Yohani Wa Ku Sungula

1 Hi mi tsalela hi rito la wutomi+ ku nga lweyi a a li kona ku sukela ku sunguleni, lweyi hi nga mu twa, hi mu vona hi tlhela hi mu khoma. 2 (Wutomi li kombisiwile, hi li vonile naswona hi nyikela wumboni+ ni ku mi byela hi wutomi la ku kala li nga heli+ leli Papayi a nga hi komba lona). 3 Hi mi byela leswi hi nga swi vona ni ku swi twa+ leswaku hi ta va vanghanu ku fana ni leswi hi nga vanghanu va Papayi ni N’wana wa yena Yesu Kreste.+ 4 Hi mi tsalela minchumu leyi leswaku hi ta tsaka hintamu.

5 Lawa i mahungu lawa hi nga ma twa ka yena naswona hi mi byela wona hi ku: Xikwembu i ku voninga+ naswona a ku na munyama ka xona. 6 Loko hi ku: “Hi vanghanu va xona,” kambe hi tama hi famba ka munyama, ho hemba naswona a hi hanyi hi ntiyiso.+ 7 Kambe loko hi famba ka ku vonakala ku fana na xona xi nga ka ku vonakala, hi ta twanana naswona ngati ya N’wana wa xona Yesu ya hi basisa ka swidjoho hinkwaswu.+

8 Loko hi ku: “A hi na xidjoho,” ho tihembela+ naswona a hi na ntiyiso. 9 Loko hi vula swidjoho swa hina, xi ta hi rivalela ni ku hi basisa ka swilo hinkwaswu swa ku biha hikusa xa tshembeka naswona xi lulamile.+ 10 Loko hi ku: “A hi djohanga,” hi lava ku hlaya swaku xona i muhembi naswona rito la xona a li kona ka timbilu ta hina.