Vaheberu

9 Ntwananu wa ku sungula a wu ni minawu ya ntirho wa ku kwetsima ni ya ndhawu ya ku kwetsima+ amisaveni. 2 Hikusa ku yakiwe tabernakela;* ka sala la ku sungula a ku ni xa ku tlhoma swa ku voninga hi swona,*+ meza ni mapawu ya magandzelo;*+ naswona sala leli a li vitaniwa Ndhawu Ya Ku Kwetsima.+ 3 Kambe ndzhaku ka kortina la wumbirhi+ a ku ni sala lin’wani leli a li vitaniwa Ndhawu Ya Ku Kwetsima Hintamu.+ 4 Ka ndhawu leyi a ku ni xibya xa woru xa ku hisela ka xona magandzelo ya ku nun’hwela+ ni areka ya ntwananu+ leyi a yi namarhetiwe woru matlhelo hinkwawu,+ phakati ka yona a ku ni jaru la woru leli nga ni mana+ ni nhonga ya Aroni leyi nga hluka+ ni maribye+ lawa a ma tsaliwe minawu ya Xikwembu;* 5 naswona henhla ka lona a ku ni makerubu ya ku phatima ka tampa ya areka.+ Kambe swoswi a hi nkama wa ku vulavula swa swinyingi hi mhaka leyi.

6 Loko swilo leswi se swi yakisiwe xileswi, vaprista a va nghena ka sala la ku sungula nkama ni nkama swaku va yendla mintirho ya ku kwetsima;+ 7 kambe ka sala la wumbirhi a ku nghena muprista wamukulu na a li yexe kan’we hi lembe,+ a a nghena ni ngati+ leyi a a yi nyikela swaku yi va gandzelo la yena+ ni la swidjoho swa vanhu+ leswi va kalaka va nga swi yendlanga hi maxivomu. 8 Kutani moya wa ku kwetsima wu swi kombisa kahle swaku a nga kona lweyi a nga kombiwa ndlela ya ku ya ka ndhawu ya ku kwetsima, na ya ha li kona tabernakela ya ku sungula.+ 9 Tabernakela leyi yi nyimela nkama wa swoswi+ naswona ku ta fikela swoswi tinyiko ni magandzelo swa ha nyikeliwa.+ Kambe leswi a swi swi koti ku yendla lipfalu la munhu lweyi a yendlaka ntirho wa ku kwetsima li va la ku hetiseka.*+ 10 Swi fambisana ntsena ni swakudla, swa ku phuza ni tindlela ta ku tala ta ku basisa vanhu ni swilo.*+ Hi leswi a swi laveka hi ku ya hi nawu loko swi ta ka muzimbha+ naswona swi ve kona anze ku fika nkama lowu nga vekiwa wa ku lulamisa swilo.

11 Kambe Kreste a tile na a li muprista wamukulu leswaku a tisa swilo swaswinene leswi se hi nga na swona naswona a nghene ka tabernakela ya lisima swinene leyi nga hetiseka,* ya ku kala yi nga yendliwanga hi mavoko ya munhu naswona a yi kona lani misaveni. 12 A nga nghenanga ka ndhawu ya ku kwetsima ni ngati ya timbuti ni ya tihomu* kambe a nghene kan’we ntsena ni ngati ya yena,+ kutani a hi ponisa* hi nkama wa ku kala wu nga heli.+ 13 Loko swi ku ngati ya timbuti ni ya tihomu+ ni nkuma wa homu ya xisati* lowu a wu n’wan’waseliwa ka lava kalaka va nga basanga a swi va yendla va kwetsima ni ku va basisa muzimbha,+ 14 kutani ngati ya Kreste+ yi ta yendla swa ku tlula leswo, lweyi hi moya wa ku kwetsima a nga tinyikela ka Xikwembu na a nga na xisolo, a basisa mapfalu ya hina ka mintirho leyi nga fa+ leswaku hi ta yendlela Xikwembu lexi hanyaka+ ntirho wa ku kwetsima!

15 Hi yona mhaka leyi a nga mutlhanganisi wa ntwananu wa nyuwani,+ hikusa a file leswaku a ta chunsa vanhu hi nkutsulu+ ka swidjoho leswi va nga swi yendla na va ha li hansi ka ntwananu wa ku sungula, ni leswaku lava nga vitaniwa va ta yamukela xitshembiso xa tshomba la ku kala li nga heli.+ 16 Hikusa lani ku nga ni ntwananu, ku fanele ku fa munhu lweyi a nga wu yendla. 17 Phela ntwananu wu tiyisiwa hi ku fa, hikusa a wu tirhi loko munhu lweyi a nga wu yendla a ha hanya. 18 Se hambi ntwananu wa ku sungula a wu tirhanga* na ku nga na ngati. 19 Hikusa nkama Moxe a nga gama ku byela vanhu hinkwavu hinkwaswu leswi a swi laviwa hi Nawu, a game a teka ngati ya tihomu,* ya timbuti, mati, mavoya ya ku pshuka ni hisopa* a swi n’wan’wasela buku ni vanhu hinkwavu, 20 a ku: “Leyi i ngati ya ntwananu lowu Xikwembu xi nga mi byela swaku mi wu hlayisa.”+ 21 Hi ku fana, a n’wan’wasele tabernakela ni swibya hinkwaswu swa ntirho wa ku kwetsima hi ngati.+ 22 Hi ku ya hi Nawu swilo swa swinyingi swi basisiwa hi ngati+ naswona swidjoho a swi rivaleliwi loko ku nga halatiwi ngati.+

23 Se a swi fanela swaku minchumu leyi fanekiselaka+ swilo swa le matilweni yi basisiwa hi mayendlelo lawa,+ kambe swilo swa le matilweni swi basisiwa hi magandzelo ya ku yampsa ku tlula lawa. 24 Hikusa Kreste a nga nghenanga ka ndhawu ya ku kwetsima leyi nga yendliwa hi mavoko ya vanhu,+ leyi nga xifaniso xa ndhawu ya ku kwetsima ya ntiyiso+ kambe a nghene tilweni hi koxe,+ kutani a humelela phambheni ka Xikwembu hi mhaka ya hina.+ 25 Leswo a swi nga yendleliwi swaku a tinyikela makhambi ya manyingi, ku fana ni nkama lowu muprista wamukulu a a nghena ka ndhawu ya ku kwetsima lembe ni lembe+ na a ni ngati ya ku kala yi nga li ya yena. 26 Loko a swi tshamise leswo, a a ta boheka ku hlupheka makhambi ya manyingi ku sukela loko misava yi ve kona. Kambe swoswi ka masiku ya wugamu a humelele kan’we ntsena swi helela kolanu leswaku a susa xidjoho hi ku tiyendla gandzelo.+ 27 Ku fana ni leswi swi bohaka swaku vanhu va fa kan’we ntsena, kambe va gama va yavanyisiwa, 28 na yena Kreste a nyikeliwe kan’we ntsena leswaku a rhwala swidjoho swa vanhu va vanyingi;+ naswona loko a humelela ka wumbirhi a ku nga ta va hi mhaka ya xidjoho naswona a ta voniwa hi lava nga mu nyimela hi mbilu hinkwayu leswaku va ponisiwa.+