Nhlawutelo ya Yohani

2 “Tsalela ntsumi+ ya bandla la Efeza+ u ku: Lweyi a nga tamela 7 wa tinyeleti ka voko la xinene, lweyi a fambaka xikarhi ka xa ku tlhoma 7 wa swa ku voninga hi swona xa woru,+ a li: 2 ‘Ni tiva leswi u swi yendlaka, mintirho ya wena, ku tikarhata ka wena ni ku tiyisela ka wena ni leswaku a wu va yamukeli vanhu va ku biha, naswona u kambela lava tivulaka vapostolo,+ kambe na va nga li vona, kutani u swi vona swaku vo hemba. 3 Wa tiyisela, u hlupheka hi mhaka ya vito la mina+ naswona a wu helanga ntamu.+ 4 Kambe ku ni lexi u ni vilelisaka hi xona: U tshike lirhandzu leli a wu li na lona ku sunguleni.

5 “‘Hi mhaka leyo, khumbuka leswi a wu tshamise xiswona na u nge se wa, kutani u txintxa,+ u yendla leswi a wu swi yendla ku sunguleni. Loko u nga yendli leswo u tlhela u txintxa,+ ni ta ku tela, ni ta susa xa ku tlhoma swa ku voninga hi swona xa wena+ lani xi nga vekiwa kona. 6 Kambe lexi ni xi rhandzaka ka wena hi leswaku wa yi nyenya mintirho ya ntlawa wa Nikolasi*+ leyi na mina ni yi nyenyaka. 7 Lweyi a nga ni tindleve a a yingisi leswi moya wa ku kwetsima wu swi byelaka mabandla:+ Lweyi a hlulaka+ ni ta mu tshika a dla ka nsinya wa wutomi,+ lowu nga ka paradesi ya Xikwembu.’

8 “Kutani tsalela ntsumi ya bandla la le Smirna u ku: ‘Lweyi wa ku Sungula ni wa Wugamu,’+ lweyi a a file a tlhela a pfuka a li:+ 9 ‘Ni tiva ku hlupheka ni wusiwana la wena hambileswi u nga ganya.+ Naswona na swi tiva leswi va ku rhuketelisaka xiswona lava tivulaka Vayuda na va nga li vona, kambe na va li sinagoga* la Sathana.+ 10 Mi nga chavi leswi nga ta mi humelela swoswinyana.+ Yingisani! Davulosi a ta tama a peta van’wani va n’wina djele leswaku mi ta ringiwa hi ku helela, naswona mi ta heta 10 wa masiku na mi li ka mahlomulu. Tshamani na mi tshembekile hambiloko mo dlayiwa, kutani ni ta mi nyika harhi* ya wutomi.+ 11 Lweyi a nga ni tindleve a a yingisi+ leswi moya wa ku kwetsima wu swi byelaka mabandla: Lweyi a hlulaka,+ a nga ta tshuka a li vona lifu la wumbirhi.’+

12 “Tsalela ntsumi ya bandla la le Pergamo u ku: Lweyi a nga ni xipada xa ku leha, xa ku lotiwa ni lexi tsemaka ka matlhelo hamambirhi a li:+ 13 ‘Na ku tiva lomu u tshamaka kona, ku nga lani xitshamu xa wuhosi xa Sathana xi nga kona; kambe wa tshembeka ka mina+ naswona u ve ni lipfumelo la ku tiya ka mina,+ hambi ka masiku ya Antipasi, mboni ya mina ya ku tshembeka+ leyi nga dlayiwa+ lomu mi tshamaka kona, lani Sathana a hanyaka kona.

14 “‘Kambe ku ni swilo swaswitsongo leswi u ni vilelisaka hi swona: Xikarhi ka wena ku ni lava kalaka va nga yi tshikanga djondzo ya Balamu,+ lweyi a nga djondzisa Balaki+ ku lava tindlela ta ku wisa vana va Israyele, leswaku va dla swakudla leswi nga phahleliwa swikwembu ni ku yendla wuntunga la swa masangu.*+ 15 Hi ku fana, na wena u ni lava kalaka va nga yi tshikanga djondzo ya ntlawa wa Nikolasi.+ 16 Hi mhaka leyo, txintxa. Loko u nga yendli leswo, na ku tela hi ku hantlisa; kutani ni ta lwa na vona hi xipada xa ku leha lexi taka hi ka nomo wa mina.+

17 “‘Lweyi a nga ni tindleve a a yingisi leswi moya wa ku kwetsima wu swi byelaka mabandla:+ Lweyi a hlulaka+ ni ta mu nyika mana leyi nga fihliwa,+ ni ribye la ku basa leli nga tsaliwa vito la nyuwani la ku kala li nga tiviwi hi munhu, lo tiviwa hi lweyi a nga li kuma ntsena.’

18 “Tsalela ntsumi ya bandla la le Tiyatira+ u ku: N’wana wa Xikwembu, lweyi matihlo ya yena ma fanaka ni ndzilu lowu pfurhaka,+ ni lweyi minenge ya yena yi fanaka ni kobre la ku tenga,+ a li: 19 ‘Na yi tiva mintirho ya wena, lirhandzu la wena, lipfumelo la wena, ntirho lowu u wu yendlelaka Xikwembu ni ku tiyisela ka wena, ni leswaku mintirho ya wena ya swoswi yi tlula ya ku sungula.

20 “‘Kambe ku ni lexi u ni vilelisaka hi xona: U tshika Jezabele,+ wansati lweyi a tivulaka muprofeta, lweyi a djondzisaka a tlhela a kanganyisa vanhu va mina leswaku va yendla wuntunga la swa masangu*+ ni ku dla swakudla leswi nga phahleliwa swikwembu. 21 Ni mu nyike nkama wa ku txintxa, kambe a nga swi lavi ku tisola ka wuntunga la yena la swa masangu.* 22 Kutani ni lava ku mu vabyisa a za a nga ha swi koti ni ku pfuka mubedwini naswona ni ta yendla swaku timbuya ta yena ti kumana ni mahlomulu yamakulu, loko va nga tisoli ka mintirho leyi va yi yendlaka ya ku fana ni ya yena. 23 Ni ta tlhela ni dlaya ni vana va yena hi ntungu, leswaku mabandla hinkwawu ma ta swi tiva swaku hi mina ni kambelaka mimpimiso ya le ndzenindzeni* ni timbilu, ni leswaku ni ta hakela mun’wani ni mun’wani wa n’wina hi ku ya hi mintirho ya yena.+

24 “‘Kambe hinkwavu lava nga Tiyatira, lava kalaka va nga yi landzeli djondzo leyi naswona va kalaka va nga swi tivi swilo leswi vitaniwaka “swilo swa ku yenta swa Sathana”+ ni va byela ni ku: A na ha mi rhwexi ndzhwalu wun’wani. 25 Ntsena khomelelani swi tiya ka leswi se mi nga na swona anze ni fika.+ 26 Kutani lweyi a hlulaka ni lweyi a yendlaka leswi ni nga swi vula anze ku fika magamu, ni ta mu nyika matimba ya ku fuma matiko,+ 27 matimba ya ku fana ni lawa Papayi a nga ni nyika wona. A ta fuma vanhu hi nhonga ya nsimbi+ naswona va ta fayeteliwa va va swikhemu ku fana ni swibya swa vumba, 28 ni ta tlhela ni mu nyika nyeleti ya nimixo.+ 29 Lweyi a nga ni tindleve a a yingisi leswi moya wa ku kwetsima wu swi byelaka mabandla.’