Nhlawutelo ya Yohani
1 Marito lawa ma tlhamusela minchumu leyi Yesu Kreste a yi paluxaka,+ leyi Xikwembu xi nga mu komba yona swaku a komba vatirheli va xona,+ minchumu leyi ku ngo yo sala kutsongo swaku yi yendleka. Yesu Kreste a rhume ntsumi ya yena ka mina Yohani,+ leswaku yi ta ni byela minchumu leyi kombisaka leswi nga ta yendleka. 2 Ni nyikele wumboni la mhaka leyi nga vuliwa hi Xikwembu ni wumboni leli nga nyikeliwa hi Yesu Kreste ni swilo hinkwaswu leswi ni nga swi vona. 3 Wa tsaka lweyi a lerhaka wuprofeta leli hi rito la ku tlakuka, ni lava li twaka va gama va hanya hi swilo leswi nga tsaliwa ka lona+ hikusa nkama lowu nga vekiwa wu kusuhi.
4 Mina Yohani, ni tsalela 7 wa mabandla+ lama nga ka provhinsiya la Aziya:
Ni navela swaku mi va ni timpsalu tatikulu ni ku rhula leswi taka hi ka “Lweyi a nga kona ni lweyi a a li kona ni lweyi a taka,”+ ni hi ka 7 wa matimba ya ku kala ma nga voneki+ lawa ma nga phambheni ka xitshamu xa yena xa wuhosi, 5 ni leswi taka hi ka Yesu Kreste, “Mboni ya ku Tshembeka,”+ “matevula ka lava nga fa”+ ni “Hosi ya tihosi ta misava.”+
Lweyi a hi rhandzaka+ naswona a nga hi chunsa ka swidjoho swa hina hi ngati ya yena,+ 6 lweyi a nga hi yendla hi va mfumu,+ ni vaprista+ va Xikwembu xa yena ni Papayi wa yena; ku dzuneka ni matimba a swi ve ka yena hi masiku ni masiku. Amen.
7 Vonani! Wa ta hi marhefu+ naswona vanhu hinkwavu va ta mu vona ku patsa ni lava nga mu tlhava; tinxaka hinkwatu ta vanhu ti ta vaviseka hi mhaka ya yena.+ Amen.
8 Yehovha* Xikwembu a li: “Hi mina Alfa na Omega,*+ Lweyi a nga kona ni lweyi a a li kona ni lweyi a taka, wa Matimba Hinkwawu.”+
9 Mina Yohani makwenu wa n’wina, lweyi a nga hlupheka+ ni ku tiyisela+ xikan’we na n’wina naswona hi nga ta va xikan’we na Yesu+ ka mfumu,+ a ni li ka xihlala* xa Patmosi hi mhaka ya ku vulavula hi Xikwembu ni ku vulavula ntiyiso hi Yesu. 10 Moya wa ku kwetsima wu ni yendle ni vona minchumu leyi nga ta yendleka hi siku la Hosi. Ni twe rito la matimba ndzhaku ka mina leli a li twala ku fana ni mhalamhala,* 11 li ku: “Leswi u swi vonaka swi tsali ka buku* se u li rhumela ka 7 wa mabandla, ku nga Efeza,+ Smirna,+ Pergamo,+ Tiyatira,+ Sarda,+ Filadelfiya+ ni Lawudikiya.”+
12 Se ni ndzuluka, swaku ni ta vona lweyi a a vulavula na mina, kutani ni vona xa ku tlhoma 7 wa swa ku voninga hi swona xa woru+ 13 naswona xikarhi ka swona a ku ni munhu wa ku fana ni n’wana wa munhu,+ na a yambale mpahla ya ku leha ya ku fika ka minenge a tlhela a boha bandhi la woru ka xifuva. 14 Nhloko ni misisi ya yena a swi basile ingaku i voya la ku basa li ku baa, a swi fana ni gamboko,* kasi matihlo ya yena a ma fana ni ndzilu lowu pfurhaka,+ 15 minenge ya yena a yi phatima ku fana ni kobre yayinene+ leyi nga hisiwa ka ndzilu, rito la yena a li twala ku fana ni guwa la mati ya manyingi. 16 Ka voko la yena la xinene a a tamele 7 wa tinyeleti,+ ka nomo wa yena a ku huma xipada xa ku leha ni xa ku lotiwa, lexi tsemaka ka matlhelo hamambirhi+ naswona nghohe* ya yena a yi fana ni dlambu loko li voninga hintamu.+ 17 Nkama ni nga mu vona ni we ka minenge ya yena ingaku ni yo fa.
Se a ni khumba hi voko la yena la xinene, a ku: “U nga chavi. Hi mina wa ku Sungula+ ni wa Wugamu,+ 18 ni lweyi a hanyaka;+ a ni file,+ kambe se na hanya hi masiku ni masiku+ naswona ni ni makhiya ya lifu ni ya Sirha.*+ 19 Se tsala minchumu leyi u nga yi vona ni minchumu leyi yi yendlekaka swoswi ni leyi nga ta yendleka loko ku hundza leyi. 20 A 7 wa tinyeleti leti u nga ni vona na ni ti tamelile ka voko la xinene ni xa ku tlhoma 7 wa swa ku voninga hi swona xa woru i xihundla xa ku kwetsima naswona swi vula leswi: A 7 wa tinyeleti ti nyimela tintsumi ta 7 wa mabandla, kasi 7 wa swa ku tlhoma swa ku voninga hi swona swi nyimela 7 wa mabandla.+