Vakorinto Va Wumbirhi
13 Swoswi i ka wunharhu ni lavaka ku ta mi pfuxela. “Mhaka yin’wani ni yin’wani yi fanele yi tiyisiwa hi vafakazi vambirhi kumbe vanharhu.”+ 2 Hambileswi ni nga kule na n’wina, yamukelani marito ya mina ingi hiloko se ni mi yendzelile ka wumbirhi. Loko ku li lava nga djoha khale ni lavan’wani hinkwavu, ni va ba ndleve na ka ha li swoswi swaku loko no tshuka ni tlhela ni ta koseno a ni nga ta va felela. 3 Hi ku yendla leswo, ni ta va na ni mi komba swaku Kreste a ni tirhisa swaku a vulavula na n’wina. Kreste a hi munhu wa ku kala a nga na ntamu* loko a tirha xikarhi ka n’wina kambe matimba ya yena ma tirha xikarhi ka n’wina. 4 Hikusa hambileswi a nga dlayiwa mhandzini na a li munhu wa ku kala a nga na ntamu,* wa hanya hi mhaka ya matimba ya Xikwembu.+ Phela na hina hi tsanile ku fana ni leswi na yena a a tsanile kambe hi ta hanya na yena+ hi mhaka ya matimba ya Xikwembu lama nga ka n’wina.+
5 Tamani mi tikambela leswaku mi vona swaku lipfumelo la n’wina la ha tiyile ke; tamani mi tikombisa swaku mi vanhu va ku tshamisa ku yini.+ Mo kala mi nga swi voni swaku Yesu Kreste a ni wunghanu lalikulu na n’wina? Loko swi tshamise leswo a mi yamukeleki ka Xikwembu. 6 Na tshemba hikakunene swaku mi ta swi vona swaku hina ha yamukeleka ka Xikwembu.
7 Kutani hi khongela ka Xikwembu swaku mi nga yendli swa ku biha. A hi swi yendleli kuva hi tikomba ingaku ha yamukeleka ka van’wani, kambe hi swi yendlela swaku n’wina mi ta yendla swaswinene hambi va nga hi yamukeli van’wani. 8 Hikusa a hi nge yendli nchumu lexi lwisanaka ni ntiyiso, kambe ntsena lexi seketelaka ntiyiso. 9 Phela ha tsaka loko hi nga na ntamu kambe n’wina na mi li ni matimba. Naswona hi khongelela leswaku mi tlhela mi lulamisa mimpimiso ya n’wina. 10 Hileswi ni yendlaka ni mi tsalela na ni li kule swaku loko ni ta koseno, ni nga ma tirhisi hi ndlela ya ku biha matimba lawa Hosi yi nga ni nyika+ swaku ni mi tiyisa ku nga li ku mi hahlula.
11 Xa wugamu vamakwerhu, tamani mi tsaka, mi tlhela mi lulamisa mimpimiso ya n’wina, mi pfumela ku tiyisiwa hi van’wani,+ mi va ni mimpimiso yin’we,+ mi hanya hi ku rhula;+ kutani Xikwembu xa lirhandzu ni ku rhula+ xi ta va na n’wina. 12 Xowetanani hi lirhandzu.* 13 Va mi rungula vakwetsimi hinkwavu.
14 Ni navela swaku timpsalu tatikulu ta Hosi Yesu Kreste ni lirhandzu la Xikwembu ni moya wa ku kwetsima lowu hi pfunaka hinkwerhu, swi va na n’wina hinkwenu.