Nhlawutelo ya Yohani
21 Se ni vona tilo la nyuwani ni misava ya nyuwani;+ hikusa tilo la ku sungula ni misava ya ku sungula a swi nga ha li kona,+ ni lwandle+ a li nga ha li kona. 2 Ni tlhele ni vona ni doropa la ku kwetsima, ku nga Yerusalema wa Nyuwani, na li xika hi le tilweni li ta hi ka Xikwembu,+ li lunghisiwe ingaku i mutekiwa* lweyi a tisasekiselaka nuna wa yena.+ 3 Kutani ni twa rito lalikulu li huwelela na li ta hi ka xitshamu xa wuhosi li ku: “Vonani! Tabernakela ya Xikwembu yi le xikarhi ka vanhu, xi ta tshama na vona naswona vona va ta va vanhu va xona. Xikwembu xi ta va na vona.+ 4 Xi ta limpa mihloti hinkwayu ka matihlo ya vona,+ lifu a li nga ha ta va kona,+ hambi nkosi, ku rila ni ku twa ku vava a swi nge he vi kona.+ Swilo swa ku sungula swi hundzile.”
5 Kutani Lweyi a nga tshama ka xitshamu xa wuhosi+ a ku: “Vona, ni yendla swilo hinkwaswu swi va swa nyuwani.”+ A tlhela a ku: “Tsala, hikusa marito lawa ma tshembeka naswona i ya ntiyiso.” 6 A tlhela a ku: “Swi yendlekile! Hi mina Alfa na Omega,* masungulo ni magamu.+ Lweyi a nga ni torha ni ta mu nyika mati lama humaka hi ka xihlovo xa mati ya wutomi+ hi mahala. 7 Lweyi a hlulaka, a ta kuma swilo leswi naswona ni ta va Xikwembu xa yena, yena a ta va n’wana wa mina. 8 Kambe a matoya, lava kalaka va nga na lipfumelo,+ lava kalaka va nga basanga hi mhaka ya ku yendla swilo swa ku nyenyentsa, vadlayi,+ lava yendlaka wuntunga la swa masangu,*+ lava yendlaka swa wuloyi, lava gandzelaka swikwembu swa mavunhwa ni hinkwavu lava hembaka,+ va ta hoxiwa ka ndhawu* leyi ku pfurhaka ndzilu wawukulu swinene.+ Leswi swi fanekisela lifu la wumbirhi.”+
9 Se ku ta ntsumi yin’we ka tintsumi letiyani ta 7 na yi khome 7 wa switijelani leswi a swi tale hi 7 wa makhombo ya wugamu+ yi ni byela yi ku: “Tani halenu ni ta ku komba mutekiwa,* nsati wa Xinyempfani.”+ 10 Kutani yi ni teka hi matimba ya moya wa ku kwetsima yi ni yisa ka ntshava yayikulu ya ku leha swinene, yi ni komba Yerusalema, doropa la ku kwetsima na li xika hi le tilweni ka Xikwembu+ 11 na li ni ku phatima ka Xikwembu.+ Ku phatima ka kona a ku fana ni ribye la lisima ngopfu, ku fana ni ribye la jaxpe leli phatimaka ku fana ni vhidru.*+ 12 Doropa leli a li biyeliwe hi khumbi lalikulu la ku leha naswona a li ni 12 wa swipfalu, ni 12 wa tintsumi leti a ti nyime ka swipfalu naswona a mavito ya 12 wa tinxaka ta vana va Israyele a ma tsaliwile ka swipfalu swoleswo. 13 A ku ni swipfalu swinharhu ka tlhelo la le wuxeni, ni swipfalu swinharhu ka tlhelo la norte,* ni swipfalu swinharhu ka tlhelo la sul,* ni swipfalu swinharhu ka tlhelo la wupeladlambu.+ 14 Khumbi la doropa a li yakiwe henhla* ka 12 wa maribye, ka wona a ku tsaliwe 12 wa mavito ya 12 wa vapostolo+ va Xinyempfani.
15 Se lweyi a a vulavula na mina a a khome lihlanga la woru la ku pima hi lona leswaku a ta pima doropa, swipfalu ni khumbi la doropa.+ 16 Doropa leli a li ni 4 wa matlhelo ya ku ringana naswona ku leha ka lona a ku ringana ni ku yanama ka lona. Se a pima doropa hi lihlanga, kutani a kuma swaku ku leha, ku yanama ni ku tlakuka ka lona a ku li kolomuyani ka 2.220 wa makilometru;* hikusa matlhelo ya lona a ma ringana. 17 A tlhele a pima ni khumbi la doropa, se a kuma leswaku a li lehe kolomuyani ka 64 wa mametru* hi ku ya hi mapimelo ya munhu ni ya ntsumi. 18 Khumbi la kona a li yakiwe hi ribye la jaxpe+ naswona doropa a li yakiwe hi woru la ku tenga leli vonekelaka ku fana ni vhidru. 19 Khumbi la doropa a li yakiwe henhla* ka maribye ya lisima ya ku hambanahambana: Ribye la ku sungula a ku li jaxpe, la wumbirhi i safira, la wunharhu i kalkedoniya, la wu 4 i exmeralda, 20 la wu 5 i sardonika, la wu 6 i sardiyu, la wu 7 i krizolita, la wu 8 i berilu, la wu 9 i topazi, la wu 10 i krizopasi, la wu 11 i jasinto, la wu 12 i ametixta. 21 A 12 wa swipfalu a swi yendliwe hi 12 wa maperola;* xipfalu xin’wani ni xin’wani a xi yendliwe hi perola lin’we. Kutani ndlela yayikulu ya doropa a yi yendliwe hi woru la ku tenga leli vonekelaka ku fana ni vhidru.
22 A ni yi vonanga tempele phakati ka doropa hikusa Yehovha* Xikwembu xa Matimba Hinkwawu+ ni Xinyempfani, hi vona tempele ya doropa leli. 23 Naswona doropa leli a li lavi dlambu kumbe n’weti leswaku wu voninga, hikusa ku phatima ka Xikwembu ka li voningela+ naswona Xinyempfani i livoni+ la doropa leli. 24 Ku voninga ka doropa leli ku ta voningela matiko+ leswaku ma kota ku famba naswona tihosi ta misava ti ta dzunisa doropa leli. 25 Swipfalu swa doropa leli a swi nge pfaliwi ninhlikanhi, hikusa a ku nga ha ta va ni wusiku.+ 26 A ku dzuneka ka matiko ni ku hlonipheka ka wona ku ta tisiwa ka lona.+ 27 Kambe nchumu lowu nga chaka, munhu lweyi a yendlaka swilo swa ku nyenyentsa ni lweyi a hembaka a nge ngheni ka lona;+ kambe ku ta nghena ntsena lava nga tsaliwa ka buku la wutomi la Xinyempfani.+