Mikiya
6 Ni kombela mi yingisa leswi Yehovha a swi hlayaka.
Pfukani mi nyima, mi tilulamisela ku thetha mhaka ya n’wina phambheni ka tintshava,
Funtshi maganga a ma li twe rito la n’wina.+
2 N’wina tintshava, yingisani mhaka leyi Yehovha a lavaka ku mi byela yona,
N’wina masungulo lama tiyeke ya misava,+
Hikusa Yehovha a ni mhaka ni vanhu va yena;
A ta yi thetha na Israyele:+
3 “N’wina vanhu va mina, kasi ni mi djohele yini?
Ni mi karhalise hi ndlela yihi?+
Ni kombeni wumboni leli li ni kanetaka.
4 Phela ni mi humesile ka tiko la Gibita,+
Ni mi chunsile ka tiko leli a mi li swikarawa;+
Ni mi rhumele Moxe, Aroni na Miriyamu.+
5 N’wina vanhu va mina, ni kombela mi khumbuka leswi Balaki hosi ya le Mowabu a nga swi vula,+
Ni leswi Balamu n’wana wa Beyori a nga mi hlamula swona.+
Leswi nga yendleka ku sukela aXitimi+ ku ya fika aJiligali,+
Leswaku mi ta tiva mintirho ya ku lulama ya Yehovha.”
6 Ni nga ya ka Yehovha na ni khome yini?
Ni nga khizama phambheni ka Xikwembu lexi nga henhla na ni khome yini ke?
Ni nga ya ka xona na ni ni magandzelo ya ku hisiwa,
Na ni ni swihon’wani leswi nga ni lembe lin’we?+
7 Indjhe Yehovha a ta tsakisiwa hi tinyempfu ta tinyingi,
Ni mafurha ya manyingi ku fana ni minambu?+
Indjhe ni nga nyikela hi n’wana wa mina wa djaha wa matevula, hi mhaka ya ku kala ku yingisa ka mina,
Ni nyikela n’wana wa mina, hi mhaka ya xidjoho xa mina?+
8 Wena munhu, se a ku byelile leswi nga swinene.
Kasi Yehovha a lava* yini ka wena ke?
9 Rito la Yehovha la huwelela ka doropa;
Lava nga ni wutlharhi va ta chava vito la wena.
Yingisani nhonga ni lweyi a mi khatisaka.+
10 Ka yindlo ya lweyi a yendlaka swa ku biha, indjhe xa ha li kona xuma lexi nga kumiwa hi tindlela ta wukanganyisi,
Ni mpimu wa efa* wa ku kanganyisa lowu nyenyentsaka?
11 Indjhe ni nga tshembeka loko ni tirhisa mabalansa* ya wukanganyisi,
Ni xipaxtani lexi nga ni maribye ya ku pima hi wona ya wukanganyisi?+
12 Hikusa vanhu va doropa leli lava nga ganya va ni tinyimpi,
Lava tshamaka ka lona va vulavula mavunhwa;+
Lirimi la vona la kanganyisa.+
14 U ta dla kambe a wu nga ta xurha;
U ta tshama na u twa ndlala.+
U ta rhurhisa swilo swa wena na u lava ku swi hlayisa kambe a swi nge hlayiseki,
Leswi u nga ta swi rhwala, ni ta swi nyika valala va wena.
15 U ta byala mbewu kambe a wu nga ta tshovela.
U ta kama mihandzu ya mawolivhera swaku yi humesa mafurha kambe a wu nga ta ma tirhisa;
U ta hamba ni vhinyu la nyuwani kambe a wu nga ta li phuza.+
16 Hikusa u yingisa minawu ya Omiri ni hinkwaswu leswi yendliwaka hi Akabu ni ndjangu wa yena,+
U yingisa switsundzuxu swa vona.