Nhlawutelo ya Yohani
3 “Tsalela ntsumi ya bandla la le Sarda u ku: Lweyi a nga ni 7 wa matimba ya Xikwembu+ ni 7 wa tinyeleti+ a li: ‘Ni tiva mintirho ya wena ni swaku u ni ndhuma ya leswaku wa hanya kuve u file.+ 2 Khindlimuka,+ u tiyisa swilo leswi nga sala leswi nga kusuhi ni ku fa, hikusa ni kume swaku a wu wu hetanga ntirho lowu Xikwembu xa mina xi lavaka swaku u wu yendla. 3 Hi mhaka leyo, tshama na u khumbuka leswi u nga swi yamukela ni leswi u nga swi twa, u swi hlayisa u tlhela u txintxa.+ Loko wo kala u nga pfuki, ni ta ta ku fana ni muyivi+ naswona a wu nge wu tivi nkama lowu ni nga ta ku tela hi wona.+
4 “‘Kambe u ni vanhu vavatsongo aSarda lava kalaka va nga chakisanga mpahla ya vona+ naswona va ta famba na mina na va yambale mpahla ya ku basa,+ hikusa swa va fanela. 5 Lweyi a nga ta hlula,+ na yena a ta yambexiwa mpahla ya ku basa;+ naswona a ni nga ta li tima vito la yena ka buku la wutomi,+ kambe ni ta byela Papayi ni tintsumi ta Papayi swaku na li tiva vito la yena.+ 6 Lweyi a nga ni tindleve a a yingisi leswi moya wa ku kwetsima wu swi byelaka mabandla.’
7 “Tsalela ntsumi ya bandla la Filadelfiya u ku: Lweyi a kwetsimaka,+ lweyi a nga ni ntiyiso,+ lweyi a nga ni khiya la Davhida,+ lweyi loko a pfula ku kalaka ku nga na lweyi a pfalaka, ni lweyi loko a pfala ku kalaka ku nga na lweyi a pfulaka, a li: 8 ‘Na yi tiva mintirho ya wena, ni veke xipfalu xa ku pfuleka phambheni ka wena,+ lexi ku kalaka ku nga na munhu lweyi a nga xi pfalaka. Na swi tiva swaku u ni matimba yamatsongo, ni leswaku u yingise rito la mina naswona u tshame na u tshembekile ka mina.* 9 Ni ta yendla swaku lava taka hi ka sinagoga* la Sathana lava tivulaka Vayuda na va nga li vona,+ va ta ka wena va fika va khizama ka minenge ya wena; ni ta va yendla va swi tiva swaku ni ku rhandzile. 10 Leswi u nga yingisa leswi u nga swi twa hi ta ku tiyisela ka mina,*+ na mina ni ta ku hlayisa hi nkama wa ndzingo+ lowu nga ta wela vanhu hinkwavu amisaveni leswaku va ringiwa. 11 Na ta hi ku kahlula.+ Khoma swi tiya ka leswi u nga na swona, leswaku ku nga na lweyi a ku tekelaka harhi* ya wena.+
12 “‘Lweyi a hlulaka, ni ta mu yendla pilari ka tempele ya Xikwembu xa mina, a nge humi ndzeni ka yona naswona ni ta mu tsala vito la Xikwembu xa mina,+ vito la mina la nyuwani+ ni vito la doropa la Xikwembu xa mina, ku nga Yerusalema wa nyuwani+ lweyi a xikaka hi le tilweni na a ta hi ka Xikwembu xa mina. 13 Lweyi a nga ni tindleve a a yingisi leswi moya wa ku kwetsima wu swi byelaka mabandla.’
14 “Tsalela ntsumi ya bandla la Lawudikiya+ u ku: Amen,+ mboni+ ya ku tshembeka ni ya ntiyiso,+ wa ku sungula ka leswi nga tumbuluxiwa hi Xikwembu,+ a li: 15 ‘Na yi tiva mintirho ya wena, leswaku a wu titimeli naswona a wu hisi. A swi ta yampsa loko a wo titimela kumbe u hisa. 16 Kambe leswi u ngo kufumela,+ u kalaka u nga hisi kumbe ku titimela,+ ni ta ku hlanta. 17 Leswi u nge: “Ni ganyile,+ ni ni tshomba naswona a na ha lavi nchumu,” kuve a wu swi tivi swaku u mbuyangwana, u twelisa wusiwana, u xisiwana, u fe matihlo naswona a wu yambalanga nchumu, 18 ni ku ba ndleve swaku u xava woru ka mina leyi nga tengisiwa hi ndzilu, leswaku u ta ganya, u xava ni mpahla ya ku basa swaku u mbhonya muzimbha wa wena kuva u nga daniseki,+ u xava ni murhi wa ku tola ka matihlo+ leswaku u ta vona.+
19 “‘Hinkwavu lava ni va rhandzaka na va kawuka ni tlhela ni va laya.+ Hi mhaka leyo, txintxa u hiseka.+ 20 Ni nyime nyanghweni na ni gongondza. Loko munhu o twa rito la mina a gama a pfula xipfalu, ni ta nghena ndlwini ka yena hi jantara xikan’we. 21 Lweyi a hlulaka+ a ta tshama na mina ka xitshamu xa mina xa wuhosi,+ ku fana ni leswi na mina ni nga hlula kutani ni tshama+ na Papayi ka xitshamu xa yena xa wuhosi. 22 Lweyi a nga ni tindleve a a yingisi leswi moya wa ku kwetsima wu swi byelaka mabandla.’”