlhela ku va ni nyimpi ya Vayisrayele ni Vafilista+ aGobi. Hi nkama wolowo Sibekayi+ wa le Huxa a dlaye Safi lweyi a a li ntukulu wa Varefayimi.+
19 Ku tlhele ku sungula nyimpi ya Vayisrayele ni Vafilista+ aGobi, se Eliyanani n’wana wa Jare-Oregimi wa le Betlehema a dlaya Goliyadi wa le Gati. Nhonga ya tlharhi la Goliyadi a yi li yikulu ku fana ni mhandzi leyi a va lukela ka yona tinguvu.+
20 Ku tlhele ku va ni nyimpi aGati, lani a ku ni wanuna wa ku leha hintamu. A a ni 6 wa tintiho ka mavoko hala ni hala ni 6 wa tintiho ka minenge hala ni hala, hinkwatu a ti li 24; na yena a a li ntukulu wa Varefayimi.+ 21 A a tshamela ku poyila Vayisrayele.+ Kutani Yonatani n’wana wa Ximeyi+ makwavu wa Davhida, a mu dlaya.
22 Vanhu lava va 4 a va li vatukulu va Varefayimi aGati, va dlayiwe hi Davhida ni vatirhi va yena.+