Samuwele Wa Ku Sungula

18 Hi ku hantlisa nkama Davhida a nga gama ku vulavula na Sawulo, Yonatani+ na Davhida va va vanghanu vavakulu, a za Yonatani a sungula ku rhandza Davhida ku fana ni leswi a a tirhandzisa swona.+ 2 Ku sukela hi siku lelo, Sawulo a tshame na Davhida, naswona a nga ha mu tshikanga a muka a ya ka papayi wa yena.+ 3 Leswi Yonatani a a mu rhandza hintamu Davhida ku fana ni leswi a a tirhandzisa swona,+ a yendle ntwananu na yena.+ 4 Se Yonatani a hlivila mpahla* yin’wani ka leyi a a yi yambalile a yi nyika Davhida a tlhela a mu nyika ni mpahla ya yena ya nyimpi, xipada, ligubu ni bandhi la yena. 5 Kutani Davhida a sungula ku huma a ya nyimpini, naswona a a hlula hinkwaku+ lomu Sawulo a a mu rhuma kona. Se Sawulo a mu veka swaku a va murhangeli wa masonchwa;+ leswi swi tsakise vanhu hinkwavu ni vatirhi va Sawulo.

6 A nkama Davhida ni masonchwa laman’wani a va vuya hi ku dlayeni ka Vafilista, vavasati va madoropa hinkwawu ya Israyele a va huma va ya tlhangaveta Hosi Sawulo. A va huma na va yimbelela hi ku tsaka+ va txina va tlhela va chaya swingomana ni swa ku chaya hi swona+ swa tingoti tinharhu. 7 Vavasati a va kulungela na va yimbelela va ku:

8 Sawulo a kwata hintamu,+ naswona lisimu leli a li nga mu tsakisi, hikusa a a ku: “Va li Davhida a dlaye 10.000 kambe mina ni dlaye 1.000. Se ku yo sala swaku va mu nyika ni wuhosi!”+ 9 Ku sukela hi siku lelo, Sawulo a sungula ku landzelela Davhida swaku a vona xin’wani ni xin’wani lexi a a xi yendla.

10 Hi mundzuku ka kona, Xikwembu xi tshika Sawulo a hluphiwa hi mimpimiso ya ku biha,+ se a sungula ku yendla swilo swa ku kala swi nga tolovelekanga kaya ka yena. Hi nkama wolowo Davhida a a chaya haripa+ ku fana ni masiku laman’wani. Sawulo a a tamele tlharhi,+ 11 se a li djikidjela ka Davhida,+ na a tibyela a ku: ‘Ni ta mu tlhava ni mu patsa ni khumbi!’ Kambe Davhida a vhika kambirhi. 12 Sawulo a a mu chava Davhida hikusa Yehovha a a li na yena,+ kambe a a sukile ka Sawulo.+ 13 Kutani Sawulo a tshikisa Davhida ku tirha kaya ka yena a mu veka swaku a va murhangeli wa 1.000 wa masonchwa; se Davhida a a rhangela masonchwa loko ma ya nyimpini.+ 14 Hinkwaswu leswi Davhida a a swi yendla a swi mu fambela kahle+ hikusa Yehovha a a li na yena.+ 15 A nkama Sawulo a nga vona swaku swi mu fambela kahle Davhida, a sungula ku mu chava. 16 Kambe vanhu hinkwavu va Israyele ni va Yuda a va mu rhandza Davhida, hikusa a a va rhangela loko va ya nyimpini.

17 Sawulo a gama a byela Davhida a ku: “Hi lweyi Meraba,+ n’wana wa mina wamukulu. Ni ta ku nyika yena swaku a va nsati wa wena.+ Kambe tama u ni komba swaku u sonchwa la matimba, hi ku lwa tinyimpi ta Yehovha.”+ Kambe hi ndzeni ka mbilu Sawulo a a tibyela leswi: ‘A ni lavi ku mu dlaya hi voko la mina, kambe a a dlayiwi hi Vafilista.’+ 18 Se Davhida a byela Sawulo a ku: “No va mani mina, naswona maxaka ya mina ni ndjangu wa papayi wa mina vo va vamani aIsrayele swaku ni nga za ni chada ni n’wana wa wena hosi?”+ 19 Kutani a nkama Meraba a a fanele a nyikiwa Davhida swaku a va nsati wa yena, se a a nyikeliwe ka Adriyeli+ wa le Mehola leswaku a va nsati wa yena.

20 Hi nkama wolowo Mikala+ n’wana wa Sawulo a a rhandza Davhida. A nkama Sawulo a nga twa mhaka leyi, yi mu tsakisile. 21 Sawulo a gama a ku: “Ni ta vhela ni mu nyika Mikala swaku ni mu phasa, se Vafilista va ta mu dlaya.”+ Sawulo a gama a byela Davhida ka wumbirhi a ku: “U ta chada ni n’wana wa mina namuntlha.” 22 Sawulo a tlhela a byela vatirhi va yena a ku: “Vulavulani na Davhida na swi nga twiwi hi munhu mi ku: ‘Yingisa! Phela hosi ya ku rhandza ni vatirhi va yona hinkwavu va ku rhandza. Se swoswi pfumela ku chada ni n’wana wa hosi.’” 23 Vatirhi va Sawulo va byela Davhida mhaka leyi, yena a ku: “Mi pimisa swaku ni nga swi kota ku chada ni n’wana wa hosi na ni li xisiwana naswona na ni voniwa ni nga li wa nchumu?”+ 24 Vatirhi va Sawulo va ya mu byela hinkwaswu leswi Davhida a nga swi hlaya.

25 Sawulo a gama a ku: “Fambani mi ya byela Davhida mi ku: ‘Hosi a yi lavi male ya lovolo+ kambe yi lava swaku u dlaya 100 wa Vafilista,+ u gama u vuya ni 100 wa minsuvu,* hikusa a hosi yo lava ku hakelisa ka valala va yona.’” Kambe Sawulo a a lava swaku Davhida a dlayiwa hi Vafilista. 26 Kutani vatirhi va Sawulo va ya byela Davhida mhaka leyi naswona a mhaka ya ku chada ni n’wana wa hosi a yi mu tsakisa Davhida.+ Se na ku nga se fika nkama lowu wu nga vekiwa, 27 Davhida a famba ni masonchwa lawa a ma li na yena va ya dlaya 200 wa Vafilista, va gama va vuya ni minsuvu ya vona swaku Davhida a ta va mukon’wani wa hosi. Kutani Sawulo a mu nyika Mikala n’wana wa yena a va nsati wa yena.+ 28 Sawulo a vona swaku Yehovha a a li na Davhida+ ni swaku Mikala n’wana wa yena a a rhandza Davhida.+ 29 Leswi swi yendle swaku Sawulo a ya a mu chava Davhida, se Sawulo a va nala wa Davhida wutomi la yena hinkwalu.+

30 Varhangeli va Vafilista a va huma va ya nyimpini, kambe minkama hinkwayu Davhida a a va hlula, naswona a a va hlula hintamu ku tlula vatirhi va Sawulo;+ kutani Davhida a hloniphiwa hintamu.+