Vakorinto Va Ku Sungula

13 Hambi no vulavula tirimi ta vanhu ni ta tintsumi kambe loko ni nga na lirhandzu, ni fana ni xingelengele* kumbe nsimbi leyi vangaka guwa. 2 Hambi no va ni nyiko ya ku profeta ni tlhela ni twisisa swihundla hinkwaswu swa ku kwetsima ni wutivi hinkwalu,+ ni loko ni ni lipfumelo lalikulu lakakuva ni kota ku susa* tintshava, kambe loko ni nga na lirhandzu, a ni wa nchumu.+ 3 Naswona hambi no xavisa minchumu ya mina hinkwayu swaku ni dlisa swisiwana,+ ni ku nyikela muzimbha wa mina hi ku fela ku tidzunisa, kambe ni nga na lirhandzu,+ a swi ni pfuni hi nchumu.

4 Lirhandzu+ li lehisa mbilu*+ naswona li ni wumbilu.+ Lirhandzu a li na wukwele.+ A li tibyeli, a li tikulisi,+ 5 a li yendli swa ku danisa,+ a li tilaveli leswi pfunaka lona ntsena,+ a li na ximbilwambilwana.+ A li veketeli swa ku biha.+ 6 A li tsakisiwi hi swa ku kala swi nga lulamanga+ kambe li tsakisiwa hi ntiyiso. 7 A li godoli hambi ko yendleka yini na yini,+ li kholwa swilo hinkwaswu,+ li tshemba swilo hinkwaswu,+ li tiyisela swilo hinkwaswu.+

8 Lirhandzu a li heli. Kambe hambi ko va ni tinyiko ta ku profeta, ti ta hela; hambi ku vulavula hi tirimi,* swi ta hela; hambi wutivi, li ta hela. 9 Hikusa a hi na wutivi la ku helela+ naswona a hi profeti hi ku helela, 10 kambe loko ku ta fika leswi nga helela, leswi kalaka swi nga helelanga swi ta hela. 11 Nkama na na ha li mutsongo, a ni vulavula ku fana ni xin’wanani, ni pimisa ku fana ni xin’wanani, ni kambisisa minchumu ku fana ni xin’wanani; kambe leswi se ni nga kula, ni tshike ku hanya ku fana ni xin’wanani. 12 Hikusa swoswi a hi voni kahle; swi fana ni loko hi titxuvuka ka xipelhu* xa ku yendliwa hi nsimbi, kambe loko leswo swi ta hundza, hi ta vona kahle.* Swoswi a ni na wutivi la ku helela kambe ka nkama wolowo ni ta va ni wutivi la ku helela ku fana ni leswi na mina ni tiviwaka kahle. 13 Kambe swoswi ku sala swilo leswinharhu: Lipfumelo, ntshembo ni lirhandzu; kambe xaxikulu ka swona hinkwaswu i lirhandzu.+